IPISUS 2:18 - Tanou Moonsoi Timugon

¹⁸ Sabap ra binaal ri Kristus am ru Ambiluo ri Aki Kapuuno' ulun ru Jaudi am sala' ka Jaudi niayuk makasamba ri Ama'.

IPISUS 2:18 ပူးပေါင်းရင်းမြစ်များ

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

JUANIS 10:7

Ginio ra indagu poyo i Jisus, “Balain takamin toojo: Aku noyo kulobon ru domba.

JUANIS 10:9

Aku noyo kulobon. Osoi ayuk mangintopot Raki', bayagon io; mingkual am sumubol am poyo makaakanon io.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

ROMA 5:2

Sabap ra pangintapatan takau ri Kristus, nagibit Io ritakau mimong ra barakat ri Aki Kapuuno' ondo' malimanan takau raino. Sabap raginio maansukan takau am malansan ra magapu takau ra katulayan ri Aki Kapuuno'.

ROMA 8:15

Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

1 KORINTUS 12:13

Koson niayuk ritakau ngaangai': ulun ru Jaudi kapoam sala' ka Jaudi, ulipon kapoam sala' ka ulipon; riniu' takau ngaangai' masauk ra rondo' inan ri Kristus ralalom ru Ambiluo ri Aki Kapuuno'. Itakau ngaangai' inanian ra Ambiluo raginio ondo' rondo' ayuk.

1 KORINTUS 8:6

kaa' itakau mangintopot ra rondo' ayuk i Aki Kapuuno', i Ama' ondo' namangun ra ngaangai' no, am intor Riso itakau naayag. Am niayuk rondo' ayuk Tuhan takau, ioginio i Jisus Kristus. Ralalom inggalan Nano noyo ngaangai' no nasauk am intor Riso niayuk itakau naayag.

GALATIA 4:6

Sabap ra totopot anak kau ri Aki Kapuuno', ginio ra nanusub Io ra Ambiluo ru Anak Nano, sumoroi ra guang takau, koson mampiau, “Ama', Ama' kuno.”

IPISUS 3:12

Sabap ra pasimpungan am pangintapatan takau ri Kristus makakau' takau minggaar ri Aki Kapuuno' am intopoton noyo ra itakau rongogon No.

IPISUS 3:14

Ginio ra aku migulatur, koson makiasi' ri Ama'.

IPISUS 4:4

Rondo' ayuk inan am rondo' ayuk Ambiluo ri Aki Kapuuno', mogondo' niayuk ra rondo' kalansanan mino ra akau piniau ri Aki Kapuuno'.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

KOLOSI 1:12

Am mabaya' ra kaansukan, paringkuanang kano ri Aki Kapuuno', Ama' takau, ondo' nampasauk ramuyun makatayar intor ra pinongo Nano ra ulun ondo' mangintopot Riso, giu' ra ralalom ru pamarintaan ondo' natikop ra sinda Nano.

IBRANI 7:19

Sabap ra Ukum ri Musa kalo mampakatanda' ra osoi ayuk pana. Ginio ra inanian takau ra kalansanan moonsoi poyo am mansail raginio makainggaar takau ri Aki Kapuuno'.

JAKUBUS 3:9

Rila' takati noyo ondo' mongompor ra Tuhan, i Ama' takau, kaa' magasab niayuk poyo ra ulun, ondo' sinauk mansalu ri Aki Kapuuno' galama'.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

JUDAS 1:20

Kaa' koson ramuyun, pabukat kau ngai', kaikango' ayuk pangintapatan mino ri Jisus Kristus, ondo' gitio noyo rondo'-rondo' ayuk matulai. Pakiasi' kano ralalom kuasa' ru Ambiluo ri Aki Kapuuno'.