IPISUS 4:31 - Tanou Moonsoi Timugon

³¹ Langgai' noyo paliso ra mangusolon, guang ra malaat am masasangit. Pai' kau pakimansangor kapoam magasab ra ulun. Inggalur kano ra guang ra masisang.

IPISUS 4:31 ပူးပေါင်းရင်းမြစ်များ

KASAUKAN 27:41

Ginio ra masisang i Isau ri Jakub, sabap ra inanian ru ama' nano i Jakub ra barakat i. Migindagu io ra guang nano, “Panguliran ra ama' ku matoi maar noyo, potoyon ku i Jakub no!”

KASAUKAN 37:21

Kaining ri Rubin inatangan nilono am mangkinam io mamayag ri Jusup. Kono, “Pai' min potoyo' io.

KASAUKAN 37:4

Pakaliman pagaka'-pagaka' nano ra motogom poyo ama' nilono ri Jusup ka ilo, kasisangin nilo kaga' i Jusup saboi kalo mindagu ilo riso ra bobonsoi.

KASAUKAN 4:8

Indagu boo i Kain ra boborok nano, i Abil, “Ongoi to ra umo.” Pakasaboi ilo ra intok no, gabuo' ri Kain boborok nano am potoyo' no.

2 SAMUIL 13:22

Mansuli' kaga' i Absalom ri Amnon am marara' boo mindagu riso, sabap ra rinulug noyo ri Amnon i Tamar, boborok nano.

2 SAMUIL 19:27

Sinimbaalan no aku ra ragu malaat rirun. Kaa' okou koson ra malaikat ri Aki Kapuuno'. Ginio ra baalo' noyo raki' atan ayuk kasagaan muno.

2 SAMUIL 19:43

Indagu ulun ru Israil, “Akai ti inggopor poyo gayo ru pagapuan mai intor ramuyun ra Raja' Daut. Kabalu' pana raja' no akau po ngai', kua kataman kou ramon? Pai' liliani' ra akai no ondo' kasaa' ondo' mangatang koson magibit ra raja' muli'!” Kaa' ulun ru Jiuda mingkotog poyo mampasalula' ra pagapuan nilo intor ra ulun ru Israil.

MAZMUR 101:5

Ulun manimbaal ra kalinuos ayuk pusoon ku; ulun ondo' malilimbau am masawat guang kalo polosoon ku koson raginio.

MAZMUR 140:11

Polosoon noyo pulumpur ru apui rumatu' risilo; polosoon ilo no maratu' ra lagam am kalo boo makaingkual.

MAZMUR 15:3

ondo' kalo manimbaal ra ragu ra ulun bokon; kalo naninduol ra guang ru rangan, am kalo mampaluta' ra pinasambalayan;

MAZMUR 37:8

Pai' sangit kapoam malasu' guang; baal raginio mangkinibit ayuk mulas ra inan galama'.

MAZMUR 50:20

Uwin min rayuso' pabukat mino, am pongkotob simbaalin ra ragu.

MAZMUR 64:3

Sindungi' aku intor ra pampakatan ru ulun malaat, am intor ra ulun ondo' nausung.

AMSAL 10:12

Kasisangan mangkinibit ra pansasangaran; togom mangampun ra ngaangai' kasalaan.

AMSAL 10:18

Ulun ondo' mambuni ra kasisangan iono mamparuung. Ulun ondo' mangalimut iono sasambungon.

AMSAL 14:17

Ulun ondo' mataki' sumangit namatasan nano sasambungon; ulun mapintar masalok kalinuos ayuk.

AMSAL 18:8

Ragu simbaalon maamis kaga'; masaga' ulun monolon.

AMSAL 19:12

Sangit ru raja' koson ra sangal ru singa', kaa' kinoonsoi nano koson ra bolobou mamasa' ra tatanom.

AMSAL 25:23

Mangalimut maparatong ra sangit koson ra angin ralayo magibit ra rasam.

AMSAL 26:20

Kolondo' luton, apui malasa'; kolondo' mangalimut, pansangaran pana lumonggo'.

AMSAL 29:22

Ulun ra mataki' sumangit mapatabual ra masuang pansangaran am kapaganan.

AMSAL 29:9

Amon ru ulun mapintar mantagi' ra ulun sasambungon giu' ra makama, ulun sasambungon no gumabu' am mampalakak ayuk saboi mapatabual ra kajajawan.

MAMPATANOU 7:9

Pai' kaluoi sumangit; ondo' ulun kalo matanda' ayuk mampauli ra suli'.

JIRIMIA 6:28

Ilo ngaangai' gugumuor ondo' mokotog guang, koson ra kinokotog ru tambaga' am basi'. Malaat paliso nilo am mugar mongoi ra ati-ati koson mampatanou ra tanou ondo' mampalaat ra ulun bokon.

JIRIMIA 9:4

Moonong ulun musiti' pagilalain rangan nano; pongkotob pana kalo maintopot. Koson ilo ri Jakub ondo' namparuung ra pabukat nano, am moonong ulun manimbaal ra ragu ra rangan nano.

RINALATAN 21:30

Kumuliangi-angi ngaangai' ulun giu' ra bandar no am pasisimbul ilo ra Baloi Tuhan. Rokopo' nilo i Paulus am ralaato' paingkualo' intor ra Baloi Tuhan am angabi' boo kulobon i ra mataki'.

ROMA 3:14

Moporos ulas nilono.

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

1 KORINTUS 5:8

Ginio poyo, ibok iantako' takau bunsag ra Ruti' Kalo Linatakan ra Ragi no, ioginio kapasawan ru guang am ondo' kasagain ri Aki Kapuuno'. Pai' takau iantako' bunsag no ra ruti' ondo' linatakan ra ragi nakalair, ioginio makatula am kalaatan.

2 KORINTUS 12:20

Maimamang aku ra paat ra mongoi aku ramuyun, ilain ku sala' kau boo intor ra atan ondo' lansanin kuli, am aku pana sala' boo intor ra atan ondo' lansanin min. Maimamang aku ra akau mansasangor, magugusolon, mansisang, matayar-tayar, magagasab, mangilaat ra ulun, malilimbau am kumuliangi-angi kau.

GALATIA 5:20

sumamba ra sinungkalalaing am kapandayan ra sihir. Mangkinibit ra ulun mantutula', mansasangor, magigingot, masasangit am masaga' makiompor ra ulun, kalo mogondo' guang am mansusuai ayuk.

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

IPISUS 4:25

Pai' kano boo pagabau! Musiti' kau mindagu ra motopot ra rondo' am bokon, sabap ra itakau ngaangai' ti makatayar noyo ra inan ri Kristus.

IPISUS 4:26

Amon ru sumangit kau, pai' polosoo' sangit mino mangkinibit ramuyun makatula. Pai' bulii' sangit minti suku' ra talapan ru orou.

KOLOSI 3:19

Ralaki kau ngai', tagami' min noyo andu' mino am pai' min ilo ulipono'.

KOLOSI 3:8

Kaa' raino inggaluri' min noyo paliso ragitio: masasangit, mataki' malasu' guang, guang masisang, ragu magasab am poyo ragu ondo' makauyuyu' iningon.

1 TIMOTIUS 3:11

Andu' nilo pana musiti' makapaliso ra moonsoi, sala' ka masaga' mansunur ra bokon, mataan guang am malansanan ra atan ayuk baal.

1 TIMOTIUS 3:3

Am poyo kalo gagaukon, kalo makimansangor kaa' sotopot no lumomoi ayuk am makimobonsoi am kalo maringkumaa' ra kalangkayaan.

1 TIMOTIUS 5:13

Am poyo maindalom ilo boo magayam ayuk gagalapon; mulu' poyo raginio ilo ti mansunur ayuk ra ulun gagalapon, kokosombot ra baalon ru bokon am poyo magindagu ra ondo' kalo sama' iningon.

2 TIMOTIUS 2:23

Pai' noyo baya' ra pantataaman ondo' kolondo' onong. Nakatutun kou noyo ra ngaangai' ti mampasalula' ayuk ra pansasangaran.

2 TIMOTIUS 3:3

Kalo motogom kapoam mangampun ilo ra ulun bokon am masaga' ayuk manimbaal ra ragu. Am poyo mataki' ilo malasu' guang, malaat ilo am masisang poyo ra kaansayan.

TITUS 1:7

Sangulun tingganai musiti' kolondo' sala sabap ra mangatang io ra kandoi ri Aki Kapuuno'. Kalo noyo io minsawat guang, kalo mataki' malasu' guang kapoam gagaukon, am poyo kalo maangkol-angkol kapoam maringkumaa' ra kalangkayaan ru tana' ti.

TITUS 2:3

Ragui' niayuk ruandu' matutuo rati ra tumanda' ilo sumugut ra tiluan ru sangulun ondo' mapasau. Kalo noyo mansunur ra bokon kapoam gagaukon, kaa' makapangila' poyo ra moonsoi,

JAKUBUS 1:19

Pabukat kau ngai' ondo' tagamin ku, karaa' min toojo gitio! Moonsoi ru makapaliso kau ra maluoi mangkirongog, kaa' kalo mataki' manulu' ra bokon am poyo kalo mataki' malasu' guang.

JAKUBUS 3:14

Kaa' amon ru lakat kau poyo magusolon, maruol guang am maguyum ak ra kaatangan galama', pai' noyo limbau ra kapintaran minti sabap ra ngaangai' ti abau ayuk.

JAKUBUS 4:11

Pabukat kau ngai', pai' kano pagasab ra rondo' am bokon. Osoi ayuk magasab kapoam mangukum ra pabukat nano ra Kristian, sotopot no magasab kapoam mangukum io ra Ukum ri Aki Kapuuno'. Am amon ru Ukum ti salaan no poyo, arati' no kalo boo suguton no io, kaa' Ukum salaan no boo.

1 PITRUS 2:1

Ginio nai patiri' min noyo ngaangai' kalaatan ru guang min; pai' kano pamparuung, pai' pagabau, pai' kaingot am pai' pagasab ra ulun bokon.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.

1 JUANIS 3:15

Osoi ayuk masisang ra rondo' am bokon, io no sangulun mamamatoi. Am maaru' kaayagan mantilayun kalo sumoroi ra sangulun mamamatoi.

PINAINTALANG 12:10

Korongog ku boo bolos mapuor giu' ra suruga' minindagu, “Raino noyo i Aki Kapuuno' mamayag ra ulun Nano. Raino i Aki Kapuuno' mampakito ra kuasa' Nano koson ra raja'. Raino Mamamayag ondo' sinusub Nano mampakito niayuk ra kuasa' maayo Nano. Sabap ra io ondo' orou-rondom nanguu' ra pabukat-pabukat takau ra saang ri Aki Kapuuno', pinatiran noyo intor ra suruga'.