IMAMAT 7:26 - Tanou Moonsoi Timugon

²⁶ Ati ayuk ayanan ru ulun ru Israil, kalo toojo makaakan ilo ra raraa' ru susuit kapoam raraa' ru bibiag.

IMAMAT 7:26 ပူးပေါင်းရင်းမြစ်များ

KASAUKAN 9:4

Rondo' ayuk ondo' kalo maakan min, iono kual ondo' makararaa' ayuk poyo, sabap ra painawo no soroi ralalom ru raraa' no.

KAINGKUALAN 22:30

Pataako' Raki' anak ungkuyon kasaa' ru sapi' am domba min. Polosoon noyo anak ungkuyon ra kasaa' ru bibiag tinambiag no soroi ra indung nano buoi katuluan, am paat ra orou ra kabalu' pataako' Raki' anak ungkuyon ra kasaa' ru bibiag tinambiag no.

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?

IMAMAT 19:26

“Pai' akano' kual ondo' lakat poyo makararaa'. Pai' pambaal ra atan pana ilimu' sihir.

IMAMAT 3:17

Lomok kapoam raraa' kalo noyo toojo maakan ru ulun ru Israil. Aturan ragitio musiti' suguton ru ngaangai' ulun ru Israil ra sabuoi-buoi no, ra ati ayuk ayanan nilo.

IMAMAT 7:25

Ulun ondo' mangakan ra lomok intor ra bibiag ondo' pataakon koson taak akanon ra Tuhan, kalo boo karaan ra ulun ri Aki Kapuuno'.

IMAMAT 7:27

Osoi ayuk manggal ra aturan ti kalo boo karaan ra ulun ri Aki Kapuuno'.

JUANIS 6:53

Indagu i Jisus risilo, “Balain takamin toojo: Amon ru kalo mangakan kau ra inan ru Anak ru Ulun am manginum ra raraa' Nano, kalo totopot maayag kau.

RINALATAN 15:20

Kaa' tulisin takau ayuk ilo ra surat, koson kalo mangakan ilo ondo' majamol maya' ra kaulayan ru ugama, ioginio; akanon ondo' pinasulung ra sinungkalalaing, mangakan ra kual bibiag ondo' pinatoi sikako' kapoam mangakan ra raraa'; am niayuk minggalur intor ra baal pansasawaan.

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

SAGULION 12:16

Kaa' pai' pangakan ra raraa' ru bibiag no; sasari' raraa' no ra tana' koson ra timug.

SAGULION 12:23

Kaa' pai' pangakan ra kual ondo' lakat poyo makararaa', sabap painawo ru bibiag no soroi ralalom ru raraa' nano. Kalo makaakan kau ra painawo mabaya' ra kual.

SAGULION 15:23

Pai' pangakan ra raraa' ru kual no; pasasaro' noyo raraa' no ra tana' koson ra timug.”

1 TIMOTIUS 4:4

Ngaangai' ondo' sinauk ri Aki Kapuuno' no moonsoi am kolondo' ra rondo' kon malaat amon ru apuon mabaya' ra pakiasian ru paringkuanangan.