IPISUS 4:1 - Tanou Moonsoi Timugon

¹ Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

IPISUS 4:1 ပူးပေါင်းရင်းမြစ်များ

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 5:24

I Ginok naayag masalok sumimpung ri Aki Kapuuno', liminiot io sabap inalap io ri Aki Kapuuno'.

JIRIMIA 38:20

Indagu aku ra raja', “Okou raja' kalo pataakon ra pantula'. Kitaakon ku, gagayaa' noyo ragu ru Tuhan maa' raginio ngaangai' no maayag am painawo muno pana maalungan.

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

1 KORINTUS 4:16

Ginio nai ra kitaakon takamin toojo ra tilu kano raki'.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

GALATIA 4:12

Pabukat kau ngaangai', ondo' kitaakon kuno ramuyun am tilu kano raki' koson kalo boo sumugut ra kaulayan ru ugama Jaudi. Sabap ra aku pana koson ramuyun raino ra maayag aku koson ra sangulun sala' ka Jaudi. Kalo igondo' kau makasala raki'.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

IPISUS 3:1

Ginio nai boo puun ra aku, i Paulus, inaput, sabap ra aku sangulun mangangandoi ri Jisus Kristus koson ra kaatangan ramuyun ondo' sala' ka ulun ru Jaudi.

IPISUS 4:17

Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

IPISUS 4:4

Rondo' ayuk inan am rondo' ayuk Ambiluo ri Aki Kapuuno', mogondo' niayuk ra rondo' kalansanan mino ra akau piniau ri Aki Kapuuno'.

IPISUS 5:2

Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

PILIPI 3:14

Ginio boo puun ra aku marayus ayuk mompogogot ra taak nangulaan ti, ioginio kaayagan giu' ra suruga'. Am gitio noyo pampiawan ritakau ri Aki Kapuuno' sabap ri Jisus Kristus.

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

KOLOSI 2:6

Inapu min noyo i Jisus Kristus koson ra Tuhan min. Ginio ra kaayag kano sumimpung mabaya' Riso.

KOLOSI 4:12

Bilin kaansayan poyo intor ri Ipapras. Akau niayuk ra ulun. Io ti ulipon ri Jisus Kristus am masalok io mapirot mangkara' ramuyun ralalom pakiasian nano. Intor noyo ra pakiasian nano ri Aki Kapuuno' maikang kau am totopot makaintutun am poyo sumugut niayuk ra ngaangai' ru kasagaan ri Aki Kapuuno'.

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

2 TISALONIKA 1:11

Ginio sabap ra masalok makiasi' akai ri Aki Kapuuno' koson mampasauk ramuyun ra ulun ondo' maaya' ra pampiawan Nano. Gama' ru mabaya' ra kuasa' Nano, i Aki Kapuuno' makasauk ra kasagaan min mambaal ra moonsoi am mampaukop ra ngaangai' kinapirot ru pangintapatan min.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

TITUS 2:10

Kalo noyo manggal kapoam mantakou intor risilo. Kaa' sotopot no, musiti' ilo mabanis guang am mampagagaya'. Maa' raginio, ralalom ru ngaangai' baalon nilo, pangilaan ri Aki Kapuuno', Mamamayag takau, omporon ru ulun.

IBRANI 13:21

Gama' ru mangani' Io ramuyun ra moonong baal moonsoi, koson makapambaal kau ra kasagaan Nano. Gama' ru ralalom ri Jisus Kristus noyo, mampasauk Io ra kasagaan Nano ralalom kaayagan takau. Musiti' takau mongompor ri Kristus ra sabuoi-buoi no! Amin.

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

1 PITRUS 2:11

Pabukat ondo' tagamin ku, akau koson ra ulun bansa' ru bokon ondo' kolondo' karandanan ra tana' ti, maa' raginio kitaakon ku ramuyun, inggaluri' min noyo kinibit malaat, ondo' masalok gumula' ra kasagaan min gumagaya' ri Aki Kapuuno'.

1 PITRUS 3:9

Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

2 PITRUS 1:3

Ralalom ru kuasa' galama' Nano am niayuk ra kauligan takau Riso, nangani' i Aki Kapuuno' ritakau ra ngaangai' kaukapan, koson kaayagan takau mapabansuk Riso. Nampiau Io ritakau mangapu ra urumat am kinoonsoi Nano galama'.

2 JUANIS 1:5

Ginio ra Ina', kimaitin tokou maa' boo raginio motogom takau ra rondo' am bokon. Ondo' tulisin kutu rirun sala' ka susuban nakabagu; susuban ragitio pinataak ritakau intor poyo ra talimpuun i.