IPISUS 4:17 - Tanou Moonsoi Timugon

¹⁷ Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

IPISUS 4:17 ပူးပေါင်းရင်းမြစ်များ

NIGIMIA 13:15

Paat raginio nakito ku mamagun ru Jiuda namaga' ra kawa' ru anggur paat ra orou Sabat. Santayaran ra ulun bokon nampasakoi ra unor-unor, kawa' ru anggur, kawa' ru ara am kuliamos ra bokon ra bakulung ru kaladai nilo, am inibit ginio ra Jirusalim. Pinakara' ku ilo maa' raginio kalo mantalan ra atan pana paat ra orou Sabat.

JIRIMIA 42:19

Aku pana mindagu poyo, “Nambala' noyo Tuhan ramuyun ngaangai' ondo' lakat poyo soroi giu' ra Jiuda maa' raginio kalo mongoi ra Misir. Ginio ra akau pakaraan Ku raino,

IMAMAT 15:18

Mopongo marulug, musiti' ungkuyon am poyo ruandu' mariu', am magulayun ilo majamol saboi tumolop mato ru orou.

LUKAS 16:28

Lakat poyo soroi limo ngaulun pinongkotob kuno ra giu' i. Polosoon io no mongoi pansawai risilo, koson pinongkotob kuno kalo makasuku' ra intok pangimbalaan ti.’

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

RINALATAN 18:5

Pakasaboi i Silas am i Timotius intor ra Makidonia, narayus i Paulus pampasaboi ra tanou ra ngaangai' ulun ru Jaudi ra i Jisus i noyo Mamamayag ondo' sinusub ri Aki Kapuuno'.

RINALATAN 2:40

Ginio noyo ragu ri Pitrus nambala' toojo risilo. Masuang poyo ragu nano ra bokon manusub risilo koson magibayag intor ra pangukuman ri Aki Kapuuno' ondo' paratuon ra ulun mangalaat ra pagun ti.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

1 KORINTUS 1:12

Kon kutu ra sigagama' kau mindagu ra, “Maya' aku ri Paulus,” am kon ru bokon, “Maya' aku ri Apolos,” kon poyo ru bokon, “Maya' aku ri Pitrus,” am mokoondo' niayuk mindagu ra, “Maya' aku ri Kristus.”

1 KORINTUS 15:50

Pabukat kau ngaangai', ondo' kon kuli ra inan takau, iono kual am raraa', kalo makasubol ra Tana' Bagu ri Aki Kapuuno'; sabap ra inan ondo' mapandai mapuso no kalo noyo mantilayun.

2 KORINTUS 9:6

Karaa' min! Ulun ondo' sanganu ayuk sampug tiason no, sanganu niayuk kumoson no. Kaa' ulun ondo' masuang sampug tiason no, masuang niayuk kumoson no.

GALATIA 3:17

Kon kutu am: i Aki Kapuuno' nambaal ra rondo' bantu', am poyo minindagu ra intopoton No ginio. Ukum ri Musa ondo' apat ngaatus talu ngoopor ngambilor nakatauli sinauk, kalo noyo maalap kapuso kapoam kalulu' nabantuan ni.

GALATIA 5:3

Igondo' poyo aku mampakara' ramuyun: Osoi masaga' sunatin, ulun no musiti' mampagagaya' poyo ra ngaangai' ru Ukum ri Musa no!

IPISUS 1:22

Pinatinduku' noyo ri Aki Kapuuno' ngaangai' no ra saang ri Kristus, am pinasauk Io ra tingganai ru pasimpungan ulun Kristian ralalom ngaangai' baal ru kaayagan nilo sigagama'.

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

SAGULION 27:10

Ginio ra gagayaa' noyo Tuhan i Aki Kapuuno' min am baalo' noyo ngaangai' susuban Nano ondo' taakin kuno ramuyun ra orou raiti'.”

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

KOLOSI 2:4

Ginio nai ra mambala' aku ramuyun: Pai' min polosoo' abau ru ulun mampalayau ramuyun, kabalu' pana kula' gamis iningon ragu nilai no.

1 TISALONIKA 4:6

Intor ra baal ragitio, pai' kano pambaal ra kasalaan kapoam mamparuung ra pabukat min ra Kristian. Sabap ra nakapansawai akai noyo toojo ramuyun ragili ra Tuhan noyo ondo' mangukum ra ngaangai' baal koson raginio.

1 TIMOTIUS 5:21

Giu' ra saang ri Aki Kapuuno' am i Jisus Kristus am poyo ra malaikat-malaikat matulai, maminson aku toojo rirun ra suguto' noyo ngaangai' pangilaan ragitio, am pai' inggio' bokon, kaa' pogogondoon mu ayuk.

1 TIMOTIUS 6:13

Am raino ra saang ri Aki Kapuuno', ondo' puun ru ngaangai' kaayagan, am i Jisus Kristus, ondo' nampaintutun ra katapatan ri Pontius Pilatus, manusub aku rirun,

2 TIMOTIUS 4:1

I Jisus Kristus matong poyo saguli' mongoi pangukum ra ulun maayag am ulun ondo' namagatoi noyo. Io ti matong mamarinta koson ra raja'. Ralalom inggalan Nano am poyo ri Aki Kapuuno', gitio kitaakon kutu toojo rirun;

1 PITRUS 1:18

Nakapandai kano ra logo ondo' binayaran nampalabus ramuyun intor ra kaulayan ra kolondo' onong ondo' sinugul min intor ra kinamatuaan min i. Pai' ru koson ra pirok kapoam mas ra maalap kalunsai no ondo' nakapampalabus ramuyun;

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.