IPISUS 4:32 - Tanou Moonsoi Timugon

³² Kaa' kataau am koonsoyo' noyo guang mino ra sangulun am bokon, am ampuno' noyo rondo' am bokon, mogondo' ri Aki Kapuuno' nangampun ramuyun ralalom ri Kristus.

IPISUS 4:32 ပူးပေါင်းရင်းမြစ်များ

2 SAMUIL 7:21

Ginio sabap ra bantu' am kasagaan Muno galama', mambaal Kou ra baal mangaayo no koson mangila' ra ulipon Muti.

MAZMUR 112:9

Pataakon no rapu' nano ra ulun musikin, masalok io mataau, manguasa' io am urumaton ru ulun.

MAZMUR 145:9

Moonsoi Io ra moonong ulun, am makaasi' ra ngaangai' binaal Nano.

AMSAL 12:10

Ulun moonsoi magalung ra tinambiag nilono, kaa' ulun malaat mangimbolo' ra tinambiag nilono.

AMSAL 19:11

Ulun mapintar mokoorot ra sangit. Omporon ilo sabap ra mangampun ra sala ru ulun bokon no risilo.

AMSAL 19:22

Kalansanan ra sasangulun ioginio gumagaya'. Moonsoi poyo masauk ra ulun musikin ka masauk ra magabau.

JISAYA 57:1

Paat ra ulun moonsoi matoi, kolondo' osoi pana makarati' kapoam mampalio riso. Kaa' paat ra ilo matoi, makalabus ilo ra karaat.

JIRIMIA 38:12

Nanusub io raki' mampaantul ra konoon-konoon no ra pakilok kutu, maa' raginio kalo marualan aku paat ra aku bundukon painsawato' ra kalat no,

MATIUS 6:12

Ampuno' noyo tula mai, koson akai niayuk mangampun ra ulun ondo' makatula ramon.

MARKUS 11:25

Paat ra akau makiasi', amon ru sasangulun makasala ramuyun, ampuno' noyo galing ulun no bagu no Ama' min giu' ra suruga' mangampun niayuk ra tula min.” [

LUKAS 1:78

Tuhan takano mataau am makaasi' kaga' am matong Io mamayag ritakau. Koson niayuk ra mato ru orou sumirang paat ra susuab,

LUKAS 11:4

Ampuno' noyo tula mai sabap ra akai pana mangampun ra moonong ulun ondo' makatula ramon. Am palabuso' akai no ra pangkinaman.’ ”

LUKAS 17:4

Amon ru intulu' io makatula rirun ralalom songorou no am moonong io matong rirun am mindagu, ‘Makiampun aku toojo,’ ampuno' noyo io.”

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

LUKAS 6:37

“Pai' kau kasauk ra akim ru ulun bokon, koson i Aki Kapuuno' kalo mangakim ramuyun. Pai' kau pangukum ra ulun, koson kalo ukumin kau ri Aki Kapuuno'. Ampuno' noyo ulun ra bokon, koson akau pana ampunon ri Aki Kapuuno'.

RINALATAN 28:2

Mamagun ra intok ti mongoonsoi ngaangai' ramon. Nangkimait ilo ramon makararang ra apui, sabap ra timinalimpuun noyo rumasam am angin niayuk sumoyob masimu'.

ROMA 12:10

Raino mabubukat kau sabap ri Kristus, pontotogom kano ra rondo' am bokon. Pirot kano pagugurumat ra rondo' am bokon.

1 KORINTUS 13:4

Ulun ondo' motogom ra ulun bokon no mataan guang am maluoi makaasi'. Ulun no kalo maingot kapoam lumimbau, am poyo kalo masumbung.

2 KORINTUS 2:10

Amon ru mangampun kau ra osoi ayuk makatula, aku pana mangampun riso. Sabap ra amon ru mokoondo' musiti' ku ampunon, ginio ampunon ku ra saang ri Kristus koson ra kaatangan min.

2 KORINTUS 2:7

Raino akau musiti' mangampun riso am paikango' min io, maa' raginio kalo mangiluk guang no suku' mairu' kalansanan nano.

2 KORINTUS 6:6

Mabaya' ra guang mapasau, kapintaran, guang mataan, guang mataau, indangan ru Ambiluo ri Aki Kapuuno' am togom ra motopot, pinakito mai noyo ra akai ti ulipon ayuk ri Aki Kapuuno'.

IPISUS 5:1

Tilu kano ri Aki Kapuuno' sabap ra akau noyo anak ondo' tagamin Nano.

JAKUBUS 5:11

Ilo no piawon takau ra ulun makaansuk sabap ra kinataan ru guang nilai i. Norongog min noyo ati kulaan guang pantataan ri Ayup, am nakapandai kano pupus ru inatang ru Tuhan koson riso. Sabap ra Tuhan no maluoi makaasi' am maayo toojo guang.

2 PITRUS 1:7

Am kaayagan min kasagain ri Aki Kapuuno' no, ruangin ra guang motogom ra ulun Kristian; am ginio ruangin ra guang motogom ra ngaangai' ulun.

1 JUANIS 1:9

Kaa' amon ru mangiou takau ra tula takau ri Aki Kapuuno', intopoton No bantu' Nali ritakau am mambaal Io ra atan ondo' motopot; ampunon No tula takau am mangimpasau ritakau intor ra ngaangai' kalaatan.

1 JUANIS 2:12

Anak kau ngaangai', tulisin takamin ra tula min inampun noyo sabap ra ondo' binaal ri Jisus Kristus.

RUT 2:20

“Gama' ru barakaton ru Tuhan i Boas!” Kon ri Naomi ri Rut. “Tuhan masalok mampagagaya' ra bantu' Nano, ra ulun lakat maayag kapoam ulun ondo' namagatoi.” Kono poyo, “Ulun no pabukat molongkot takau. Io no niayuk magalung ritakau.”