IMAMAT 7:37 - Tanou Moonsoi Timugon

³⁷ Ginio noyo aturan ra taak simbalui koson mapabansuk ra guang ru Tuhan, taak simbalui koson paringkuanangan ra Tuhan, taak simbalui koson mangampun ra tula, taak simbalui koson mambayar ra kalubatan, taak simbalui ondo' pataakon paat ra patimpokon, am taak simbalui koson makibarakat ra Tuhan.

IMAMAT 7:37 ပူးပေါင်းရင်းမြစ်များ

KAINGKUALAN 29:1

“Gitio noyo ondo' matanda' muno baalon koson patimpokon i Arun am anak-anak nano maa' raginio makapangandoi Raki' ayuk koson ra imam. Alap ra sanginan anak sapi' gawayan am ruo ngainan anak domba gawayan ondo' kalo najamaran.

KAINGKUALAN 29:22

“Alapon lomok ru domba gawayan no, iku' ondo' mokolomok, lomok ru kalabuat, tampilon moonsoi kaga' ra angkayau, karuruo bubua' am lomok no, am niayuk paa ru domba ra pamiris.

IMAMAT 1:1

Intor ralalom ru Kim ru Tuhan, pampiau Tuhan ri Musa am pangani' riso ra aturan.

IMAMAT 5:7

Amon ru ulun makatula no kalo makapanaak ra sanginan domba kapoam kambing koson mamuli' ra tula nano, musiti' io mapataak ra Tuhan ra ruo ngainan susuit maningkuluuk kapoam ruo ngainan susuit asang: Sanginan tayar ra taak simbalui koson mangampun ra tula, am sanginan poyo tayar ra taak simbalui koson mapabansuk ra guang ru Tuhan.

IMAMAT 6:20

tayar ru patimpokon ra imam papag ri Arun. Paat ra orou ru sangulun imam patimpokon, musiti' io mapataak ra sakilogram tapung ondo' moonsoi kaga' (nogondo' suang no ra taak simbalui koson paringkuanangan, ondo' pataakon moonong orou) ra Tuhan, sampiruo no tampilon ra susuab ti am sampiruo no tampilon ra mai' ti.

IMAMAT 8:22

Kopongo raginio pagibit i Musa ra sanginan domba gawayan poyo tayar ru patimpokon ra imam, pabantaa' boo ri Arun am anak-anak nano kalindu' nilo ra rasawat ru ulu ru kambing no.

IMAMAT 8:23

Simbaluyo' ri Musa domba gawayan no. Pangalap io boo sanganu raraa' ru domba no am pakupilo' ra talingo pamiris ri Arun, am ra pangina' ru bubua' kalindu' ra pamiris nano, am niayuk ra pangina' ru bubua' kalayam ra pamiris nano.