IMAMAT 8:22 - Tanou Moonsoi Timugon

²² Kopongo raginio pagibit i Musa ra sanginan domba gawayan poyo tayar ru patimpokon ra imam, pabantaa' boo ri Arun am anak-anak nano kalindu' nilo ra rasawat ru ulu ru kambing no.

IMAMAT 8:22 ပူးပေါင်းရင်းမြစ်များ

IMAMAT 7:37

Ginio noyo aturan ra taak simbalui koson mapabansuk ra guang ru Tuhan, taak simbalui koson paringkuanangan ra Tuhan, taak simbalui koson mangampun ra tula, taak simbalui koson mambayar ra kalubatan, taak simbalui ondo' pataakon paat ra patimpokon, am taak simbalui koson makibarakat ra Tuhan.

IMAMAT 8:2

“Ibito' i Arun am anak-anak nano mongoi ra kulobon ru Kim Kuno, am ibito' niayuk bayang ru imam, umau upacara, sapi' gawayan mamulok tayar ra taak simbalui koson mangampun ra tula, ruo ngainan domba gawayan, am sambakul ruti' ondo' kalo latakin ra ragi.

IMAMAT 8:29

Kopongo raginio alap i Musa ra kubab ru domba no am pataako' no koson ra taak lilion ra Tuhan. Ginio noyo tayar ri Musa intor ra domba gawayan ondo' pataakon koson patimpokon ra imam. Nambaal i Musa ra ngaangai' no koson ra nanusuban ru Tuhan.

JUANIS 17:19

Taakin Ku kaayagan Kutu Rirun, maa' raginio totopot mampataak ilo ra kaayagan nilo mangandoi ayuk Rirun.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IPISUS 5:25

Ralaki kau ngai', tagami' noyo andu' mino, mogondo' ri Kristus nonogom noyo ra pasimpungan ulun Kristian am niayuk nampataak ra painawo Nano koson ilo.

IPISUS 5:27

Koson raginio noyo, ralalom pagilangan ri Kristus, ilo moonsoi, mapasau am niayuk matanda', am kolondo' boo malaat risilo.