IPISUS 2:11 - Tanou Moonsoi Timugon

¹¹ Akau ulun sala' ka Jaudi, ondo' piawon ru ulun ru Jaudi ra “ulun kalo sinunatan” am ilo galama' inggalanin ra “ulun sinunatan” (sunat ti noyo kaulayan ru ulun mampalapa' ra inan). Karaa' ati kulaan baal min ra galing i.

IPISUS 2:11 ပူးပေါင်းရင်းမြစ်များ

YEHEZKIEL 20:43

Makara' min boo ngaangai' binaal ra makauyuyu' am ondo' nampajamol ra inan min. Mampalua' kau ra inan min galama' sabap ra ngaangai' kalaatan ondo' binaal mino.

YEHEZKIEL 36:31

Makara' min paliso malaat am kasalaan ondo' binaal mino, am majamalan kau boo ra inan galama' sabap ra tula am binaal malaat mino.

MATIUS 20:7

Taam ulun-ulun i, ‘Sabap ra kolondo' ulun mangkimait ramon mangandoi.’ ‘Amon ru koson raginio,’ kon ru tatangan ra umo i, ‘Ongoi kau pangandoi ra umo kuno.’

ROMA 11:17

Ginio ra kukula' raan intor ra puun jaitun tinanom indaanin am raan intor ra puun jaitun lumayau pangkapiton pamalit ra inindaanan no. Akau, ulun sala' ka Jaudi, koson ra raan ru puun jaitun lumayau ondo' makasia' ra barakat ru kaayagan ru ulun ru Jaudi.

ROMA 2:26

Amon ru sangulun sala' ka Jaudi, ondo' kalo sinunatan, gumagaya' ra Ukum ri Musa, apuon io ri Aki Kapuuno' koson ra ulun sinunatan noyo.

ROMA 2:27

Sonsolon kau ru ulun kalo sinunatan, sabap ra kabalu' pana mokoondo' kau ra Ukum ri Musa am niayuk sinunatan noyo, kalo gumagaya' kau ra Ukum no. Kaa' ilo ondo' kalo sinunatan no, gumagaya' niayuk ra Ukum ri Musa no.

1 KORINTUS 12:2

Karaa' min paat ra akau kalo poyo nakaulig ra Tuhan, nakalayau kau siminamba ra sinungkalalaing ondo' kolondo' painawo.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

GALATIA 2:15

Motopot ra akai ti papag ru ulun ru Jaudi, am sala' ka ulun makatula koson ra ulun sala' ka Jaudi.

GALATIA 6:12

Ulun ondo' lumimbau ra baal ondo' makito ru ulun, ilo ti noyo ondo' mompogogot ramuyun ra sunatin. Mambaal ilo ayuk koson raginio bagu kalo boo maimbolo' ilo sabap ra namatayan ri Kristus ra salip.

IPISUS 2:2

Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

IPISUS 5:8

Gili akau galama' lakat ayuk poyo ra kalandaman, kaa' raino nasauk kano ra ulun mangintopot ra Tuhan, ginio ra kaayag kano ralalom ru sinda.

SAGULION 15:15

Karaa' noyo ra galing i akau sinauk ra inulipon giu' ra Misir, am pinalabus kau noyo ru Tuhan i Aki Kapuuno' min. Ginio sabap ra aku manaak ramuyun ra susuban ragitio.

SAGULION 16:12

Gagaya' noyo ra susuban-susuban ragitio ra matanda'. Karaa' noyo ra inulipon kau giu' ra Misir ragili.”

SAGULION 5:15

Karaa' noyo ra galing i inulipon kau giu' ra pagun ru Misir, am Aku Tuhan i Aki Kapuuno' min napalabus ramuyun ra kuasa' am kaikangan Kuno ondo' maayo. Ginio sabap ra nanusub Aku ramuyun mangiantak ra orou Sabat.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

SAGULION 9:7

Karaa' noyo ati kulaan akau nangkinibit ra Tuhan i Aki Kapuuno' min siminangit giu' ra tana' kaagisan. Intor ra akau nangiruan ra Misir saboi ra orou nasabayan min ragiti, giminuor kau Riso.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

KOLOSI 1:21

Akau pana ragili, timinalikur kau ri Aki Kapuuno'. Nakimantula' kau Riso sabap ra paliso am guang mino malaat.

KOLOSI 2:11

Paat ra akau siminimpung ri Kristus, ginio koson ra kaulayan ru sunat, ioginio tula mino iniru' noyo. Gitio binaal Nano koson mampalabus ramuyun intor ra kinibit ru kuasa' ru tula mino.

KOLOSI 2:13

Gili, akau ondo' sala' ka ulun ru Jaudi, koson ayuk ra minatoi kau sabap ra kinibit ru tula min am sabap ra kalo nakaulig kau ra Ukum ri Musa. Kaa' akau binayag Nano saguli' mabaya' ri Kristus ra Io nangampun ra tula takau.

KOLOSI 3:11

Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

1 SAMUIL 17:36

Namatoi aku noyo ra singa' am baawang, am ulun ru Palistin ondo' kalo nakaulig ri Aki Kapuuno' no, niayuk nogondo' pamakuan kuno koson ra bibiag raginio, sabap ra makakau' io manggal ra saujor ri Aki Kapuuno' ondo' naayag.