IPISUS 3:20 - Tanou Moonsoi Timugon

²⁰ Koompor noyo i Aki Kapuuno', ondo' mansail ra kuasa' Nano ondo' mangandoi ra guang takau maalap kabaal mulu' poyo intor ra atan ayuk kitaakon kapoam guangon takau.

IPISUS 3:20 ပူးပေါင်းရင်းမြစ်များ

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 18:4

Moonsoi mangalap aku ra timug pambaguan ra kalayam mino. Pantingangus kau ra saau ru puun ti.

2 SAMUIL 7:19

Kaa' raino binaal Muno nasailan poyo intor ra ngaangai' no, iou Tuhan Raja'. Binantu' Muno intor ra papag kuno paat ra orou matong, am mangiou Kou raki' magilong ra baal raginio, kabalu' pana aku ti ulun ayuk, iou Tuhan Raja'!

1 RAJA'-RAJA' 3:13

Mangani' Aku niayuk ra baal ondo' kalo kinitaak muno: buoi ru bayag muno masauk kou ra langkaya' poyo am urumaton poyo ru ulun intor ra ati pana raja'.

2 TUNUNG RU BANSA' ISRAIL 25:9

Pangkuot Raja' Amajia ra nabi no, “Kaa' ati kulaan kia ra ngaangai' pirok ondo' tinaakan ku noyo koson mampagaji' risilo?” Taam nabi no, “Tuhan makapangani' ra masuang poyo intor raginio rirun!”

2 TUNUNG RU BANSA' ISRAIL 9:12

Nangani' Raja' Salomo ra atan ayuk ondo' kinitaak ru raja' ruandu' ru pagun Syiba. Tinaakan raginio iono pinaruang ra atan ondo' pinataak nano koson mambalos ra taak ru raja' ruandu' no. Kopongo raginio raja' ruandu' ru Syiba am namaya'-namaya' riso no minuli' ra pagun Syiba.

KAINGKUALAN 34:6

Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

JISAYA 35:2

Tana' kaagisan no marimbai am magitapap makaansuk, am masauk koson ra kaantakan ru kagunungan Libanon am niayuk koson ra kinalabung ru umo giu' ra Karmil am Saron. Moonong ulun makakito ra katulayan ru Tuhan, magilong ra katulayan am kuasa' Nano.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JIRIMIA 32:17

“Iou Tuhan Raja', Okou no ondo' nambaal ra limbowon am tana' ti ra kuasa' am kaikangan Muno ondo' maayo. Kolondo' ondo' mapagon kaga' Rirun.

JIRIMIA 32:27

“Aku noyo Tuhan, i Aki Kapuuno' ru ngaangai' ulun. Kolondo' ondo' mapagon kaga' Raki'.

DANIL 3:17

Amon ru i Aki Kapuuno' ondo' sambaan maino masaga' mamayag ramon intor ra rapuan ondo' bibilak am intor ra kuasa' muno, bayagon No akai.

DANIL 6:20

Paat ra maar matawang, sukal raja' am agou-agou minongoi ra luang batu ru singa' no.

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!

JUANIS 10:10

Mantatakou matong mongoi pantakou, mamatoi am mampalunsai. Kaa' aku minatong koson ilo ondo' mangkirongog Raki' mokoowot ra kaayagan, io no kaayagan ondo' malabaan.

ROMA 16:25

Omporo' noyo i Aki Kapuuno'! Makakuasa' Io mampaikang ra pangintapatan mino sumugut ra Tanou Moonsoi intor ri Jisus Kristus ondo' pinabala' kuno ramuyun. Ginio potonowon kuno sumugut ra ondo' pinaintalang noyo ri Aki Kapuuno' raki', ioginio katapatan ondo' kalo igondo' pinabala' intor ra galing i.

ROMA 4:21

Nangintopot io toojo ra atan ondo' binantu' ri Aki Kapuuno' totopot masauk.

1 KORINTUS 2:9

Kaa' koson tinulisan ra Buuk Kitab, “Atan ondo' kalo igondo' kakito am korongog ru ulun, ondo' kalo igondo' karaa' ru ulun ra mabaal, ginio inatang ri Aki Kapuuno' ra ulun ondo' motogom Riso.”

2 KORINTUS 9:8

Kalo lumonggo' i Aki Kapuuno' mambarakat ramuyun, maa' raginio akau galama' masalok maukapan am malabaan kau niayuk koson makapangani' ra osoi ayuk makakaatangan raginio.

IPISUS 1:19

Am niayuk ra makapandai kau ra mumpara' boo gayo ru kuasa' Nano ondo' mangandoi ra guang takau.

IPISUS 3:7

Aku sinauk ra sangulun mampasaboi ra Tanou Moonsoi no sabap ra kataawan ri Aki Kapuuno' raki' mansail ra ikang ru kuasa' Nano.

KOLOSI 1:29

Koson mampasingkot ra kandoi raginio, sumingkotog aku toojo. Maayo toojo kuasa' ri Kristus ondo' mabaya' ra kandoi kutu.

1 TIMOTIUS 1:14

Am maya' ra kinataau ru Tuhan takau ondo' kalo mauntob, nangani' Io raki' ra asi', pangintapatan am togom sabap ra pasimpungan takau ri Jisus Kristus.

IBRANI 11:19

Sabap ra makakalansanan i Abragam ra i Aki Kapuuno' makapamayag ra ulun ondo' minatoi noyo. Ginio ra maaya' raguon ra io ti nangapu noyo ri Isak saguli' intor ra kapatayan.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

JAKUBUS 4:12

Kaa' sotopot no rondo' ayuk ondo' nambaal ra Ukum am poyo makapangukum ra ulun, Io no i Aki Kapuuno'. Am Io ti ayuk ondo' makapamayag am mamatoi ra ulun. Ginio ra, osoi kia akau ti, suku' ra makakau' kau magasab ra pabukat min ra Kristian?

2 PITRUS 1:11

Koson raginio noyo ra iowon kau niayuk mumpos ra suruga', ioginio pamarintaan ru Tuhan am Mamamayag takau, i Jisus Kristus.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,