IMAMAT 8:7 - Tanou Moonsoi Timugon

⁷ Kopongo raginio pambayango' ri Musa i Arun ra bayang imam: bayang maayo, sukub am abot. Pabayango' no niayuk efod no ri Arun. Efod no binangkos ri Musa ra abot ondo' tinuyu' ra awak ri Arun.

IMAMAT 8:7 ပူးပေါင်းရင်းမြစ်များ

KAINGKUALAN 28:2

Baali' maayo muno i Arun ra bayang ru imam, maa' raginio makito io ra maatang kaga'.

KAINGKUALAN 28:4

Susubo' ilo mambaal ra utau, efod, sukub, sukub aniin ra sulam, serban am abot. Musiti' ilo mambaal ra bayang ru imam no ra maayo muno i Arun am anak-anak nano maa' raginio makapangandoi ilo ayuk Raki' koson ra imam.

KAINGKUALAN 28:6

Musiti' ilo mambaal ra efod intor ra konoon bulu makabatik motomou, matanggilung am malia', banang mas am niayuk konoon linon molomos ondo' makasulam.

KAINGKUALAN 29:5

Mopongo ginio pambayangon i Arun ra bayang ru imam: Bayang maawar, sukub ondo' bayangon manili ra efod, efod am utau am abot no.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

YEHEZKIEL 42:14

Paat ra imam-imam no ondo' giu' ra ralalom Baloi ru Tuhan mingkual mongoi ra liliut ra liwar, musiti' nilo patatangon bayang mapasau giu' ra ralalom ru lamin-lamin no. Bayang no bayangon nilo paat mangandoi ra Tuhan. Musiti' ilo mambayang ra bokon ra kalo poyo mingkual mongoi ra intok tinimungan ru ulun masuang.”

ROMA 13:14

Kaa' polosoo' noyo Tuhan Jisus Kristus maningganai ramuyun, am pai' min gagayaa' paliso min galama', ioginio mamasug ra kasagaan ru guang makatula.

ROMA 3:22

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

GALATIA 3:27

Sabap ra osoi ayuk ondo' riniu' am pinasimpung ri Kristus, io niayuk mokoondo' ra paliso ri Kristus galama'.

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.