IPISUS 2:3 - Tanou Moonsoi Timugon

³ Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

IPISUS 2:3 ပူးပေါင်းရင်းမြစ်များ

KASAUKAN 5:3

Paat i Adam makaumur 130 ngambilor, makaanak ungkuyon io ondo' nansalu riso, am ininggalanan no ri Sit.

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

AYUP 14:4

Kolondo' rondo' pana ondo' mapasau rumatong intor ra ulun ondo' kalo mapasau.

AYUP 25:4

Maaru' lair ra mapasau ulun ra pagilangan ri Aki Kapuuno'? Maaru' lair ra malunau ulun ra pagilangan Nano?

MAZMUR 51:5

Iowon ku nasalaan kuno; masalok ku matutunan tula kuno.

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

MARKUS 4:19

kaa' kaimamangan ru bayag ti, kasagaan lumangkaya' am nansalinut lilipok poyo, mamisi' ra Tanou no saboi kalo mangkawa'.

JUANIS 1:13

Sala' ka pasaukon ilo ra anak ri Aki Kapuuno' sabap ra inanak ilo noyo ru ulun, kaa' i Aki Kapuuno' galama' mampasauk risilo ra anak Nano.

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

RINALATAN 14:16

Galing i pinoloso ri Aki Kapuuno' ngaangai' bansa' maayag maya' ra kasagaan nilo sigagama'.

ROMA 1:24

Ginio sabap ra pinoloso ilo ri Aki Kapuuno' mambaal ra kinibit ru guang nilo ra majaka' saboi babaal nilo ra rondo' am bokon makauyuyu'.

ROMA 11:30

Ra galing i akau, ulun sala' ka Jaudi, kalo giminagaya' ri Aki Kapuuno', kaa' raino nakaapu kau ra asi' Nano sabap ra kalo nampagagayaan ru ulun ru Jaudi.

ROMA 13:14

Kaa' polosoo' noyo Tuhan Jisus Kristus maningganai ramuyun, am pai' min gagayaa' paliso min galama', ioginio mamasug ra kasagaan ru guang makatula.

ROMA 2:14

Ulun sala' ka Jaudi kolondo' ra Ukum ri Musa, kaa' paat ra suguton nilo panusuban ru Ukum no maya' ra bolos ru guang nilo galama', ginio mampakito ra ilo makapandai ra atan motopot am kalo motopot.

ROMA 5:10

Galing i mantutula' takau ri Aki Kapuuno', kaa' itakau pinobonsoi saguli' Riso mansail ra pinatayan ru Anak Nano. Raino, ra itakau rangan ri Aki Kapuuno', maaru' bayagon takau sabap ri Kristus maayag.

ROMA 5:9

Raino itakau mobonsoi saguli' ri Aki Kapuuno' mansail ra pinatayan ri Kristus. Intor raginio maaru' bayagon takau ri Kristus intor ra sangit am ukum ri Aki Kapuuno'.

ROMA 6:12

Intor raginio, pai' noyo polosoo' tula manguasa' ra kaayagan mino ondo' mapuso, maa' raginio kalo boo mampagagaya' kau ra kinibit ru guang malaat.

ROMA 7:18

Ginio ra kolondo' moonsoi soroi ra guang kutu, ioginio paliso kuno ra ulun. Sabap ra iou pana masaga' aku mambaal ra moonsoi, kalo makapambaal aku.

ROMA 9:22

Mogondo' niayuk ra atan ondo' binaal ri Aki Kapuuno'. Masaga' Io mampakito ra sangit am kuasa' Nano, kaa' mataan Io risilo ondo' sotopot no sama' sangitin am luuson Nano.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

GALATIA 3:22

Kaa' mokoondo' tinulisan ra Buuk Kitab ra ngaangai' ulun kinuasa' ru tula. Ginio ra ondo' bantu' ri Aki Kapuuno' no makataak boo ra ulun ondo' mangintopot ri Jisus Kristus.

IPISUS 2:2

Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

KOLOSI 1:21

Akau pana ragili, timinalikur kau ri Aki Kapuuno'. Nakimantula' kau Riso sabap ra paliso am guang mino malaat.

1 TISALONIKA 4:13

Pabukat ku ngai', masaga' akai ra akau makapandai ra sauk ru ulun namagatoi, maa' raginio kalo mangiluk guang min, koson ra ulun ondo' kolondo' kalansanan no.

1 TISALONIKA 5:6

Ginio ra pai' takano pombobolong ayuk koson ra ulun bokon no, kaa' ilalain am masalok takano tumampos.

1 TIMOTIUS 6:9

Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

1 PITRUS 1:14

Gagaya' kano ri Aki Kapuuno' am pai' min polosoo' kinibit ru guang malaat no manguasa' ramuyun koson ragili ra akau kalo poyo nakaulig ri Aki Kapuuno'.

2 PITRUS 2:14

Ilo ti kalo majajala' mambaal ra tula am makapaliso ilo ra pansasawaan. Ulun ondo' malawo pangintapatan, rukuon nilo palayawo'. Maringkumaa' ilo am ginio kaindalaman nilo. Kaa' ulason ilo ri Aki Kapuuno'!

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

1 JUANIS 2:16

Ngaangai' suang ru tana' ti: ondo' papaliso ru ulun makatula, ondo' makito no am kasagaan ayuk ru guang, ondo' makiompor sabap ra masuang kuliamos; ginio ngai' sala' ka intor ri Aki Kapuuno', kaa' intor ra tana' ti.

1 JUANIS 2:8

Kabalu' pana koson raginio, panusuban ra tulisin kutu nakabagu niayuk. Katapatan ra panusuban ragitio makito intor ra kaayagan ri Jisus Kristus am niayuk kaayagan min. Molondom tumalimpuun noyo mairu' am binusasal ondo' motopot pabulowo.