IPISUS 1:5 - Tanou Moonsoi Timugon

⁵ Sabap ra togom Nano, inaru' noyo ri Aki Kapuuno' ra ralalom ri Jisus Kristus itakau saukon ra anak-anak Nano. Gitio noyo sotopot no kasagaan Nali.

IPISUS 1:5 ပူးပေါင်းရင်းမြစ်များ

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

JIRIMIA 3:4

Kaa' raino mindagu kou Raki', ‘Okou noyo ama' kuno. Motogom Kou raki' intor ra aku boborok.

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

MATIUS 1:25

Kaa' kalo liminampit i Jusup ri Maria saboi io nakapaganak. Inggalani' ri Jusup anak no i Jisus.

MATIUS 11:26

Iou Ama', gitio pinili' am kasagaan Muno galama'.

LUKAS 10:21

Paat ragili niayuk naansukan i Jisus ra kinuasa' Io ru Ambiluo ri Aki Kapuuno', indagu Io, “Ama', Tuhan ru limbowon am tana'! Paringkuanangan Kuno Rirun sabap ra pinakito Mu noyo ra ulun kolondo' kapandayan ondo' pinasibuni Muno intor ra ulun mapintar. Ama', ginio noyo kasagaan Muno.

LUKAS 11:32

Paat ra Orou Pupus no, mamagun ru Niniwi migor am manguu' ramuyun, sabap ra timinalikur ilo no intor ra tula nilo paat ra ilo nangkirongog ra ragu ri Junus. Kaa' giti raino mokoondo' sangulun ondo' maatang poyo intor ri Junus!”

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

JUANIS 1:12

Kaa' osoi ayuk mangapu Riso, ioginio mangintopot Riso, pasaukon No ilo ra anak ri Aki Kapuuno'.

JUANIS 11:52

Sala' ka kaatangan ra ulun ru Jaudi ayuk, kaa' koson manimung ra ngaangai' anak ri Aki Kapuuno' ondo' nantutuliar.

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

RINALATAN 13:48

Pakaining ayuk ulun sala' ka Jaudi ragu raginio, naansukan ilo toojo saboi mongongompor ilo ra bala' intor ra Tuhan i. Ulun ondo' inaru' noyo ri Aki Kapuuno' koson mokoowot ra kaayagan motopot am mantilayun, nangintopot ilo ri Jisus niayuk.

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

1 KORINTUS 1:1

Pabukat kau ngaangai', ulun Kristian ru bandar Korintus. Surat ti intor raki', i Paulus am niayuk i Sostinus. Akau piniau noyo ri Aki Kapuuno' koson masauk ra ulun Nano, sabap ra akau longgom ri Jisus Kristus, nogondo' ra ngaangai' ulun ra ati ayuk intok ondo' sumamba ra Tuhan takau i Jisus Kristus, ioginio Tuhan nilo am niayuk Tuhan takau. Tinulisan ku surat ti ramuyun koson ra aku rasul ri Jisus Kristus, ondo' pinili' ri Aki Kapuuno' galama' maya' ra kasagaan Nano.

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

2 KORINTUS 6:18

Masauk Aku ra ama' min, am akau masauk ra anak ungkuyon am anak ruandu' Kuno. Ginio noyo ragu ru Tuhan Maayo Kaga' Kuasa'.”

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

IPISUS 1:11

Intor poyo ra talimpuun i pinili' takano ri Aki Kapuuno' masauk ra ulun mangintopot riso ralalom pasimpungan takau ri Kristus. Ngaangai' no baalon sumugut ra inatang am inaru' ri Aki Kapuuno'.

IPISUS 1:9

Itakau noyo napaintalangan no ra ondo' kalo igondo' pinabala', ioginio inatang no kalalair i, koson ralalom ri Kristus ginio pinongo.

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

KOLOSI 1:19

I Aki Kapuuno' noyo galama' nangatang ra ngaangai' ru atan ayuk mokoondo' Riso, mokoondo' niayuk ra Anak Nano.

2 TISALONIKA 1:11

Ginio sabap ra masalok makiasi' akai ri Aki Kapuuno' koson mampasauk ramuyun ra ulun ondo' maaya' ra pampiawan Nano. Gama' ru mabaya' ra kuasa' Nano, i Aki Kapuuno' makasauk ra kasagaan min mambaal ra moonsoi am mampaukop ra ngaangai' kinapirot ru pangintapatan min.

IBRANI 2:4

Am i Aki Kapuuno' nampaikang poyo ra kaintutunan ru ulun-ulun pinaaya' ra nansalinut tatandu', kaimuagan am baal makakuasa' am mansail poyo pantayaran ra taak ru Ambiluo ri Aki Kapuuno' maya' ra kasagaan Nano galama'.

1 JUANIS 3:1

Ilai'! Mumpara' piboo gayo ru togom ri Ama' saboi piawon takau ra anak ri Aki Kapuuno'. Am sotopot no, itakau ti anak ri Aki Kapuuno'. Ginio sabap ra ulun ru tana' ti kalo makaulig ritakau, sabap ra kalo makaulig ilo ri Aki Kapuuno'.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.