IPISUS 4:14 - Tanou Moonsoi Timugon

¹⁴ Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

IPISUS 4:14 ပူးပေါင်းရင်းမြစ်များ

MAZMUR 10:9

maginaa ilo ra intok pansibunian koson ra singa'. Mangkinuo ilo ra ulun ondo' kalo makalulu', am rokopon boo am ralaaton ilo mugar.

MAZMUR 59:3

Palabuso' aku no intor ra ulun malaat no; palabuso' aku no intor ra ulun-ulun mamamatoi no!

JISAYA 28:9

Mansunur ilo raki'. Konilo, “Indoson no osoi ilaan nano? Osoi kia masaga' ra pambalaan nano? Baal raginio mokoonong ayuk ra lalagang-lalagang ondo' bagu liminonggo' tumiti'!

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

MATIUS 11:7

Tatanga' ru maamaya' ri Juanis no minuli', indagu i Jisus intor ri Juanis ra ulun masuang no, “Paat ra akau minongoi ri Juanis giu' ra tana' kaagisan, atan inongoi min ilai'? Magilong ra ulun ondo' magalig-alig pangilaan nano koson ra sakot nasiob ru angin?

MATIUS 24:11

Masuang migiangku ra nabi matong am mamparuung ra ulun masuang.

MATIUS 24:24

Sabap ra ulun migiangku ra mamamayag am nabi rumatong. Ilo ti mambaal ra baal kaimuagan ra mampalayau ra ulun ri Aki Kapuuno' amon ru maalap nilo.

RINALATAN 23:21

Kaa' pai' gagayaa' kitaakon nilono, sabap ra mokoondo' olo'-olo' apat ngoopor ngaulun nansibuni koson magawang riso. Nagigibot ilo no ngaangai' ra kalo mangakan am manginum amon ru kalo poyo mapatoi nilo galing i Paulus. Raino, nakatampos ilo noyo, maginaa ayuk boo ra pangiawan muno.”

1 KORINTUS 12:2

Karaa' min paat ra akau kalo poyo nakaulig ra Tuhan, nakalayau kau siminamba ra sinungkalalaing ondo' kolondo' painawo.

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

1 KORINTUS 3:19

Sabap ra ondo' karaan ru ulun ru tana' ti ra mapintar, karaan ri Aki Kapuuno' ra sasambungon. Sabap ra mokoondo' tinulisan ra Buuk Kitab, “Linandak ri Aki Kapuuno' ulun mangapintar ra kapintaran nilo galama'.”

2 KORINTUS 2:17

Sabap ra akai ti pai' ru koson ra ulun bokon ondo' mampasaboi ra bala' ri Aki Kapuuno' sabap ra masaga' lumangkaya'. Sala', kaa' intor ra guang mapasau am sabap ra sinusub akai ri Aki Kapuuno', mampasaboi akai ra tanou ti koson ra ulipon ri Kristus.

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

GALATIA 3:1

Kua boo ramuyun, ulun ru Galatia, sasambungon kau nai! Osoi noyo namparuku' ramuyun? Kalo kia pinabala' ku ramuyun noyo toojo pinatayan ri Jisus Kristus ra salip!

IPISUS 6:11

Alapo' noyo ngaangai' kinandoi mangayou ondo' pinongo ri Aki Kapuuno' ramuyun, maa' raginio makagula' kau ra ruung ru Tingganai ru riwato.

1 TIMOTIUS 3:6

Musiti' io ti poyo sala' ka bagu ayuk siminauk ra Kristian, sabap ra maagu minsawat lair guang nati am ulason io mogondo' ra Tingganai ru riwato ra galing i.

2 TIMOTIUS 1:15

Nakaintutun kou noyo ra ngaangai' ulun ru pagun Asia nangiruan raki', am nakaaya' niayuk i Pigilus am i Irmoginis.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

2 TIMOTIUS 4:3

Sabap ra masuku' paat nano ra kalo boo masaga' ulun mangapu ra pangilaan motopot. Kaa' sotopot no maya' ilo boo ra kasagaan ru guang nilo galama' am mampalulur ilo boo ra masuang mangingila' ondo' masaga' mangila' ra atan ondo' sumangut ra guang nilai.

IBRANI 13:9

Pai' kano karuung ra nansalinut pangilaan ondo' mampakalayau, kaa' musiti' mangapu takau ra kataawan ri Aki Kapuuno', maa' raginio kaikangon guang takau Riso. Pai' takano boo baya' ra kaulayan intor ra atan kia maakan kapoam kalo, sabap raginio kalo noyo nakapangindangan risilo ondo' sumugut raginio.

JAKUBUS 1:6

Kaa' osoi makiasi' no musiti' mangintopot toojo, sala' ka paginduoon guang. Sabap ra osoi ayuk maginduo guang, io ti koson ra kinulun ru raat ondo' maibit ayuk ru angin.

JAKUBUS 3:4

Koson niayuk ra rondo' kapal. Iou pana kapal no maayo am maibit niayuk ru bagiu' mapuor, kaa' maya' io ayuk ra ati kabuiran ru kamudi' ondo' boborok kaga'. Gitio noyo magibit ra kapal ti mugar, maya' ra kasagaan ru ulun mampaugar no.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

1 JUANIS 2:19

Pantula' ri Jisus Kristus ondo' nangiruan ritakau, sotopot no sala' ka itakau po ngai'. Amon ru ulun ilo ru itakau, maaru' sumimpung ilo ritakau. Kaa' ilo ti nangiruan ritakau. Gitio mampakito ra kolondo' sangulun pana intor risilo topot-topot ulun takau.

1 JUANIS 2:26

Tulisin ku pambalaan ragitio ramuyun koson ra ulun-ulun ondo' mangkinam mamparuung ramuyun.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.

JUDAS 1:12

Paat ra pagakanan min ra Kristian, moroot ilo am mampakaatang ra kasagaan galama' ayuk. Ilo ti koson ra gaun ondo' siabin ayuk ru bagiu', kaa' kalo niayuk mamparasam. Mogondo' ilo niayuk ra puun tataun ondo' kalo mangkawa' paat ra pangkawaan nano. Koson ilo ra puun tataun ondo' binubul noyo ra bakat nano pana – minatoi boo toojo.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.