IPISUS 4:13 - Tanou Moonsoi Timugon

¹³ Koson raginio ra pangintapatan am kapandayan takau ngaangai' ra Anak ri Aki Kapuuno' no mogondo' ayuk. Masauk takau ra ulun maikang pangintapatan, ondo' buoi-kabuoi, makatilu ra paliso ri Kristus.

IPISUS 4:13 ပူးပေါင်းရင်းမြစ်များ

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

JIPANYA 3:9

Kaa' malupus raginio kulawon Ku guang ru bansa'-bansa' no, saboi makiasi' ilo Raki' ayuk am sala' ka tuhan-tuhan ra bokon. Ngaangai' bansa' no gumagaya' Raki'.

JAKARIA 14:9

Tuhan pana masauk boo ra raja' ru titikop ru tana' ti. Moonong ulun sumamba Riso koson ri Aki Kapuuno' am makaulig Riso ra nogondo' inggalan.

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

JUANIS 1:16

Sabap ra togom Nano ra maayo no, kalo lumonggo' Io mambarakat ritakau.

JUANIS 16:3

Ginio baalon nilo ramuyun sabap ra kalo nakaulig ilo ra Ama' Kuno kapoam Aku galama'.

JUANIS 17:21

Ama', makiasi' Aku gama' ru ilo ngaangai' rondo' guang. Koson Okou masimpung Raki', am Aku masimpung Rirun. Gama' ru masimpung ilo Rito, maa' raginio mangintopot boo ulun ru tana' ti ra Okou noyo nanusub Raki'.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 6:69

Raino mangintopot akai toojo ra Okou no Matulai ondo' sinusub ri Aki Kapuuno'.”

RINALATAN 4:32

Ngaangai' maamaya' ri Jisus toojo rondo' guang. Kolondo' sangulun pana intor risilo nangkara' am nangangku ra kuliamos nano galama', kaa' nagagapu ilo ra kuliamos.

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

1 KORINTUS 2:6

Kabalu' pana koson raginio, koson ra ulun ondo' nakaintutun noyo toojo ra kaayagan Kristian, motopot mindagu aku risilo ra kapintaran. Kaa' kapintaran ti sala' ka intor ra tana' ti kapoam intor ra mangunguasa' ondo' mamarinta ra tana' ti, sabap ra pamarintaan koson raginio mapuso.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

GALATIA 4:19

Anak-anak ra tagamin ku! Mapara' boo imamang kuno ramuyun sabap ra paliso ri Kristus kalo poyo norondon toojo ra guang min. Gitio koson ra ruol ru sangulun ruandu' matipaganak.

IPISUS 1:17

Makiasi' aku ri Aki Kapuuno', Ama' ra kolondo' pogondo', ioginio Ama' ru Tuhan takau i Jisus Kristus, maa' raginio mangani' ramuyun ra Ambiluo Nano. Io no mampasauk ramuyun mapintar am niayuk paintalangon No ramuyun osoi Io koson totopot kau makaulig Riso.

IPISUS 1:23

Pasimpungan ulun Kristian ti noyo inan ri Kristus, ioginio kaukapan ri Kristus ondo' galama' mampaukop ra ngaangai' ra ati-ati ayuk.

IPISUS 2:15

Ioginio, pinuso No ngaangai' kaulayan am panusuban ru Ukum ri Musa, am ra pasimpungan nilo ri Kristus ruo bansa' ti simpungon No rondo' bansa' makabagu. Am gitio noyo magibit risilo ra pabansayan.

IPISUS 4:12

Gitio binaal Nano koson momongo ra ngaangai' ulun ri Aki Kapuuno' mangandoi ra Tuhan, koson mapaikang ra inan ri Kristus.

IPISUS 4:3

Pirot kano pagalung ra pasimpungan mino, ondo' tinaakan ru Ambiluo ri Aki Kapuuno', ralalom pabansayan ondo' mampasimpung ramuyun.

IPISUS 4:5

Rondo' ayuk Tuhan, pangintapatan am pamariwan.

PILIPI 3:10

Am raino rorondo' ayuk gogoton kutu, ioginio maayag mintutun ri Kristus am makaliman ra kuasa' ondo' namayag Riso intor ra kapatayan, am masaga' poyo imboloon am potoyon koson Riso.

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

KOLOSI 1:28

Ginio nai ra mampasaboi akai ra tanou ri Jisus Kristus ra ulun masuang. Mampakara' am mangila' akai ra moonong ulun mabaya' ra kapintaran. Kuayan mai maa' raginio moonong ulun maapu ri Aki Kapuuno' sabap ra makapasimpung ilo ri Kristus koson ra ulun kolondo' boo sala.

KOLOSI 2:2

Bagu raginio, guang nilai ti baani am mokopontogom ilo ra rondo' am bokon am niayuk makakalansanan ilo toojo sabap ra makakaintutunan ilo ra katapatan. Ginio am makaulig ilo poyo ra ondo' kalo igondo' pinabala' ri Aki Kapuuno', ioginio i Kristus galama'.

IBRANI 5:14

Kaa' pangilaan malandom intor ri Aki Kapuuno' maratian ayuk ru ulun ondo' siminingkot ra pangintapatan, ginio mogondo' ra akanon ondo' sapaan ru ulun nasukor ayuk, ondo' nakaili' noyo am makaulig ra atan moonsoi am atan malaat.

2 PITRUS 1:4

Ginio noyo ralan ri Aki Kapuuno' mangani' ritakau ra barakat ondo' maayo am ondo' kaansayin takau, sumugut ra bantu' Nano. Ralalom ru barakat ti noyo makapagiru' takau intor ra kalaayan malaat ra tana' ti am mokopogondo' boo paliso takau ri Aki Kapuuno'.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.