IMAMAT 7:31 - Tanou Moonsoi Timugon

³¹ Musiti' lomok no solobon ru sangulun imam giu' ra rasawat ru altar, kaa' kubab ru bibiag no longgom ru imam-imam.

IMAMAT 7:31 ပူးပေါင်းရင်းမြစ်များ

KAINGKUALAN 29:26

“Alapon kubab ru domba gawayan no am pataakon Raki' koson taak paluntukon. Kubab ru domba gawayan no tayar muno.

IMAMAT 3:11

Imam ondo' mangandoi monolob ra ngaangai' no ra rasawat ru altar koson taak ra akanon ra Tuhan.

IMAMAT 3:16

Imam ondo' mangandoi monolob ra ngaangai' no rasawat ru altar. Owou ru taak ra akanon no mapabansuk ra guang ru Tuhan. Ngaangai' lomok ru bibiag iono tayar ru Tuhan.

IMAMAT 3:5

Imam-imam musiti' monolob ra ngaangai' no pabayaan ra taak simbalui ra bokon no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 5:13

Koson raginio noyo imam no mapataak ra taak simbalui koson mangampun ra tula ru ulun no, am ampunon boo ulun no ru Tuhan. Suwo ru tapung no imam noyo tatangan, koson ra taak simbalui koson paringkuanangan ra Tuhan.

IMAMAT 6:16

Suwo ru tapung no musiti' baalon ra ruti' kalo latakin ra ragi am akanon ru imam giu' ra intok mapasau, iono giu' ra liliut ru Kim ru Tuhan. Nanaak noyo Tuhan ra imam-imam ra ruti' no koson ra tayar nilo intor ra taak ra akanon. Taak simbalui ti matulai kaga', koson ra taak simbalui koson mangampun ra tula am taak simbalui koson mambayar ra kalubatan.

IMAMAT 6:26

Imam ondo' mapataak ra bibiag no musiti' mangakan raginio giu' ra intok ondo' mapasau, iono giu' ra liliut ru Kim ru Tuhan.

IMAMAT 7:34

Kubab am paa ra pamiris ru bibiag no iono taak lilion ondo' alapon ru Tuhan intor ra ulun Nano koson taakin ra imam-imam. Tayar ragitio noyo ondo' musiti' taakin ru ulun ru Israil ra imam ra sabuoi-buoi no.

IMAMAT 8:29

Kopongo raginio alap i Musa ra kubab ru domba no am pataako' no koson ra taak lilion ra Tuhan. Ginio noyo tayar ri Musa intor ra domba gawayan ondo' pataakon koson patimpokon ra imam. Nambaal i Musa ra ngaangai' no koson ra nanusuban ru Tuhan.

UNTABAN 18:11

Suai raginio, ngaangai' indangan luntukon ra bokon ondo' pinataak ru ulun ru Israil Raki' masauk ra okou tatangan. Pataakon Ku ngaangai' no rirun, anak-anak muno ungkuyon am ruandu'. Aturan ragitio masauk sabuoi-buoi no. Moonong sasambaloi muno ondo' kalo najamalan makaakan raginio.

UNTABAN 18:18

Okou tatangan ra kual ru taak no, nogondo' koson ra kubab am paa ra pamiris ru bibiag ondo' pinataak Raki' tayar ru taak luntukon.

1 KORINTUS 9:13

Nakapandai kano ra ulun ondo' mangandoi ra Baloi Tuhan makaapu ra akanon intor ra pangandayan nano. Mogondo' niayuk ra ulun ondo' mapabandai ra taak simbalui ra altar, makasia' intor ra taak raginio.

SAGULION 18:3

“Paat ra pataakon sapi' kapoam domba koson ra taak simbalui, am tampilon ra limbawo, bungul ru salura am tinai' ru bibiag no musiti' pataakon ra imam.