IPISUS 2:5 - Tanou Moonsoi Timugon

⁵ saboi sabap ri Kristus itakau inanian ra kaayagan bagu. Ragili itakau koson ra minatoi ayuk ra pagilangan Nano sabap ra anggal am tula takau, kaa' raino sabap ra asi' ri Aki Kapuuno' binayag takau noyo.

IPISUS 2:5 ပူးပေါင်းရင်းမြစ်များ

LUKAS 15:24

Sabap ra anak kuno koson ra minatoi kaa' naayag io po saguli'; timinanggau io, kaa' raino siminaguli'.’ Bunsag i pana pinatalimpuun.

JUANIS 5:21

Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.

JUANIS 6:63

Ambiluo ri Aki Kapuuno' noyo mangani' ra ulun ra kaayagan, kuasa' ru ulun kalo makapambaal raginio. Ragu Kutu intor ra Ambiluo ri Aki Kapuuno' ondo' mampakaayag ramuyun.

RINALATAN 15:11

Kalo noyo lair masauk gitio! Mangintopot am bayagon takau ralalom ra asi' ru Tuhan Jisus; mogondo' niayuk risilo.”

ROMA 16:20

Am i Aki Kapuuno', intaran ru ngaangai' kaansayan, mamuso ra kuasa' ru Tingganai ru riwato saboi kumuku' io ramuyun. Gama' ru Tuhan takau i Jisus Kristus mambarakat ramuyun.

ROMA 3:24

Ralalom asi' ri Aki Kapuuno' ondo' tinaakan ayuk, ulun mobonsoi saguli' Riso: ioginio, ralalom inggalan ri Kristus Jisus ondo' mampalabus risilo.

ROMA 4:16

Bantu' no inimpuun ra pangintapatan ru ulun ri Aki Kapuuno', maa' raginio bantu' no aruon koson ra taak intor ri Aki Kapuuno' ra ngaangai' papag ri Abragam. Sala' ka ayuk risilo ondo' gumagaya' ra Ukum ri Musa, kaa' niayuk risilo ondo' mangintopot ri Aki Kapuuno' mogondo' ri Abragam ragili. Sabap ra i Abragam koson ra ama' ru itakau ngaangai'.

ROMA 5:10

Galing i mantutula' takau ri Aki Kapuuno', kaa' itakau pinobonsoi saguli' Riso mansail ra pinatayan ru Anak Nano. Raino, ra itakau rangan ri Aki Kapuuno', maaru' bayagon takau sabap ri Kristus maayag.

ROMA 5:6

Gili poyo, paat ra itakau kolondo' kaindanganan, nakaintuma' ra inaru' ri Aki Kapuuno', minatoi i Kristus koson mamayag ra ulun makatula.

ROMA 5:8

Kaa' i Aki Kapuuno' nampakito ritakau ra togom Nano sabap ri Kristus minatoi mamayag ritakau, paat ra itakau makatula ayuk poyo.

ROMA 8:2

Sabap ra ukum ru Ambiluo ri Aki Kapuuno' ondo' mangani' ra kaayagan ra pasimpungan takau ri Kristus Jisus, nampalabus noyo raki' intor ra ukum ondo' mangkinibit ra tula am kapatayan.

IPISUS 2:1

Ra galing i ra pagilangan ri Aki Kapuuno' koson ayuk ra minatoi kano sabap ra anggal am tula mini.

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

IPISUS 5:14

Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

KOLOSI 2:13

Gili, akau ondo' sala' ka ulun ru Jaudi, koson ayuk ra minatoi kau sabap ra kinibit ru tula min am sabap ra kalo nakaulig kau ra Ukum ri Musa. Kaa' akau binayag Nano saguli' mabaya' ri Kristus ra Io nangampun ra tula takau.

TITUS 2:11

Sabap ra nampaintalang noyo i Aki Kapuuno' ra kataawan Nano koson ra pamayagan ru ngaangai' ulun.

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

PINAINTALANG 22:21

Gama' ru Tuhan Jisus mambarakat ra ngaangai' ulun.