IMAMAT 8:8 - Tanou Moonsoi Timugon

⁸ Pautawo' niayuk ri Musa utau no ri Arun am pasuango' Urim am Tumim ralalom ru utau no.

IMAMAT 8:8 ပူးပေါင်းရင်းမြစ်များ

IJRA 2:63

Gabenor ru pagun Jiuda nanginggalar risilo mangakan ra akanon ondo' pinataak ri Aki Kapuuno', saboi mokoondo' sangulun imam ondo' nakaalap ra pakituluan ra namakai ra Urim am Tumim.

NIGIMIA 7:65

Gabenor ru wilayah Jiuda nanginggalar risilo mangakan ra akanon ondo' pinataak ri Aki Kapuuno', ra kalo poyo mokoondo' ra sangulun imam ondo' makapakitulu' mamakai ra Urim am Tumim.

KAINGKUALAN 29:1

“Gitio noyo ondo' matanda' muno baalon koson patimpokon i Arun am anak-anak nano maa' raginio makapangandoi Raki' ayuk koson ra imam. Alap ra sanginan anak sapi' gawayan am ruo ngainan anak domba gawayan ondo' kalo najamaran.

RIMBAI PANGAMPARAN 8:6

Sauko' aku ra ambai muno; pai' ganggol ra bokon ondo' ak am aku, sabap ra lumaai no koson ra kinaikang ru kapatayan, am saga' ru guang galama' manguasa' koson ra patayan. Simbula' nano koson ra simbula' ru apui, ondo' bibilak ra makalalaa'.

JISAYA 59:17

Katimpakan pakayon Nano koson ra bayang basi' am pamayagan koson ra tupi' basi'. Gogoton Nano koson manapuli' ra baal raginio am balasin kalo katimpakan.

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

IPISUS 6:14

Ginio ra tampos kano koson sangulun saujor; ragu min ra motopot koson ayuk ra abot mino am guang min ra motopot koson ra bayang basi' mino.

SAGULION 33:8

Intor ra bansa' ru Liwi, indagu io, “Iou Tuhan, pabalaa' noyo kasaga' Muno ralalom ru Urim am Tumim, ralalom ru ulun ru Liwi, ulipon Muno ondo' gumagaya'. Nangkinam Kou noyo risilo giu' ra Masa, am napainono' ra gagaya' nilo giu' ra taur ru timug Miriba.

1 TISALONIKA 5:8

Kaa' itakau ti maayag ra matawang, am musiti' masalok takau tumampos. Musiti' takau mangintopot ra Tuhan am motogom ra ulun bokon, ginio koson migampin takau ra bayang basi'. Am poyo kalansanan ra bayagon takau koson migampin takau ra tupi' basi'.

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.