IPISUS 3:5 - Tanou Moonsoi Timugon

⁵ Gili gitio kalo igondo' pinabala' ra ulun, kaa' raino pinaintalang noyo ri Aki Kapuuno' mansail ra Ambiluo Nano ra rasul-rasul am nabi-nabi ondo' matulai.

IPISUS 3:5 ပူးပေါင်းရင်းမြစ်များ

JISAYA 52:15

Kaa' ragino masuang bansa' binaal no mangimuag, raja'-raja' kalo makaindagu sabap ra mangimuag. Magilong am makarati' ilo, ondo' buoi ti kalo makapandai ilo.”

MATIUS 13:17

Karaa' min gitio! Masuang nabi am ulun motopot ra galing i masaga' toojo milong ra atan ondo' makito min ra raino ti, kaa' kalo nakarampot ilo. Masaga' ilo mangkirongog ra atan ondo' morongog min kaa' kalo nokorongog ilo.”

MATIUS 20:7

Taam ulun-ulun i, ‘Sabap ra kolondo' ulun mangkimait ramon mangandoi.’ ‘Amon ru koson raginio,’ kon ru tatangan ra umo i, ‘Ongoi kau pangandoi ra umo kuno.’

MATIUS 23:34

Ginio ra rongogo' min toojo gitio: Manusub Aku ra nabi-nabi matong ramuyun, ulun pintar am niayuk mangingila': Potoyon min kukula' intor ilo ngaangai', salipon min bokon no am bokon no poyo loposon min ra baloi sambayangan, am mangilou kau niayuk risilo intor ra rondo' pekan mongoi ra pekan ra bokon.

LUKAS 10:24

Balai' takamin, intor noyo ra galing i masuang nabi am raja' masaga' milong ra nakito min ti, kaa' kalo nakakito ilo. Masaga' ilo rumongog ra naining min ti, kaa' kalo nakaining ilo.”

LUKAS 11:49

Ginio nai kon ru Kapintaran ri Aki Kapuuno', ‘Manusub Aku ra nabi am rasul Kuno mongoi risilo, kaa' sampiruo intor risilo no potoyon nilo am bokon no imboloon!’

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

JUANIS 16:13

Kaa' paat ra Ambiluo ri Aki Kapuuno' no matong, mambala' Io ra katapatan ri Aki Kapuuno' am mampaintutun Io ramuyun ra ngaangai' ru katapatan. Kalo mambala' Io sumugut ra kuasa' Nano galama', kaa' mambala' Io ra atan ondo' morongog Nano am atan ondo' masauk ra tauli no.

RINALATAN 10:28

Indagu i Pitrus risilo, “Akau galama' nakapandai ra maya' ra kaulayan ru ugama Jaudi, ulun ru Jaudi kalo makasubol ra baloi ru ulun sala' ka Jaudi kapoam kumubayau risilo. Kaa' i Aki Kapuuno' nampakito noyo raki' ra kalo noyo karaan ku ra ulun bokon malaat kapoam majamol.

ROMA 16:25

Omporo' noyo i Aki Kapuuno'! Makakuasa' Io mampaikang ra pangintapatan mino sumugut ra Tanou Moonsoi intor ri Jisus Kristus ondo' pinabala' kuno ramuyun. Ginio potonowon kuno sumugut ra ondo' pinaintalang noyo ri Aki Kapuuno' raki', ioginio katapatan ondo' kalo igondo' pinabala' intor ra galing i.

1 KORINTUS 2:10

Kaa' ondo' kalo igondo' pinabala' raginio pinabala' noyo ri Aki Kapuuno' ritakau ralalom ru Ambiluo Nano. Ngaangai' imumuyin toojo ru Ambiluo ri Aki Kapuuno', suku' ra kasagaan ru guang ri Aki Kapuuno' ondo' nabuni toojo no pana.

IPISUS 2:20

Koson ra baloi inimpuun ru batu, pangintapatan min inimpuun ra pangilaan ru rasul-rasul am nabi-nabi, Mabaya' i Kristus Jisus noyo galama' koson ra batu maatang ru baloi no.

IPISUS 3:9

Mampakito aku ra ngaangai' ulun ra inatang ri Aki Kapuuno' ondo' kalo igondo' pinabala' ti. Nga Io ondo' nampasauk ra ngaangai' limbowon am tana' ti, kalo nambala' Io ra inatang Nano intor ragili.

JUDAS 1:17

Kaa' koson ramuyun, pabukat kau ngai', karaa' min niayuk atan ondo' naragu noyo ru rasul ru Tuhan takau i Jisus Kristus.