IMAMAT 7:9 - Tanou Moonsoi Timugon

⁹ Moonong taak simbalui koson paringkuanangan ra Tuhan, ondo' kia taak simbalui inansak ralalom ru oven, kapoam inansak ralalom ru paliuk, kapoam inansak ralalom ru pamanggangan, masauk ra longgom ru imam ondo' mapataak ra taak simbalui no.

IMAMAT 7:9 ပူးပေါင်းရင်းမြစ်များ

2 RAJA'-RAJA' 12:17

Paat raginio Raja' Gajail, raja' ru Siria namulunsar ra bandar Gat am kinala no. Kopongo raginio makaguang io mamulunsar ra Jirusalim.

YEHEZKIEL 44:29

Taak simbalui koson paringkuanangan ra Tuhan, taak simbalui koson mangampun ra tula, am taak simbalui koson mambayar ra kalubatan, masauk ra akanon ru imam. Musiti' ilo mangapu ra atan ayuk giu' ra Israil, ondo' pataakon Raki', koson ra tayar nilo.

IMAMAT 2:10

Suwo ru taak simbalui no longgom ru imam-imam. Taak ti matulai kaga' sabap ra inalap intor ra akanon ondo' pinataak noyo ra Tuhan.

IMAMAT 5:13

Koson raginio noyo imam no mapataak ra taak simbalui koson mangampun ra tula ru ulun no, am ampunon boo ulun no ru Tuhan. Suwo ru tapung no imam noyo tatangan, koson ra taak simbalui koson paringkuanangan ra Tuhan.

IMAMAT 7:10

Kaa' ngaangai' taak simbalui koson paringkuanangan ra Tuhan, iono taak simbalui ondo' kalo poyo inansak, ondo' linatakan noyo ra umau kapoam ondo' mapua', masauk ra longgom ru imam papag ri Arun am musiti' tatayaron pogondoon ra gino ngai' nilo.

IMAMAT 7:8

Kungkung ru bibiag ondo' pinataak tayar ru taak simbalui koson mapabansuk ra guang ru Tuhan, masauk ra longgom ru imam ondo' mapataak ra taak simbalui no.

UNTABAN 18:9

Intor ra taak-taak ra mapasau kaga', ondo' kalo sinolob giu' ra rasawat ru altar, ondo' gitio noyo rirun no: taak simbalui koson paringkuanangan, taak simbalui koson mangampun ra tula am taak simbalui koson mambayar ra kalubatan. Ngaangai' taak simbalui ondo' pataakon Raki' tayar ru taak mapasau masauk ra longgom muno am anak-anak ungkuyon muno.

1 KORINTUS 9:13

Nakapandai kano ra ulun ondo' mangandoi ra Baloi Tuhan makaapu ra akanon intor ra pangandayan nano. Mogondo' niayuk ra ulun ondo' mapabandai ra taak simbalui ra altar, makasia' intor ra taak raginio.

1 KORINTUS 9:7

Kolondo' saujor maguyum ra balanja' nano galama' paat ra io makaaya' ra pangayawan. Kapoam kolondo' ulun magitanom kalo mangakan ra kawa' ru anggur intor ra umo nano galama'. Kapoam kolondo' magagalung ondo' kalo manginum ra gatas intor ra domba nano galama'.

GALATIA 6:6

Moonsoi niayuk ru ulun ondo' ilaan ra pangintapatan ru Kristian, mantayar ra atan ayuk mokoondo' riso no ra mangingila' nano.