IPISUS 1:22 - Tanou Moonsoi Timugon

²² Pinatinduku' noyo ri Aki Kapuuno' ngaangai' no ra saang ri Kristus, am pinasauk Io ra tingganai ru pasimpungan ulun Kristian ralalom ngaangai' baal ru kaayagan nilo sigagama'.

IPISUS 1:22 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

MAZMUR 110:1

Mazmur ri Daut. Minindagu Tuhan no ra raja' no, “Panturung soor ra pamiris Kutu, saboi ngaangai' pantula' muno makuasa' Ku am pataakon rirun.”

MAZMUR 91:13

Kukuo am singa' kikinjangin mu, singa' ra masigo am kukuo ra mabisa'.

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

1 KORINTUS 11:3

Kaa' masaga' aku ra akau makarati' ra i Kristus noyo maningganai ra moonong ungkuyon, ralaki maningganai ra andu', am i Aki Kapuuno' no maningganai ri Kristus.

IPISUS 3:21

Koompor noyo Io ra pasimpungan ulun Kristian ralalom inggalan ri Kristus Jisus, suku' ra ati ayuk papag ra sabuoi-buoi no. Amin!

IPISUS 5:23

Sabap ra ralaki noyo ondo' maningganai ra andu' nano, mogondo' ri Kristus maningganai ra pasimpungan ulun Kristian, ioginio inan Nano.

KOLOSI 1:18

Io no maningganai ra inan, ioginio pasimpungan ulun Kristian, am Io poyo puun ru kaayagan bagu nilono. Io po Anak Langkuir ri Aki Kapuuno' ondo' binayag saguli' intor ra kapatayan, koson nampasauk Riso ra maatang intor ra ngaangai'.

KOLOSI 1:8

Io ti niayuk ondo' nambala' ramon ra ati kulaan Ambiluo ri Aki Kapuuno' no magibit ramuyun mokopontotogom.

KOLOSI 2:10

Mokoondo' kano ra kaayagan motopot sabap ra pasimpungan min ri Kristus, ondo' maayo kaga' kuasa' intor ra ngaangai' ru mangunguasa' am mamarinta no.

KOLOSI 2:19

Ilo kalo boo mampaguut ra pangilaan motopot ra osoi i Kristus. I Kristus noyo ondo' maningganai ra inan, ioginio pasimpungan ulun Kristian, am maya' ra paningganayan nano, ilo pogondoon guang am mulu' poyo kaayagan nilo tumilu ra kasagaan ri Aki Kapuuno'. Gitio mogondo' ra inan takati ondo' tingganayon ru ulu am pasimpungon ru parangaban, tumuu'.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

IBRANI 2:8

am niayuk nampasauk Kou ramon ra mangunguasa' ra ngaangai'.” Amon ru i Aki Kapuuno' nampasauk ritakau ra “mangunguasa' ra ngaangai'”, arati' no kolondo' rorondo' pana ondo' kalo makuasa' takau. Kaa' raino kalo poyo makito takau ra itakau manguasa' ra ngaangai' no.