IMAMAT 7:6 - Tanou Moonsoi Timugon

⁶ Moonong ungkuyon intor ra sasambaloi ru imam makaakan ra kual ru taak simbalui ragitio, kaa' musiti' nilo akanon ginio giu' ra intok mapasau sabap ra taak simbalui ti matulai kaga'.

IMAMAT 7:6 ပူးပေါင်းရင်းမြစ်များ

YEHEZKIEL 42:13

Indagu ungkuyon no raki', “Karuruo baloi maayo no mapasau. Giti noyo intok ru imam-imam tumingkuang ra Tuhan mangakan ra taak ondo' matulai kaga'. Ginio sabap ra lamin-lamin no matulai, pabantaan ru imam-imam taak ondo' matulai kaga' ra giu' no: taak simbalui koson paringkuanangan ra Tuhan, taak simbalui koson makiampun ra tula, am taak simbalui koson mambayar ra kalubatan.

IMAMAT 2:3

Suwo ru taak simbalui koson paringkuanangan ra Tuhan no iono longgom ru imam-imam. Taak ti matulai kaga' sabap ra inalap intor ra akanon ondo' pinataak noyo ra Tuhan.

IMAMAT 21:22

Kaa' ulun raginilo makaakan ra akanon ondo' nakataak noyo Raki', ondo' kia' taak akanon ondo' mapasau, am niayuk taak akanon ondo' mapasau kaga'.

IMAMAT 6:11

Kopongo raginio musiti' imam no mangalig ra binayang nano am magibit ra kaau mongoi ra liwar ru pangkiman, giu' ra intok ondo' timpok ru kaau no.

IMAMAT 6:29

Moonong ungkuyon intor ra sasambaloi ru imam paakanon ra taak simbalui ti; taak simbalui ti matulai kaga'.

IMAMAT 7:5

Ngaangai' lomok no musiti' solobon ru imam ra rasawat ru altar koson ra taak akanon ra Tuhan; taak simbalui ti iono taak simbalui koson mambayar ra kalubatan.

AGAI 2:12

Amon ru mokoondo' sangulun ondo' nangalap ra sangkinis kual intor ra taak simbalui ondo' pinataak ra Tuhan, am inibit no minuli' ralalom ru liningkom ra sukub nano, kalupus raginio sukub nano nakakambong ra ruti' kapoam rorondo' inansak, kapoam wain, kapoam umau jaitun, kapoam akanon ra atan ayuk, ngaangai' no kia masauk ra matulai niayuk?” Paat i Agai nampasaboi ra pangkuatan no, taam imam-imam no, “Kalo.”

1 KORINTUS 10:18

Ilai' min ulun ru Jaudi: Ilo ondo' mangakan ra santayaran ru akanon ondo' pinabandai ra rasawat ru altar, makapagagapu am sumamba niayuk ri Aki Kapuuno'.

1 KORINTUS 9:13

Nakapandai kano ra ulun ondo' mangandoi ra Baloi Tuhan makaapu ra akanon intor ra pangandayan nano. Mogondo' niayuk ra ulun ondo' mapabandai ra taak simbalui ra altar, makasia' intor ra taak raginio.