IMAMAT 9:7 - Tanou Moonsoi Timugon

⁷ Indagu i Musa ri Arun, “Ongoi no ra altar am papataak ra taak simbalui koson mangampun ra tula am taak simbalui koson mapabansuk ra guang ru Tuhan, maa' raginio ampunon tula muno am tula ru ngaangai' ulun ti ru Tuhan. Baalo' gitio koson ra nanusuban ru Tuhan.”

IMAMAT 9:7 ပူးပေါင်းရင်းမြစ်များ

IBRANI 5:3

Ginio ra paat ra io mampataak ra taak simbalui, pai' ru pakiampunan ra tula ru ulun bokon ayuk, kaa' koson ra tula nano galama' niayuk.

IBRANI 5:1

Moonong Tingganai Maayo Imam pinili' ri Aki Kapuuno' intor ra ulun am inaru' io mangandoi ri Aki Kapuuno' ra ulun masuang: ioginio mampataak ra taak ru ulun am poyo taak simbalui koson pakiampunan ra tula.

IBRANI 9:7

Kaa' Tingganai Maayo Imam ayuk ondo' makaumpos ra lamin ra ralalom no ra igondo' ayuk sambilor. Magibit io ra raraa' am pataakon no ri Aki Kapuuno' koson pakiampunan ru tula nano galama' am niayuk ra tula ondo' kalo natutunan ru ulun.

IMAMAT 4:3

Amon ru makatula Tingganai Maayo Imam, saboi mangkinibit ra ngaangai' ulun ru Israil makasala, musiti' io mapataak ra Tuhan ra sanginan sapi' gawayan mamulok ondo' kalo najamaran no, maa' raginio ampunon tula nano.

1 SAMUIL 3:14

Ginio ra magibot Aku ra sasambaloi ri Ili, ra koson mantilayun kolondo' taak simbalui kapoam taak ra atan pana ondo' makapuso ra tula ondo' makalalaa' kaga' no.”

IMAMAT 9:2

Indagu i Musa ri Arun, “Alapo' sanginan sapi' gawayan ondo' mamulok am sanginan domba gawayan, am karuo-ruo no kalo najamaran no, pataako' boo karuo-ruo no koson taak simbalui ra Tuhan. Sapi' gawayan no tayar ru taak simbalui koson mangampun ra tula, am domba gawayan no tayar ru taak simbalui koson mapabansuk ra guang ru Tuhan.

IMAMAT 8:34

Manaak Tuhan ra susuban maa' raginio atan ondo' baalon takau orou raiti', baalon niayuk rayuso', ra upacara ragitio ampunon tula mino.

IMAMAT 16:6

Musiti' io mapataak ra sanginan sapi' gawayan tayar ru taak simbalui koson mamuso ra tula nano galama' am tula ru sasambaloi nano.

IMAMAT 16:11

Makataak ri Arun sapi' gawayan no tayar ru taak simbalui koson mangampun ra tula nano galama' am sasambaloi nano,

IMAMAT 16:24

Musiti' io mariu' giu' ra rondo' intok ondo' inaru' ra mapasau, bayangon no boo bayang nano galama'. Mopongo raginio musiti' io mingkual, mampataak boo ra taak simbalui koson mapabansuk ra guang ru Tuhan, tayar ru mamuso ra tula nano galama' am tula ru ulun ru Israil.