IPISUS 4:30 - Tanou Moonsoi Timugon

³⁰ Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.

IPISUS 4:30 ပူးပေါင်းရင်းမြစ်များ

KASAUKAN 6:3

Tuhan pana mindagu boo, “Kalo polosoon Ku ulun maayag ra sabubuoi; ilo ulun mapandai matoi. Intor raino ti, umur nilo kalo masailan intor ra 120 ngambilor.”

KASAUKAN 6:6

Ginio ra pansagulian boo Tuhan napasauk risilo am napaayan ra tana' ti. Nasindualan kaga' Tuhan.

MAZMUR 78:40

Mapara' ilo masalok lumaat Riso giu' ra tana' kaagisan; mapara' ilo masalok mapangiluk ra guang Nano!

MAZMUR 95:10

Suku' apat ngoopor ngambilor Aku nasuraan risilo; Minindagu Aku, ‘Mapara' piboo usung nilono! Kalo gumagaya' ilo ra panusuban Kuno.’

JISAYA 43:24

Kalo binalian min Aku ra kaminyan maamis owou, kapoam jinala' min Aku ra lomok ru bibiag ondo' pataakon min. Kaa' sinimbagatan min boo Aku ra tula mino; kasalaan mino napakapagon Raki'.

JISAYA 63:10

kaa' ilo gumuor Riso am mangkinibit ra Tuhan mangiluk guang. Ginio ra Tuhan makimantula' am manggal risilo.

JISAYA 7:13

Taam boo i Jisaya, “Rongogo' min toojo, akau papag ru Raja' Daut. Kalo kia poyo sama' okou mangkinam ra orot ru ulun? Musiti' kia okou mangkinam ra orot ri Aki Kapuuno' kuno niayuk?

YEHEZKIEL 16:43

Nalilianan mu ati kulaan pinamakuan Kuno rirun paat ra okou boborok ayuk poyo, am napasingkual kou ra sangit Kuno ra ngaangai' binaal muno. Ginio sabap no ra musiti' kou mansaan ra ukuman no. Kua kia pansawa' kou poyo malupus nambaal ra ngaangai' baal ra bokon ondo' makauyuyu' no?” Tuhan Raja' minindagu noyo.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

MARKUS 3:5

Mongoror Io risilo sabap ra maruol guang Nano, kaa' mangiluk Io ra mokotog ulu nilo. Indagu Io boo ra ulun no, “Patutuyo' noyo longon muno!” Patutuyo' ru ulun no longon nano, am kapali' boo.

LUKAS 21:28

Tumalimpuun poyo masauk baal ragitio, ingkakat am pantingaa' sabap ra mamaar kano bayagon.”

JUANIS 3:33

Kaa' osoi ayuk mangintopot ra kaintutunan Nano, io no mangiou ra i Aki Kapuuno' no motopot.

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

1 KORINTUS 15:54

Paat ra ondo' mapuso no maaligan ra mantilayun, ioginio ondo' matoi maaligan ra kalo matoi, am masugut boo ragu ru Buuk Kitab ra, “Kapatayan mapuso noyo; namanang noyo i Aki Kapuuno'.”

1 TISALONIKA 5:19

Pai' min noyo ompongo' Ambiluo ri Aki Kapuuno'.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

IBRANI 3:10

Ginio nai ra Aku siminangit risilo am minindagu: ‘Masalok makalayau pamaguangan nilai am kalo noyo giminagaya' ilo ra panusuban Kuli.’

IBRANI 3:17

Ri osoi kia sinangitan Nano buoi apat ngoopor ngambilor? Ilo tupo ondo' nambaal ra tula am minatoi giu' ra tana' kaagisan.

TINGGANAI RU BANSA' 10:16

Ilo pana namatir ra ngaangai' sinungkalalaing, am samba ra Tuhan. Io pana mangiluk nakakito ra kapaganan ondo' mailian ru ulun ru Israil.