IPISUS 3:8 - Tanou Moonsoi Timugon

⁸ Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

IPISUS 3:8 ပူးပေါင်းရင်းမြစ်များ

1 TUNUNG RU BANSA' ISRAIL 17:16

Raja' Daut pana minumpos boo ra ralalom ru Kim ru Tuhan. Nanturung Raja' Daut am pakiasi', “Iou Tuhan i Aki Kapuuno', aku am sasambaloi kuno kalo maaya' mangapu ra ngaangai' moonsoi ondo' pinakito Muno raki' ra buoi ti.

MAZMUR 31:19

Polosoo' noyo ulun-ulun maabau-abau tumambungangang, sabap ra malilimbau ilo am magasab ra ulun ondo' mabanis guang.

LUKAS 14:22

Kopongo ragili indagu ulipon no, ‘Tuan, nanusuban muli binaal noyo, kaa' lakat ayuk poyo mokoondo' masuang intok panturungan.’

JUANIS 1:16

Sabap ra togom Nano ra maayo no, kalo lumonggo' Io mambarakat ritakau.

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

ROMA 11:33

Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano.

ROMA 12:10

Raino mabubukat kau sabap ri Kristus, pontotogom kano ra rondo' am bokon. Pirot kano pagugurumat ra rondo' am bokon.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

1 KORINTUS 15:9

Aku no rasul ru Tuhan ondo' nakatauli toojo. Aku kalo maaya' piawon ra rasul, sabap ra nangimbolo' aku ra pasimpungan ulun Kristian.

1 KORINTUS 2:9

Kaa' koson tinulisan ra Buuk Kitab, “Atan ondo' kalo igondo' kakito am korongog ru ulun, ondo' kalo igondo' karaa' ru ulun ra mabaal, ginio inatang ri Aki Kapuuno' ra ulun ondo' motogom Riso.”

GALATIA 1:16

Paat ri Aki Kapuuno' nampaintalang ra Anak Nano raki', koson potonowon ku Tanou Moonsoi ra ulun sala' ka Jaudi, kalo nakitulu' aku ra osoi ayuk pana.

GALATIA 2:8

Sabap ra kuasa' ri Aki Kapuuno', sinauk aku ra rasul tayar ru ulun sala' ka Jaudi, koson ri Pitrus niayuk sinauk ra rasul tayar ru ulun ru Jaudi.

IPISUS 2:7

Koson raginio noyo mampakito Io ritakau ra ati kulaan gayo ru asi' Nano ondo' mantilayun, ioginio kinoonsoi ru guang Nano ritakau ralalom ri Kristus Jisus.

IPISUS 3:1

Ginio nai boo puun ra aku, i Paulus, inaput, sabap ra aku sangulun mangangandoi ri Jisus Kristus koson ra kaatangan ramuyun ondo' sala' ka ulun ru Jaudi.

IPISUS 3:16

Makiasi' aku Riso, ra intor ra kalangkayaan ru barakat Nano, mangani' Io ramuyun ra Ambiluo Nano, koson mampaikang ra guang mino,

IPISUS 3:19

Ginio maalur poyo intor ra pangkaraan ru ulun. Bagu no makapaliso kau ra moonsoi toojo, mogondo' ra ngaangai' ru kinatanda' ri Aki Kapuuno'.

IPISUS 3:2

Maaru' nakapandai kano ra maya' ra kataawan ri Aki Kapuuno' aku inanian ra kandoi ti koson ra kaatangan min.

PILIPI 2:3

Pai' kano paguyum ra kaatangan ayuk galama' kapoam paliso lumimbau. Kaa' sotopot no paingganaa' min guang mino koson mangkara' ra ulun bokon maatang poyo intor ramuyun.

PILIPI 4:19

Kalangkayaan ri Aki Kapuuno' ondo' sambaan kuno kalo mauntob, ginio ra ralalom ri Jisus Kristus noyo Io mangukop ra atan ayuk kolondo' ramuyun sumugut ra katulayan Nano.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

1 TIMOTIUS 1:13

kabalu' pana ragili aku nangalimut am nagasab Riso am nangimbolo' ra ulun Nano. Kaa' i Aki Kapuuno' nakaasi' raki', sabap ra paat ragili kalo poyo nangintopot aku Riso am kalo natutunan ku sotopot no atan ondo' binaal kuli.

1 TIMOTIUS 1:15

Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.

1 TIMOTIUS 2:7

Am ginio nai ra aku ti pinasauk ra rasul am mangingila' ra tayar ru ulun sala' ka Jaudi, koson mampatanou ra pangintapatan ondo' motopot. Am motopot ngaangai' rinagu kutu, pai' ru magabau aku.

2 TIMOTIUS 1:11

Sinauk aku ri Aki Kapuuno' ra sangulun rasul am mangingila', koson mampasaboi ra Tanou Moonsoi ti.

PINAINTALANG 3:18

Sabap raginio balain takamin, balio' mas Kuno, mas kopoyo, maa' raginio langkaya' kau! Bayang mapulak pana balio', koson mampasibuni ra nagibabaang kau ra makauyuyu'! Tatapis ra mato pana balio', maa' raginio makakito kau!