IPISUS 4:18 - Tanou Moonsoi Timugon

¹⁸ Pangaratian nilo pana molondom. Kalo niayuk nakaliman ilo ra kaayagan ondo' taakin ri Aki Kapuuno', sabap ra kalo masaga' ilo mintutun am mokotog toojo ulu nilo.

IPISUS 4:18 ပူးပေါင်းရင်းမြစ်များ

MAZMUR 74:20

Karaa' noyo nabantuan ondo' inaru' Muli ramon, sabap ra masuang pampatayan ra moonong intok molondom ra pagun ti.

JISAYA 25:7

Bulur ragitio, pusoon No nansalinut kapaganan ru guang ondo' masalok malimanan ru ngaangai bansa'.

YEHEZKIEL 14:5

Ngaangai' sinungkalalaing no nampainggalur ra ulun ru Israil intor Raki', kaa' taam Kuno malansan Aku manimayo risilo sumaguli' Raki'.’

DANIL 5:20

Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

MATIUS 13:15

Sabap ra pangkaraan nilono kalo kinalarom, sinilong nilo talingo nilono, am koromo' nilo mato nilono. Sabap ra amon ru kalo, makakito mato nilono, mokorongog talingo nilono am pangkaraan nilono malarom am sumaguli' ilo Raki', am mamabas Aku risilo,’ kon ri Aki Kapuuno'.

MARKUS 3:5

Mongoror Io risilo sabap ra maruol guang Nano, kaa' mangiluk Io ra mokotog ulu nilo. Indagu Io boo ra ulun no, “Patutuyo' noyo longon muno!” Patutuyo' ru ulun no longon nano, am kapali' boo.

JUANIS 12:40

“Nompokoolou i Aki Kapuuno' ra mato nilai, am nambaal risilo mailo mangarati'; koson mato nilai kalo makakito, am guang nilai pana kalo makarati'; am kalo sumaguli' ilo ra Tuhan, koson babason No ilo.”

RINALATAN 17:30

Kalo boo karaan ri Aki Kapuuno' paat ru ulun kalo nakaulig Riso ra galing i. Kaa' raino nanusub Io ra ngaangai' ulun ru tana' ti tumalikur intor ra tula nilai.

RINALATAN 3:17

“Pabukat kau ngaangai'! Raino nakapandai aku ra atan ondo' binaal min am tingganai mino ri Jisus i, ginio binaal min sabap ra kalo nakarati' kau.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 11:25

Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'.

ROMA 11:7

Arati' ru ginio kalo natuum ru ulun ru Israil atan ondo' inuyum nilai. Kaa' ondo' nakatuum am kukula' ngaulun pinili' Nano ayuk am bokon no nangimpai ra pampiawan ri Aki Kapuuno'.

ROMA 2:19

Mangintopot kau ra akau ti koson ra mangingitang ra ulun bolou am koson ra sinda risilo ondo' ralalom kalandaman.

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

1 KORINTUS 2:8

Kolondo' sangulun intor ra mangunguasa' ru tana' ti nakarati' ra kapintaran raginio. Amon ru nakarati' ilo, maaru' kalo masalip nilo Tuhan ondo' matulai kaga' i.

2 KORINTUS 3:14

Kaa' koson risilo, kinotog nilo guang nilai no. Saboi ra orou raiti' guang nilai no lakat ayuk poyo nasilian paat ra ilo mambasa' ra kitab Nabantuan Lair no. Ginio maalap ayuk kairu' paat ra sasangulun no masimpung ri Kristus.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

GALATIA 4:8

Ra galing i, paat ra akau kalo poyo nakaulig ri Aki Kapuuno', akau inulipon ru riwato ondo' karaan ra tuhan, ondo' kuasa' nilo sala' ka intor ri Aki Kapuuno'.

IPISUS 2:1

Ra galing i ra pagilangan ri Aki Kapuuno' koson ayuk ra minatoi kano sabap ra anggal am tula mini.

IPISUS 2:12

Paat ragili maalur kau intor ri Kristus. Akau ti nogondo' ra ulun bansa' ru bokon am sala' ka tayar kau ru ulun pinili' ri Aki Kapuuno', am kolondo' tayar min ra atan ayuk nabantuan ondo' inaru' ri Aki Kapuuno' koson risilo. Kolondo' kalansanan kapoam kaintutunan min ri Aki Kapuuno' ralalom ru kaayagan min.

KOLOSI 1:21

Akau pana ragili, timinalikur kau ri Aki Kapuuno'. Nakimantula' kau Riso sabap ra paliso am guang mino malaat.

1 TISALONIKA 4:5

Pai' kano baya' ra kinibit lumapau, koson ra ulun ondo' kalo makaulig ri Aki Kapuuno'.

IBRANI 5:2

Molomoi io ra ulun ondo' kalo kukula' kaintutunan am ondo' palayawon boo ru ulun ra bokon, sabap ra io galama' masuang kalawaan.

IBRANI 9:7

Kaa' Tingganai Maayo Imam ayuk ondo' makaumpos ra lamin ra ralalom no ra igondo' ayuk sambilor. Magibit io ra raraa' am pataakon no ri Aki Kapuuno' koson pakiampunan ru tula nano galama' am niayuk ra tula ondo' kalo natutunan ru ulun.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

1 PITRUS 1:14

Gagaya' kano ri Aki Kapuuno' am pai' min polosoo' kinibit ru guang malaat no manguasa' ramuyun koson ragili ra akau kalo poyo nakaulig ri Aki Kapuuno'.

1 JUANIS 2:11

Kaa' ulun ondo' masisang ra pabukat nano, soroi io ayuk poyo ralalom ru kalandaman. Mugar io ralalom ru kalandaman am kalo napandayan ati angayan no, sabap ra kalandaman no mambaal riso kalo makakito.