IPISUS 3:1 - Tanou Moonsoi Timugon

¹ Ginio nai boo puun ra aku, i Paulus, inaput, sabap ra aku sangulun mangangandoi ri Jisus Kristus koson ra kaatangan ramuyun ondo' sala' ka ulun ru Jaudi.

IPISUS 3:1 ပူးပေါင်းရင်းမြစ်များ

LUKAS 21:12

Kaa' io kalo poyo masauk ngaangai' no, rokopon am imboloon kau. Pataakin am uwin kau giu' ra baloi sambayangan, am aputon poyo ra lamin pangaputan. Ibiton kau ra saang ru raja' am niayuk tingganai sabap ra mangintopot kau Raki'.

RINALATAN 21:33

Inggaari' ru tingganai maayo ru saujor no i Paulus am rokopo' no io. Pabangkili' no i Paulus ra ruo rantai. Pangkuot io boo, “Osoi kia ulun ragitio am atan guat binaal nano?”

RINALATAN 23:18

Paumaa' ru tingganai ru saujor i tuu'-bagu ti ra tingganai maayo nali am indagu, “I Paulus, ulun inaput i, nakiindangan raki' nagibit ra tuu'-bagu ti muma' rirun. Sabap ra mokoondo' io pabalaan no rirun.”

RINALATAN 26:29

Taam i Paulus, kono, “Mataki' kia kapoam mabuoi, ginio kalo maatang, kaa' makiasi' aku ri Aki Kapuuno' ra okou am ngaangai' ondo' mangkirongog raki' ra orou raiti' masauk niayuk ra Kristian koson raki'. Kaa' ondo' ayuk kalo am makaaya' rantayon.”

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

2 KORINTUS 1:6

Mapaat ra akai maimbolo', ginio mangindangan am mampakaayag ramuyun. Amon ru indanganon akai, akau pana indanganon am aniin ra kuasa' mongorot ra kaimbalaan koson ramon.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 11:23

Konilo ra ulipon ilo ri Kristus, kaa' mulu' poyo aku ka ilo, kabalu' pana mantuyang lair iningon ragu kutu. Aku ondo' mapirot toojo mangandoi ka ilo ngaangai'. Magail aku ayuk pasubolon ra pangaputan. Magail aku niayuk loposon. Magail aku ayuk makauma' ra baal makapatoi.

GALATIA 5:11

Pabukat kau ngaangai', amon ru totopot ku potonowo' baal ru sunat ti, kua ra aku ti lakat poyo nai imboloon? Amon ru motopot gitio, tanou ra pinasaboi kutu intor ra salip ri Kristus kalo ga pana imuagon.

GALATIA 5:2

Rongogo' min, aku i Paulus ondo' mindagu ti: Amon ru makisunat kau, kolondo' boo toojo onong i Kristus no ramuyun.

GALATIA 5:24

Am ondo' maamaya' ri Kristus Jisus, koson nasalip nilo noyo guang malaat nilai mabaya' ra ngaangai' ru kasagaan am ondo' gogoton ru guang.

IPISUS 3:11

Am gitio binaal ri Aki Kapuuno' sumugut ra atan ondo' inatang No kalalair i ralalom ri Jisus Kristus, Tuhan takau.

IPISUS 3:13

Ginio ra pai' kano kaimamang kabalu' pana ra aku imboloon koson ra kaatangan min. Sabap ra sotopot no, ngaangai' ru gitio mangindangan ramuyun.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

IPISUS 4:1

Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

IPISUS 6:20

Sabap ra kandoi mambala' ra Tanou Moonsoi ti pinakandayan raki' ri Jisus, kabalu' pana soroi aku ra pangaputan ti raino. Pakiasi' kano koson makakau' aku po mampabala' ra Tanou Moonsoi no maya' ra inaru' no.

PILIPI 1:7

Moonsoi noyo ra aku maansukan ramuyun, sabap ra kabalu' pana maalur ayuk ra mato, mamaar kau ayuk ra guang kuno. Am itakau ngaangai' nakapagagapu poyo ra kataawan ri Aki Kapuuno', iou pana raino, ra aku inaput ra lamin pangaputan, kapoam paat ra aku nakapampainono' am nampapiot poyo ra Tanou Moonsoi no ra ulun masuang no.

KOLOSI 1:24

Raino maringkuanang aku ra kaimbalaan ondo' nasauk raki' am sabap ragitio noyo mangindangan ramuyun. Sabap ra mangukop ra kaimbalaan ri Kristus ondo' ginio kaatangan ru pasimpungan ulun Kristian ondo' karaan koson ra inan Nano.

KOLOSI 4:18

Aku no galama' manulis ragitio: Bilin kaansayan intor raki', i Paulus. Pai' liliani' ra kapaganan kutu ra lakat aku ayuk poyo aputon! Gama' ru i Aki Kapuuno' mambarakat ramuyun.

KOLOSI 4:3

Karaa' min niayuk akai ralalom ru pakiasian min, maa' raginio i Aki Kapuuno' mangani' ramon ra kaluagan mampasaboi ra tanou ri Kristus ondo' kalo igondo' pinabala'. Sabap ra kinibit ru kandoi ragitio noyo ra aku pinasubol ra pangaputan ti.

2 TIMOTIUS 1:16

Gama' ru Tuhan mangani' ra asi' Nano ri Onisiporus ilo sambaloi, sabap ra ingkukula' io no napabansuk ra guang kutu. Io kalo mauyu' raki' kabalu' ra aku inaput.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

PILIMON 1:1

Aku i Paulus ondo' inaput sabap ra pampatanawan kuno ri Jisus Kristus. Am intor niayuk ra pabukat takau i Timotius. Okou ti Pilimon papasabayan ku ra surat ti, okou ondo' tagamin mai am niayuk rangan mai mangandoi.

PILIMON 1:23

I Ipapras, ondo' inaput nabaya' raki' sabap ra pampatanawan ri Kristus Jisus, mampasaboi niayuk ra bilin kaansayan rirun.

PILIMON 1:9

Kaa' sabap ra togom ti, makitaak aku ayuk rirun. Aku ti duta ri Kristus Jisus am raino inaput poyo sabap Io.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.