IPISUS 3:15 - Tanou Moonsoi Timugon

¹⁵ Io no ondo' mangani' ra painawo ra ngaangai' maayag giu' ra suruga' am niayuk giti ra tana' ti.

IPISUS 3:15 ပူးပေါင်းရင်းမြစ်များ

JISAYA 65:15

Ulun pinili' Kuno mamakai ra inggalan mino koson ra pagulasan, Aku, Tuhan Raja' mamatoi ramuyun, kaa' ilo ondo' gumagaya' Raki' aniin Ku ra inggalan bagu.

JIRIMIA 33:16

Mamagun ru Jiuda am Jirusalim bayagon, am maayag ilo ra mamimio. Bandar no inggalanin ra ‘Tuhan Mamamayag Ritakau’.

RINALATAN 11:26

Katuum no i Saulus, ibito' no ra Antiokia am buoi sambilor siminimpung ilo ra pasimpungan ulun Kristian ra giu' i liliwa' nangila' risilo. Giu' ra Antiokia noyo maamaya' ri Jisus kainsaa' sabiton ra ulun Kristian.

IPISUS 1:10

Gitio noyo inatang ri Aki Kapuuno' am pongoonon nano paat ra inaru' Nano, koson ralalom ri Kristus ngaangai' simpungon No rondo', ioginio giu' ra suruga' kapoam giti ra tana' ti, am i Kristus noyo masauk ra tingganai no.

IPISUS 1:21

Giu' no i Kristus manguasa' ra ngaangai' mamarinta, tingganai, mangunguasa', kaikangan am tuan-tuan. Kuasa' Nati maayo kaga' ka atan ayuk soroi ra raino ti kapoam niayuk ra matong no.

IPISUS 3:14

Ginio ra aku migulatur, koson makiasi' ri Ama'.

IPISUS 3:16

Makiasi' aku Riso, ra intor ra kalangkayaan ru barakat Nano, mangani' Io ramuyun ra Ambiluo Nano, koson mampaikang ra guang mino,

KOLOSI 1:20

Ralalom ru inggalan ru Anak niayuk, i Aki Kapuuno' nangaru' ra ngaangai' mobonsoi saguli' Riso, ioginio atan ayuk suang ru tana' ti kapoam atan mokoondo' giu' ra suruga'. Gitio sinauk Nano ralalom pinatayan ru Anak Nano ra salip.

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”

PINAINTALANG 3:12

Osoi ayuk mangala ra kuasa' ru kalaatan, baalon Ku io ra lugu' ralalom Baloi ri Aki Kapuuno' Kuno, am mantilayun io ra giu'. Patulison Ku riso inggalan ri Aki Kapuuno' am inggalan ru bandar ri Aki Kapuuno', ioginio bandar Jirusalim bagu ondo' tumuun intor ra suruga', intor ri Aki Kapuuno' Kuno. Am inggalan ra nakabagu Kuno niayuk patulison Ku riso.