IPISUS 3:18 - Tanou Moonsoi Timugon

¹⁸ koson akau am ngaangai' ulun ri Aki Kapuuno' makaintutun ra kinapila', kinaawar, kinasawat am kinalandom ru togom ri Kristus no.

IPISUS 3:18 ပူးပေါင်းရင်းမြစ်များ

2 TUNUNG RU BANSA' ISRAIL 6:41

Ingkakat no raino, iou Tuhan i Aki Kapuuno', am mabaya' ra Kaban Nabantuan tatandu' ru kuasa' Muno, umpos no ra Baloi ti am ayan no ragiti ra sabubuoi no. Barakato' noyo imam-imam Muno ralalom ru ngaangai' kandoi nilo, am gama' ru ngaangai' ulun Muno maansukan ra kinoonsoi Muno risilo.

MAZMUR 103:17

Kaa' Tuhan magulayun monogom ra ulun ondo' mangurumat Riso, am kaansayan Nano soroi saboi ra sabuoi-buoi no,

MAZMUR 116:15

Mangiluk kaga' guang ru Tuhan bulintok ra ulun ondo' gumagaya' Riso no matoi.

MAZMUR 132:9

Gama' ru ulun Muno magigindii ra maansukan, am ngaangai' imam Muno maayag sumugut ra kasagaan Muno.

MAZMUR 139:6

Malandom toojo napandayan Muno ra inan kuno; kalo makangkou ru pangkaraan kuno.

MAZMUR 145:10

Ngaangai' ilo ondo' maayag ra binaal Muno mongompor Rirun, iou Tuhan, am ngaangai' ulun Muno maringkuanang Rirun.

JISAYA 55:9

Koson ra kinasawat ru limbowon intor ra tana', ginio niayuk kinasawat ru pangkaraan Kuno ka pangkaraan muno, am ralan Kuno ka ralan muno.

JAKARIA 14:5

Magiru' kau mansail ra limayak ondo' nampalapak ra bulur no. Magiru' kau koson ra kinamatuaan min ragili paat nasauk tana' mogonggon bulintok ra pamarintaan ri Ujia, raja' ru Jiuda. Tuhan, i Aki Kapuuno' kuno matong mababaya' ra ngaangai' malaikat Nano.

JUANIS 15:13

Kolondo' togom maayo poyo intor ra togom ru sangulun ondo' mampataak ra painawo nano ra rangan nano.

ROMA 10:3

Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.

2 KORINTUS 13:13

Gama' ru Tuhan Jisus Kristus mambarakat ramuyun, i Aki Kapuuno' monogom ramuyun am niayuk pasimpungan ru Ambiluo ri Aki Kapuuno' mabaya' ramuyun ngaangai'.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

IPISUS 1:10

Gitio noyo inatang ri Aki Kapuuno' am pongoonon nano paat ra inaru' Nano, koson ralalom ri Kristus ngaangai' simpungon No rondo', ioginio giu' ra suruga' kapoam giti ra tana' ti, am i Kristus noyo masauk ra tingganai no.

IPISUS 1:15

Sabap raginio, intor aku nakaining ra ati kulaan pangintapatan min ra Tuhan Jisus, am niayuk ra togom min ra ngaangai' ulun ri Aki Kapuuno',

IPISUS 3:19

Ginio maalur poyo intor ra pangkaraan ru ulun. Bagu no makapaliso kau ra moonsoi toojo, mogondo' ra ngaangai' ru kinatanda' ri Aki Kapuuno'.

KOLOSI 1:4

Sabap ra nakaining akai noyo ra ati kulaan pangintapatan min ri Jisus Kristus am togom min ra ngaangai' ulun ri Aki Kapuuno'.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.