IPISUS 2:2 - Tanou Moonsoi Timugon

² Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

IPISUS 2:2 ပူးပေါင်းရင်းမြစ်များ

AYUP 1:16

Kalo poyo nakai' io mindagu, ratong poyo sangulun ulipon ra bokon am indagu, “Domba-domba am niayuk ulun-ulun magalung nosolob ru ganit saboi minatoi ngaangai' no. Aku ayuk sangulun nakapagiru' koson mambala' rirun.”

AYUP 1:19

Pulali' ru rasam am angin ra mapuor kaga' intor ra tana' kaagisan, am nampagaba' ra baloi no namatoi ra ngaangai' anak muno. Aku ayuk sangulun nakapagiru' koson mambala' rirun.”

AYUP 1:7

Pangkuot Tuhan ri Manusuk, “Ati intor muno?” Taam i Manusuk, “Aku ti timinanggau ra ati-ati am minongoi ra titikop ru tana' ti.”

AYUP 31:7

Amon liminisang aku intor ra ralan ondo' motopot, kapoam guang kuno nabunduk ra baal ondo' malaat, amon ru kalindu' kuno majamol sabap ra tula,

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

JISAYA 30:1

Tuhan minindagu, “Aibui boo ra nasuangan tingganai ru Jiuda, sabap minanggal ilo Raki'. Mambaal ilo ra inatangan-inatangan ondo' sala' ka inatangan Kuno, am inirot nilo nabantuan koson manggal ra kasagaan Kuno. Tumuntur-tuntur boo tula nilo.

JISAYA 57:4

Osoi kia kulion mino? Akau ulun maabau-abau, osoi kia kakuritan mino?

JIRIMIA 23:10

Pagun nososok ra ulun ondo' kalo gumagaya' ra Tuhan. Bayag nilo malaat am sinala'-sala' nilo kuasa'. Sakot giu' ra padang nasauk ra mapua' am titikop ru pagun mangulir, sabap ra inulas ru Tuhan.

GOSIA 10:9

Indagu Tuhan, “Ulun ru Israil kalo poyo igondo' longgo' pambaal ra tula Raki' intor ra ilo makatula giu' ra Gibia. Ginio ra malumpa' ilo ru pangayawan giu' ra Gibia.

MATIUS 11:19

Paat ra Anak ru Ulun no matong mangakan am manginum; kon boo ru ulun, ‘Ilai' min ulun no! Moroot, gagaukon, am rangan ru mampalulur ra cukai am ulun ondo' karaan ra malaat!’ Kaa' kapintaran ri Aki Kapuuno' makito intor ra kaayagan ru ulun ondo' nangapu ra kapintaran raginio.”

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MATIUS 13:38

Umo no, ioginio tana' ti. Sampug moonsoi no, ioginio ulun ondo' nasauk noyo ra ulun ri Aki Kapuuno', am alab no ulun ondo' maya' ra Tingganai ru riwato.

MARKUS 4:19

kaa' kaimamangan ru bayag ti, kasagaan lumangkaya' am nansalinut lilipok poyo, mamisi' ra Tanou no saboi kalo mangkawa'.

LUKAS 16:8

Inompor ru ulun langkaya' i manijor ondo' kalo kalalansanan no sabap ra mapintar io. Sabap ra ulun ru tana' ti mapintar toojo maguyum ra rangan ka ulun ondo' makaulig ri Aki Kapuuno'.”

LUKAS 22:31

“Simon, rongogo'! Tingganai ru riwato no iniou noyo mangkinam ramuyun ngaangai' koson ra sangulun mangatap ra bilor.

JUANIS 12:31

Raino ti noyo pangakiman ra ulun ru tana' ti; raino ti alapon noyo kuasa' intor riso ondo' manguasa' ra tana' ti.

JUANIS 13:2

Nagagakan i Jisus am maamaya' Nano, am Tingganai ru riwato no minindagu ra guang ri Judas, anak ri Simon Iskariot, koson mampataak ri Jisus ra pantula' Nano.

JUANIS 13:27

Kaalap ayuk ri Judas ruti' i, subol bagu Tingganai ru riwato riso. Indagu boo i Jisus riso, “Baalo' noyo atan guangon muno ra mataki'!”

JUANIS 14:30

Kalo boo masuang raguon Kutu ramuyun, sabap ra nasuku' noyo paat ra io ondo' manguasa' ra tana' ti matong. Kaa' kalo makapanguasa' io Raki'.

JUANIS 15:19

Amon ru magibaya' kau ra ulun ru tana' ti, maaru' tagamin kau koson ra ulun nilo galama'. Kaa' pinili' takamin noyo intor ra ulun ru tana' ti, am raino ti kalo boo mogondo' kau risilo. Ginio sabap ra akau kasisangin nilo.

JUANIS 16:11

I Aki Kapuuno' niayuk nakatalimpuun noyo mangukum, sabap ra io ondo' manguasa' ra tana' ti inukum noyo.

JUANIS 7:7

Akau kalo kasisangin ru ulun ru tana' ti, kaa' Aku kasisangin nilo, sabap ra masalok Aku mampasalula' ra kalaatan nilono.

JUANIS 8:23

Indagu i Jisus, “Akau intor ra gana' ti, kaa' Aku intor ra rasawat. Akau ulun ayuk ru tana' ti, kaa' Aku sala' ka intor ra tana' ti.

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

RINALATAN 19:35

Pupus i sangulun tingganai ru bandar i nakapampalinos risilo. Indagu io, “Rongogo' min, ulun-ulun ru Ipisus! Ngaangai' ulun nakapandai ra bandar Ipisus ti ondo' magalung ra kuil ru Dewi Artimis ondo' maayo, am niayuk batu matulai ondo' naratu' intor ra limbowon.

RINALATAN 5:3

Indagu i Pitrus riso, “Ananias, kua polosoo' mu Tingganai ru riwato mangkinibit rirun magabau ra Ambiluo ri Aki Kapuuno', ra inalap mu santayaran ra ruit ru tana' tinalan muli?

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

1 KORINTUS 5:10

Kon kuli am sala' ka ulun kalo nakaulig ra Tuhan ondo' mansawa', makalit, mamparuung kapoam ondo' sumamba ra sinungkalalaing. Sala' ka ilo kon kuli; sabap ra amon ru minggalur kau intor risilo, moonsoi marayus iruanin min tana' ti.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

GALATIA 1:4

Maya' ra kasagaan ri Aki Kapuuno', Ama' takau, nampataak i Kristus ra painawo Nano. Iniru' No tula takau koson mamayag ritakau intor ra kalaatan ondo' manguasa' ra raino ti.

IPISUS 1:21

Giu' no i Kristus manguasa' ra ngaangai' mamarinta, tingganai, mangunguasa', kaikangan am tuan-tuan. Kuasa' Nati maayo kaga' ka atan ayuk soroi ra raino ti kapoam niayuk ra matong no.

IPISUS 2:11

Akau ulun sala' ka Jaudi, ondo' piawon ru ulun ru Jaudi ra “ulun kalo sinunatan” am ilo galama' inggalanin ra “ulun sinunatan” (sunat ti noyo kaulayan ru ulun mampalapa' ra inan). Karaa' ati kulaan baal min ra galing i.

IPISUS 2:13

Kaa' raino, akau ondo' galing i maalur intor Riso, mamaar kau boo ralalom pasimpungan min ri Kristus Jisus, sabap ra kapatayan Nano.

IPISUS 2:3

Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

IPISUS 4:17

Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

IPISUS 5:6

Pai' min polosoo' sangulun pana mamparuung ramuyun ra abau. Sabap ra paliso ragitio noyo mampakasalula' ra sangit ri Aki Kapuuno' ra ulun ondo' kalo gumagaya' Riso.

IPISUS 5:8

Gili akau galama' lakat ayuk poyo ra kalandaman, kaa' raino nasauk kano ra ulun mangintopot ra Tuhan, ginio ra kaayag kano ralalom ru sinda.

IPISUS 6:12

Sabap ra sala' ka ulun anggalon takau, kaa' ngaangai' riwato giu' ra limbowon, ioginio mangunguasa' am kaikangan ru kalandaman ondo' raino mamarinta.

KOLOSI 1:21

Akau pana ragili, timinalikur kau ri Aki Kapuuno'. Nakimantula' kau Riso sabap ra paliso am guang mino malaat.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.

JAKUBUS 1:7

Ulun koson raginio kalo maaru' pamaguangan kapoam kiralan ru kaayagan nano. Ginio ra kalo pana malansan io ra mokoowot no atan-atan intor ra Tuhan.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

1 PITRUS 1:14

Gagaya' kano ri Aki Kapuuno' am pai' min polosoo' kinibit ru guang malaat no manguasa' ramuyun koson ragili ra akau kalo poyo nakaulig ri Aki Kapuuno'.

1 PITRUS 4:3

Paat ragili, kaayagan min koson niayuk ra ulun ondo' kalo poyo makaulig ra Tuhan. Kalo noyo moonsoi kiralan ru kaayagan min: Minaya' kau ra guang mansasawa', mangagauk, magiginum ra majanjayan saboi mokoondo' baal makauyuyu' masauk am poyo siminamba kau ra sinungkalalaing ondo' kasisangin ru Tuhan.

2 PITRUS 2:14

Ilo ti kalo majajala' mambaal ra tula am makapaliso ilo ra pansasawaan. Ulun ondo' malawo pangintapatan, rukuon nilo palayawo'. Maringkumaa' ilo am ginio kaindalaman nilo. Kaa' ulason ilo ri Aki Kapuuno'!

1 JUANIS 3:10

Gitio ra kalo nogondo' anak ri Aki Kapuuno' am anak ru Tingganai ru riwato. Osoi kalo mambaal ra motopot, kapoam kalo motogom ra pabukat-pabukat nano, io ti sala' ka anak ri Aki Kapuuno'.

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.

1 JUANIS 4:4

Kaa' pabukat kau ngaangai', akau intor ri Aki Kapuuno'. Naanggal min nabi-nabi magabau sabap ra mokoondo' kau ra Ambiluo ondo' makakuasa' toojo intor ra ambiluo ru ulun ru tana' ti.

1 JUANIS 5:19

Nakapandai takau ra itakau ti intor ri Aki Kapuuno', kabalu' pana ngaangai' ulun ru tana' ti kinuasa' ru Tingganai ru riwato.

1 JUANIS 5:4

sabap ra moonong anak ri Aki Kapuuno' makaanggal ra kalaatan ru tana' ti. Am ra pangintapatan takau ri Aki Kapuuno' naanggal takau noyo kalaatan ru tana' ti.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 16:17

Pasasaro' boo ru malaikat katulu' no suang ru sangkir nano ra limbowon. Bolos mosongou morongog intor ra takhta no giu' ra Baloi Tuhan, kono, “Nopongo noyo.”

PINAINTALANG 20:2

Rokopo' no tambuakal no – io ti kukuo intor ra galing i, ioginio Tingganai ru riwato kapoam Iblis – am rantayo' no buoi saribu ngambilor.