IMAMAT 8:30 - Tanou Moonsoi Timugon

³⁰ Alap i Musa sanganu umau upacara am niayuk sanganu raraa' ondo' giu' ra rasawat altar, am patakiso' no ginio ri Arun am anak-anak nano am niayuk ra bayang nilo. Gitio noyo ralan ri Musa mambaal ra patimpokon risilo am niayuk bayang nilono ra Tuhan.

IMAMAT 8:30 ပူးပေါင်းရင်းမြစ်များ

KAINGKUALAN 28:2

Baali' maayo muno i Arun ra bayang ru imam, maa' raginio makito io ra maatang kaga'.

KAINGKUALAN 29:21

Alapon koborok raraa' ondo' rasawat ru altar am koborok umau ru upacara, am patakison ngaangai' no ri Arun am bayang nano, am niayuk ra anak-anak nano am ra bayang nilo. Gitio ralan ra i Arun, anak-anak nano am bayang nilo patimpokon Raki'.

KAINGKUALAN 30:30

Paumawon umau upacara no ri Arun am anak-anak nano maa' raginio patimpokon ilo ra imam koson mangandoi Raki' ayuk.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

IMAMAT 7:35

Gitio noyo tayar ru taak akanon ra Tuhan ondo' pataakon ri Arun am anak-anak nano paat ra orou ilo patimpokon ra imam.

IMAMAT 7:36

Paat ra orou raginio manusub Tuhan ra ulun ru Israil maa' raginio manaak ra tayar ragitio ra imam-imam. Gitio noyo aturan ondo' musiti' gagayaan ru ulun ru Israil ra sabuoi-buoi no.

IMAMAT 8:12

Patimpokon ri Musa i Arun ra umau upacara pasasaron no ra ulu ri Arun.

UNTABAN 3:3

Patimpokon ilo ra imam ra upacara papasasaran ra umau ra rasawat ru ulu.

IBRANI 2:11

I Jisus noyo namasau ra ulun intor ra tula nilono, am Io am niayuk ulun pinasau no, rondo' ayuk Ama'. Ginio ra kalo mauyu' i Jisus mangiou risilo ra pabukat Nano.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.