IPISUS 2:12 - Tanou Moonsoi Timugon

¹² Paat ragili maalur kau intor ri Kristus. Akau ti nogondo' ra ulun bansa' ru bokon am sala' ka tayar kau ru ulun pinili' ri Aki Kapuuno', am kolondo' tayar min ra atan ayuk nabantuan ondo' inaru' ri Aki Kapuuno' koson risilo. Kolondo' kalansanan kapoam kaintutunan min ri Aki Kapuuno' ralalom ru kaayagan min.

IPISUS 2:12 ပူးပေါင်းရင်းမြစ်များ

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

2 TUNUNG RU BANSA' ISRAIL 15:3

Nabuoi noyo Israil kalo nangandoi ayuk ri Aki Kapuuno' ondo' motopot, kolondo' imam-imam ondo' mangila' risilo, am kolondo' ukum.

IJRA 4:3

I Jirubabil, i Jisua am tingganai-tingganai ru ulun minindagu risilo, “Kalo makapakuan akai ra indangan min koson mambaal ra Baloi ru Tuhan, i Aki Kapuuno' mai. Akai galama' mambaal raginio, koson ra ondo' nanusuban ru Raja' Koris, raja' ru Pirsia.”

KAINGKUALAN 12:45

Ulun minayan ayuk ra buoi kapoam mangngandoi ondo' pinangandoi kalo makaakan ra akanon Paska.

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JISAYA 44:6

Tuhan ondo' namarinta am mangampin ra Israil, Tuhan Ondo' Maayo Kaga' Kuasa' mindagu, “Aku noyo ondo' kasaa' am ondo' pamupusan, i Aki Kapuuno' rondo'-rondo' no; Suai Raki', kolondo' bokon.

JISAYA 45:20

Mindagu Tuhan, “Timung kano am pababaya' kano matong, akau noyo naayag ra ralalom ru nasuangan bansa'! Sasambungon noyo ulun-ulun ondo' saguguluyur mugar magibit ra sinungkalalaing ondo' binaal intor ra tataun, am makiasi' ra dewa-dewa no ondo' kalo makapamayag no.

JISAYA 61:5

Akau ulun Kuno, ulun bansa' suai mangandoi ramuyun. Ilo magalung ra bibiag mino am mangandoi ra tana' am umo ru anggur mino.

JIRIMIA 14:8

Okou no rorondo' kalansanan ru Israil, ondo' namayag ramon intor ra karaat. Kua kia koson Okou ra ulun bansa' ru bokon giu' ra pagun mai, am koson ra ulun lalayau ondo' minapit sorondom am mugar?

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

YEHEZKIEL 13:9

Ukumin Takamin, nabi-nabi ondo' nakakito ra pinaintalang ra kalo motopot am niayuk nampasaboi ra ondo' inala' ra mampalayau. Kalo mababaya' kau ra ulun Kuno paat ra ilo mansusunur; inggalan mino kalo tulisin ra ralalom inggalan ru ngaangai' ulun ru Israil, am kalo makauli' kau ra intok mino galama'. Bagu no makapandai kau ra Aku noyo Tuhan Raja'.

YEHEZKIEL 37:26

Mambaal Aku ra nabantuan risilo, am nabantuan no koson ra jamin ru pamayagan risilo ra sabubuoi no. Mambarakat Aku risilo am ruangin suang nilo. Mambaal Aku ra Baloi Kuno, ondo' magulayun giu' ra pagun nilo ra sabubuoi no.

YEHEZKIEL 47:22

Tana' no longgom min ra sabubuoi no. Ulun bansa' ru bokon ondo' minayan ra gino ngai' min, ondo' naganak ra anak-anak giti ra pagun ti niayuk musiti' mangapu ra tayar paat tayaron min tana' no. Pamakuan risilo musiti' koson ra ulun mamagun ra pagun ru Israil, am musiti' mangundi' koson makaalap ra tayar ru tana' nilo mababaya' ra bansa' ru Israil ra bokon.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

UNTABAN 18:19

Ngaangai' indangan luntukon ondo' pataakon ru ulun ru Israil Raki', pataakon Ku rirun, anak-anak muno ra ungkuyon am ruandu' ra sabuoi-buoi no. Nabantuan ti kalo maalap kasulang; binaal Ku noyo ginio rirun am papag muno.”

LUKAS 1:72

Koson mampakito ra asi' Nano ra kinamatuaan takali am suguton No bantu' Nali ra matulai i.

JUANIS 10:16

Mokoondo' Aku poyo ra domba-domba ra bokon ondo' kalo nakaaya' ra tayar ragitio. Ilo pana musiti' Ku ibiton, am mokorongog ilo boo ra bolos Kuno. Ilo ti simpungon Ku am rondo' ayuk magagalung risilo.

JUANIS 15:5

Aku noyo puun ru anggur am akau noyo pango. Osoi ayuk rumondon Raki', am Aku rumondon riso, makapangkawa' io ra maawas; kaa' amon ru kalo mangindangan Aku ramuyun, kalo makapambaal kau ra atan ayuk pana.

JUANIS 4:22

Akau ulun ru Samaria sotopot no kalo makatutun osoi sambaan min; kaa' akai ulun ru Jaudi nakatutun osoi sambaan mai, sabap ra pamayagan matong intor ra bansa' ru Jaudi.

RINALATAN 2:39

Ginio binantu' ri Aki Kapuuno' ramuyun am papag mino poyo, am niayuk ra ngaangai' ulun ondo' mangaalur intok – ioginio osoi ayuk piawon ri Aki Kapuuno', Tuhan takau, koson matong Riso.”

RINALATAN 28:20

Ginio sabap ra nakiuma' am nakimansunur aku ramuyun. Binangkil aku sabap ra Io ondo' kalansanan ru bansa' ru Israil.”

RINALATAN 3:25

Bantu' intor ri Aki Kapuuno' ondo' pinasaboi ru nabi pataakin niayuk ramuyun. Ralalom bantu' ri Aki Kapuuno' ondo' binaal no ra kinamatuaan mini, ragu Nano ri Abragam, ‘Intor ra papag muno barakaton Ku ngaangai' bansa' ru tana' ti.’ Bantu' raginio pinataak niayuk ramuyun.

ROMA 9:8

Arati' no, sala' ka ngaangai' papag ri Abragam no sabiton anak ri Aki Kapuuno', kaa' ilo ayuk ondo' inanak maya' ra bantu' Nali.

GALATIA 4:8

Ra galing i, paat ra akau kalo poyo nakaulig ri Aki Kapuuno', akau inulipon ru riwato ondo' karaan ra tuhan, ondo' kuasa' nilo sala' ka intor ri Aki Kapuuno'.

IPISUS 2:19

Ginio nai ra raino akau ondo' sala' ka ulun ru Jaudi kalo boo pasuayon, kapoam karaan ra ulun bansa' ru bokon. Raino nasauk kano ra ulun ri Aki Kapuuno', akau no niayuk anak Nano.

IPISUS 4:18

Pangaratian nilo pana molondom. Kalo niayuk nakaliman ilo ra kaayagan ondo' taakin ri Aki Kapuuno', sabap ra kalo masaga' ilo mintutun am mokotog toojo ulu nilo.

KOLOSI 1:21

Akau pana ragili, timinalikur kau ri Aki Kapuuno'. Nakimantula' kau Riso sabap ra paliso am guang mino malaat.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

KOLOSI 1:5

Ra intor noyo ra Tanou Moonsoi ondo' motopot ti kasaa' pinabala' am nakasaboi ramuyun, makakalansanan kano. Mangintopot am motogom kau sabap ra kalansanan makaapu ondo' pinongo noyo ramuyun giu' ra suruga'.

1 TISALONIKA 4:13

Pabukat ku ngai', masaga' akai ra akau makapandai ra sauk ru ulun namagatoi, maa' raginio kalo mangiluk guang min, koson ra ulun ondo' kolondo' kalansanan no.

1 TISALONIKA 4:5

Pai' kano baya' ra kinibit lumapau, koson ra ulun ondo' kalo makaulig ri Aki Kapuuno'.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

1 TIMOTIUS 1:1

Aku i Paulus, sangulun rasul ri Jisus Kristus maya' ra susuban ri Aki Kapuuno', Mamamayag takau, am ri Jisus Kristus ondo' kalansanan takau.

IBRANI 11:34

Mokoondo' niayuk nampalasa' ra apui makalalaa', mokoondo' nakapagiru' paat ra inuupan ru ulun makakinandoi. Malawo ilo kaa' nasauk ilo ra maikang, am makakau' ilo saboi nangala ilo ra saujor ru pagun ra bokon.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

IBRANI 8:6

Kaa' raino i Jisus no inanian ra kandoi ru sangulun imam ondo' matulai toojo intor ra kandoi ru imam ra bokon. Sabap ra nabantuan ri Aki Kapuuno' ondo' pinasuku' Nano ra ulun, moonsoi poyo intor ra nakalair i, sabap ra inimpuun No ra bantu' ondo' mangkinibit ra baal-baal ondo' moonsoi poyo.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

1 PITRUS 3:15

Kaa' urumato' noyo i Kristus ralalom ru guang mino koson ra Io noyo manguasa' ra kaayagan min. Musiti' kau tumampos kalalair koson makapangani' ra taaman ra osoi ayuk ulun ondo' makibala' ramuyun ra puun ru kalansanan mino.

1 JUANIS 3:3

Moonong ulun ondo' malansan ri Kristus, magalung io ra kapasawan ru kaayagan nano mogondo' koson ri Kristus mapasau.