IPISUS 1:6 - Tanou Moonsoi Timugon

⁶ Omporo' takau i Aki Kapuuno' sabap ra kataawan Nano ondo' kolondo' pogondo' am sabap ra taak Nano ritakau ralalom ru Anak ondo' tagamin Nano!

IPISUS 1:6 ပူးပေါင်းရင်းမြစ်များ

MAZMUR 22:20

Iou Tuhan, pai' noyo inggalur intor raki', katakio' ratangan Muno koson mangindangan raki'.

MAZMUR 60:5

Okou nangkinibit ra ulun Muno naimbolo' toojo, suku' akai kakasumpil koson ra nagauk.

AMSAL 16:4

Nansalinut binaal ru Tuhan mokoondo' ra kuayan, am kuayan ru ulun malaat ioginio kaluusan.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 43:21

Ilo noyo ulun Kuno ondo' sinauk Ku ra longgom Kuno galama'.”

JISAYA 61:11

Koson ra unor pinatias tumuu' am sumawat, ginio niayuk ra Tuhan Raja' mamayag ra ulun Nano, am ngaangai' bansa' mongompor riso.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

IMAMAT 15:15

Mapataak imam ra sanginan intor ra susuit no koson taak simbalui koson mangampun ra tula am sanginan poyo koson ra taak simbalui koson mapabansuk ra guang ru Tuhan. Kon ragitio noyo imam mambaal ra upacara pamasawan tayar ru ulun no ra saang ru Tuhan.

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 20:9

Ulun ondo' nangandoi intor ra jam kalimo ra mamai' i ngaangai' nakaalap rondo' ruit pirok sangulun.

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

JUANIS 10:17

I Ama' motogom raki' sabap ra mampataak Aku ra painawo Kuno koson maayag Aku saguli'.

JUANIS 3:35

Ama' no motogom ra Anak Nano, am nangani' ra ngaangai' kuasa' Nano Riso.

ROMA 8:1

Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.

2 KORINTUS 4:15

Ngaangai' kaimbalaan no masauk koson ra kaatangan min. Sabap raginio rumuang ulun ondo' makaapu ra kataawan ri Aki Kapuuno', ondo' mulu' poyo maringkuanang am mangurumat ilo ri Aki Kapuuno'.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IPISUS 1:12

Polosoo' noyo itakau ondo' intor ragili noyo nakalansan ri Kristus, mongompor ri Aki Kapuuno' ondo' kolondo' pogondo'!

IPISUS 1:14

Ambiluo raginio noyo mapakalansan ritakau ra makaapu toojo ra ngaangai' ondo' binantu' ri Aki Kapuuno', suku' kalabusan ra ulun ondo' mangintopot riso. Sabap raginio, omporo' noyo i Aki Kapuuno' ondo' kolondo' pogondo'!

IPISUS 1:18

Gitio poyo pakiasian kutu ra maalap min kakito sinda Nano, am makapandai kau ra kalansanan ondo' pinataak Nano ra Io nampiau ramuyun. Am poyo ra makapandai kau ra mumpara' boo barakat ondo' kolondo' pogondo' no, ioginio bantu' Nano ra ulun mangintopot Riso.

IPISUS 2:7

Koson raginio noyo mampakito Io ritakau ra ati kulaan gayo ru asi' Nano ondo' mantilayun, ioginio kinoonsoi ru guang Nano ritakau ralalom ri Kristus Jisus.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

PILIPI 4:19

Kalangkayaan ri Aki Kapuuno' ondo' sambaan kuno kalo mauntob, ginio ra ralalom ri Jisus Kristus noyo Io mangukop ra atan ayuk kolondo' ramuyun sumugut ra katulayan Nano.

KOLOSI 1:13

Nampalabus Io noyo ritakau intor ra kuasa' ru kalandaman am pinoongoi takau boo ra ralalom ru pamarintaan ru Anak tinagaman Nano.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.