IMAMAT 8:23 - Tanou Moonsoi Timugon

²³ Simbaluyo' ri Musa domba gawayan no. Pangalap io boo sanganu raraa' ru domba no am pakupilo' ra talingo pamiris ri Arun, am ra pangina' ru bubua' kalindu' ra pamiris nano, am niayuk ra pangina' ru bubua' kalayam ra pamiris nano.

IMAMAT 8:23 ပူးပေါင်းရင်းမြစ်များ

KAINGKUALAN 29:20

Simbaluyon domba gawayan no. Alapon boo koborok raraa' no am pakupilon ra talingo ra pamiris ri Arun am anak-anak nano, am ra pangina' ru kalayam ra pamiris nilo. Pawason suwo ru raraa' no ra kaapat-apat sapapa' ru altar no.

KAINGKUALAN 29:21

Alapon koborok raraa' ondo' rasawat ru altar am koborok umau ru upacara, am patakison ngaangai' no ri Arun am bayang nano, am niayuk ra anak-anak nano am ra bayang nilo. Gitio ralan ra i Arun, anak-anak nano am bayang nilo patimpokon Raki'.

IMAMAT 14:14

Mangalap imam ra sanganu raraa' ru anak domba no am pakupilon ra talingo pamiris, pangina' ru kalindu' ra pamiris, am ra pangina' ru kalayam ra pamiris ra ulun ondo' potonowon ra mapasau.

IMAMAT 14:17

Musiti' imam mangalap ra sanganu umau ra palar ru kalindu' nano am sanganu intor ra raraa' ru anak domba, am pakupilon no ra talingo pamiris, pangina' ru kalindu' ra pamiris, am pangina' ru kalayam ra pamiris ra ulun ondo' potonowon ra mapasau.

IMAMAT 14:25

Manimbalui io ra anak domba no am mangalap ra sanganu raraa' no, am pakupilon ginio ra talingo pamiris, pangina' ru kalindu' ra pamiris, am ra pangina' ru kalayam ra pamiris ru ulun no.

IMAMAT 14:28

Musiti' pakupilon ru imam sanganu umau no ra intok napakupilan no ra raraa' no: ra talingo pamiris ru ulun no, ra pangina' ru kalindu' ra pamiris nano, am ra pangina' ru kalayam ra pamiris nano.

IMAMAT 7:37

Ginio noyo aturan ra taak simbalui koson mapabansuk ra guang ru Tuhan, taak simbalui koson paringkuanangan ra Tuhan, taak simbalui koson mangampun ra tula, taak simbalui koson mambayar ra kalubatan, taak simbalui ondo' pataakon paat ra patimpokon, am taak simbalui koson makibarakat ra Tuhan.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 6:13

Pai' min polosoo' atan ayuk tayar ru inan mino kuasaan ru tula, koson pambabaal ra malaat. Kaa' polosoo' noyo i Aki Kapuuno' manguasa' ra kaayagan mino, koson ra ulun ondo' binayag noyo saguli' intor ra kapatayan am raino maayag. Taaki' noyo ngaangai' kaayagan mino ri Aki Kapuuno' koson pambabaal ra moonsoi.

ROMA 6:19

Alapon ku tiluan ru ulipon ti sabap ra mangailo kau mangarati'. Ra galing i pinoloso noyo kaayagan mino galama' sumauk ra ulipon ru baal majamol koson mambaal ra malaat. Koson niayuk raino, polosoo' noyo kaayagan mino galama' sumauk ra ulipon ru kasagaan ri Aki Kapuuno' koson akau galama' patimpokon Riso.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

1 KORINTUS 6:20

Mologo toojo pinambabali ri Aki Kapuuno' ramuyun, ioginio i Kristus. Sabap raginio, urumato' noyo i Aki Kapuuno' ra inan mino pana.

PILIPI 1:20

Sabap ragitio noyo kaandaman am kalansanan ru guang kuno ra kolondo' rondo' pana kandoi kuno mampakauyu' raki'. Masalok aku niayuk moondom, am mulu' poyo raino, makakau' toojo mapatulai ri Kristus ralalom kiralan ru kaayagan kuno – iou ra maayag aku kapoam matoi.

PILIPI 2:17

Kaa' amon ru potoyon aku pana, am raraa' kuno masauk koson ra taak ri Aki Kapuuno', mabaya' ra pangintapatan min, maansayan aku ayuk am maansukan mababaya' ramuyun ngai'.

1 TISALONIKA 5:22

Inggalur kano ra atan ayuk baal malaat.

IBRANI 2:10

Sumugut ra inatang ri Aki Kapuuno' ondo' nambaal am niayuk magalung ra ngaangai', matimpok niayuk i Jisus saukon ra matanda' mansail ra kaimbalaan. Maa' raginio urumaton ri Aki Kapuuno' masuang anak Nano mababaya' ri Jisus ondo' magibit risilo ra pamayagan.

IBRANI 5:8

Kabalu' pana Anak Io ri Aki Kapuuno', kaa' minigigila' Io niayuk gumagaya' mansail ra kaimbalaan.