IPISUS 4:29 - Tanou Moonsoi Timugon

²⁹ Paat ra akau makimansunur, pai' raguo' ondo' makaruol ra guang. Indagu ayuk ra mokoonong, koson ra ragu mangila' am mangindangan, maa' raginio ondo' sinunur mino magibit ra kaansayan ra ulun ondo' mangkirongog.

IPISUS 4:29 ပူးပေါင်းရင်းမြစ်များ

MAZMUR 45:2

Guang kutu napanu' ra ragu-ragu maamis bulintok ra aku nambaal ra rimbai pasukuon ra raja'; rila' kutu koson ayuk ra santaun pamamatik ru sangulun mamamatik ra sisindiron.

MAZMUR 5:9

Iou Tuhan, masuang kaga' pantula' kuno; ilaa' aku mambaal ra kasagaan Muno, am tului' aku ra ralan ondo' musiti' no mauma' kuno.

MAZMUR 52:2

bulintok ri Doig, ulun ru Idom no minuma' ra Raja' Saul am nambala' riso ra minongoi noyo i Daut ra baloi ri Abimilik.

MAZMUR 71:24

Songorowon Ku mantunung ra gagaya' Muno, sabap ra ilo ondo' kuminam mangurana' raki' no kinala noyo am tinauyu' noyo.

AMSAL 12:13

Ulun malaat masulungan ru ragu nilo galama', kaa' ulun moonsoi makalabus intor ra kapaganan.

AMSAL 15:23

Ragu-ragu ra pinasalula' nakatuma' ra bulintok no maparatong ra kaansukan.

AMSAL 15:7

Katutunan pinatanou ru ulun mapintar, sala' ka ulun sasambungon.

AMSAL 16:21

Ulun mapintar omporon sabap ra kapintaran nano. Gumaai lomoi ru raguon nano, gumaai poyo intopoton ru ulun ragu nano.

MAMPATANOU 10:12

Rinagu ru ulun mapintar namparatong ra urumat ru inan nilo galama', kaa' rinagu ru ulun kalo matanda' nampalaat ra inggalan nilo galama'.

JISAYA 50:4

Tuhan Ondo' Masawat Kaga' mangila' raki' makimansunur, maa' raginio ragu kuno mapaikang ra ulun maagui. Moonong susuab patirongon No gogoton kuno koson mangkirongog ra pangilaan Nano koson raki'.

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

LUKAS 4:22

Moonsoi kaga' rinagu Nali, saboi nangimuag am nangiou ulun Riso, konilo, “Anak alia gitio ri Jusup.”

JUANIS 1:37

Korongog ru ruo ngaulun maamaya' ri Juanis ragu nali, ugar boo ilo ruo baya' ri Jisus.

ROMA 14:19

Intor raginio, kasalok takano mirot maayag ra rondo' guang am magigikang ra pangintapatan.

ROMA 15:2

Ginio ra pirot takano pangindangan ra pabukat Kristian koson kaatangan nilo maa' raginio mikang boo pangintapatan nilo.

1 KORINTUS 14:19

Kaa' paat ra aku mangila' ra pasimpungan ulun Kristian, moonsoi poyo ru mindagu aku limo ragu ayuk pana ondo' maratian ru ulun intor ra kukula' ngaribu ragu ralalom ragu imuagan.

IPISUS 4:12

Gitio binaal Nano koson momongo ra ngaangai' ulun ri Aki Kapuuno' mangandoi ra Tuhan, koson mapaikang ra inan ri Kristus.

IPISUS 4:16

Maya' ra paningganayan Nano, moonong tayar ru inan mokoondo' noyo ra intok sigagama', am inan no matunggul toojo ru parangaban. Amon ru moonong tayar ti mambaal ra kandoi nano galama', ulun no sumukor boo, koson maikang takau boo ralalom ru togom.

KOLOSI 4:6

Kasalok kano makimansunur ra ondo' mampakatasu' am makapamunduk ra guang. Tutun kano ati kulaan tumaam ra matanda' ra atan ayuk pangkuatan ru sasangulun.

1 TISALONIKA 5:11

Ginio ra kaikango' am pangindangan kano ra rondo' am bokon mogondo' ra baalon min raino ti.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

1 PITRUS 3:1

Mogondo' niayuk ramuyun andu' kau ngai', ra gagaya' kano ra ralaki mino. Maa' raginio amon ru mokoondo' lair intor risilo kalo mangintopot ra bala' ri Aki Kapuuno', kaayagan min raginio noyo magibit risilo mangintopot.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.