IPISUS 4:22 - Tanou Moonsoi Timugon

²² Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

IPISUS 4:22 ပူးပေါင်းရင်းမြစ်များ

AYUP 22:23

Musiti' kou sumaguli' ri Aki Kapuuno' ra guang minggana', am ngaangai' kalaatan giu' ra baloi muno musiti' pupusin mu.

AMSAL 11:18

Ulun malaat kalo makaalap ra kaulian ra sotopot no; kaa' ulun mambaal ra moonsoi kaulian nano motopot.

JIRIMIA 17:9

Guang ru ulun kalo maratian ru osoi pana; guang ru ulun mapintar toojo intor ra ngaangai' no, am maruol nano maingor kaga'.

JIRIMIA 49:16

Ruungon kau ru kalimbawan min. Kolondo' sangulun pana malaa' ramuyun koson ra pangkaraan min. Minayan kau giu' ra lolot ru bulur batu, maalur giu' ra rasawat ru gunung. Kaa' kabalu' pana nambaal kau ra baloi giu' ra intok masawat kaga', koson ra sawat ru bunsut ru susuit kanui, paingganaan kau ru Tuhan. Koon raginio noyo ragu ru Tuhan.”

OBAJA 1:3

Rinuung kau ru limbau mino. Pusor bandar min noyo kubu ru batu ondo' mapiot; intok ayanan min giu' ra tampak ru gunung ondo' masawat. Ginio sabap ra akau mangkara', ‘Osoi kia ondo' masaga' mamparatu' ramon?’

ROMA 6:6

Mapandayan takano ra kiralan ru kaayagan lair takau pinuso noyo paat ri Kristus pinatoi giu' ra salip, koson kuasa' ru paliso takau ondo' makatula no pusoon. Maa' raginio, kalo boo uliponon takau ru tula.

ROMA 7:11

Mansail ra ukum no, makakaluagan tula mamparuung am mangkinibit raki' ukumin ra potoyon.

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

GALATIA 1:13

Naala' kano ra ati kulaan kaayagan kuno ragili koson sangulun ondo' mapirot gumagaya' ra ugama Jaudi. Ati kulaan poyo kinalaat kuno ra aku nangimbolo' ra pasimpungan ru ulun ondo' mangintopot ri Aki Kapuuno' saboi mompogogot toojo mamuso risilo.

IPISUS 2:3

Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

IPISUS 4:17

Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

IPISUS 4:25

Pai' kano boo pagabau! Musiti' kau mindagu ra motopot ra rondo' am bokon, sabap ra itakau ngaangai' ti makatayar noyo ra inan ri Kristus.

IPISUS 4:31

Langgai' noyo paliso ra mangusolon, guang ra malaat am masasangit. Pai' kau pakimansangor kapoam magasab ra ulun. Inggalur kano ra guang ra masisang.

KOLOSI 2:11

Paat ra akau siminimpung ri Kristus, ginio koson ra kaulayan ru sunat, ioginio tula mino iniru' noyo. Gitio binaal Nano koson mampalabus ramuyun intor ra kinibit ru kuasa' ru tula mino.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

IBRANI 12:1

Ngaangai' sasi' ra raitii' ni makakito ritakau; intor raginio tatango' takano ngaangai' ondo' mongompong ritakau am niayuk tula ondo' masalok mumbir ritakau, am pirot takano baya' ra pasimbulan ondo' inaru' ri Aki Kapuuno' ritakau.

IBRANI 3:13

Kaa' pangindangan kano ra rondo' am bokon ra moonong orou, buoi ondo' sabiton ra ‘Orou Raiti' ’ ralalom ru Buuk Kitab, lakat poyo soroi maa' raginio kolondo' sangulun pana mingkotog guang sabap ra maruung io ru tula.

JAKUBUS 1:21

Ginio nai ra patiri' noyo ngaangai' kaindalaman ra majamol kapoam malaat. Mabaya' boo ra guang minggana', apuo' noyo bala' ri Aki Kapuuno' ondo' porondonon Nano ra guang min. Sabap ra bala' ragitio noyo ondo' makapamayag ramuyun.

JAKUBUS 1:26

Amon ru mokoondo' sasangulun mangkara' ra io ti noyo manginsugut toojo ri Aki Kapuuno', kaa' kalo panantulangon rila' ra io mindagu, io galama' ayuk miruruung am panginsugutan nati pana kolondo' onong.

1 PITRUS 1:18

Nakapandai kano ra logo ondo' binayaran nampalabus ramuyun intor ra kaulayan ra kolondo' onong ondo' sinugul min intor ra kinamatuaan min i. Pai' ru koson ra pirok kapoam mas ra maalap kalunsai no ondo' nakapampalabus ramuyun;

1 PITRUS 4:3

Paat ragili, kaayagan min koson niayuk ra ulun ondo' kalo poyo makaulig ra Tuhan. Kalo noyo moonsoi kiralan ru kaayagan min: Minaya' kau ra guang mansasawa', mangagauk, magiginum ra majanjayan saboi mokoondo' baal makauyuyu' masauk am poyo siminamba kau ra sinungkalalaing ondo' kasisangin ru Tuhan.

2 PITRUS 2:13

Sabap ra nangimbolo' ilo ra ulun bokon, ginio ra imboloon ilo. Makapaliso ilo ra majanjayan, saboi paat ra matawang pana masaga' ilo ayuk mambaal ra atan ayuk laai ru guang nilai galama'. Makatataman am makauyuyu' ilo paat ra rumamai ra jajajou. Ondo' kaansayan nilai ti sotopot no, masaga' ayuk mamparuung ramuyun.

2 PITRUS 2:7

Kaa' i Lot binayag, sabap ra io sangulun motopot; sinindualan guang nano ru ulun malaat ondo' nambaal ra pansasawaan.

1 SAMUIL 1:14

Kopongo raginio indagu i Ili riso, “Pai' gauk ragiti! Pai' boo panginum ra wain!”