IMAMAT 7:21 - Tanou Moonsoi Timugon

²¹ Paat ra mangambong sasangulun no ra ondo' majamol, am mangakan boo ulun no ra kual ru bibiag ondo' pinataak noyo, kalo boo karaan ulun no ra ulun ri Aki Kapuuno'.

IMAMAT 7:21 ပူးပေါင်းရင်းမြစ်များ

KASAUKAN 17:14

Moonong ungkuyon ondo' kalo sinunatan, kalo masauk io ra ulun Kuno sabap kalo ginagaya' no nabantuan Kuno.”

KAINGKUALAN 12:15

Indagu Tuhan, “Buoi katuluan kalo makaakan kau ra ruti' linatakan ra ragi. Mangakan ayuk ra ruti' kalo linatakan ra ragi. Paat ra orou kasaa' musiti' kau mamatir ra ngaangai' ragi ondo' soroi ralalom baloi min. Amon ru mokoondo' sasangulun mangakan ra ruti' linatakan ra ragi buoi katuluan no, kalo boo karaan ulun no ra ulun Kuno.

KAINGKUALAN 12:19

Buoi katuluan, kalo paulion ragi ra baloi min, sabap ra osoi ayuk mangakan ra ruti' linatakan ra ragi, io no ulun bansa' ru bokon kapoam ulun ru Israil, kalo boo karaan io ra ulun Kuno.”

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?

YEHEZKIEL 4:14

Kaa' taam aku, “Pai' koon raginio, iou Tuhan Raja'! Kalo igondo' aku pampajaka' ra inan. Intor ra boborok kalo igondo' aku pangakan ra kual intor bibiag ondo' matoi toojo, kapoam kual intor ra bibiag ondo' sinaam ru bibiag masigo. Kalo igondo' aku pangakan ra akanon ondo' karaan ra ampangara'.”

IMAMAT 11:20

Ngaangai' bibiag mangalumot ondo' makakawo no majamol,

IMAMAT 12:1

Nanaak Tuhan ri Musa ra aturan ragitio

IMAMAT 17:10

Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

IMAMAT 17:14

Painawo ru moonong ondo' maayag soroi ra ralalom ru raraa' nano. Ginio sabap ra nambala' Tuhan ra ulun ru Israil ra kalo makaakan ilo ra raraa' ru atan pana ondo' maayag. Osoi ondo' mangakan ra raraa' kalo boo karaan ra ulun ri Aki Kapuuno'.

IMAMAT 18:29

Makapandai kau ra osoi ondo' mambaal ra baal jajajou no, kalo boo karaan ra ulun ri Aki Kapuuno'.

IMAMAT 19:8

Makasala osoi mangakan raginio, sabap ra binaal nano ra atan ondo' pinataak noyo Raki' no ra akanon toojo ayuk; kalo boo karaan ulun no ra ulun Kuno.

IMAMAT 20:3

Osoi ayuk mapataak ra sangulun intor ra anak nano ra Dewa Molok, mapajamol ra Kim Kuno am magasab ra inggalan Kuno ondo' matulai. Mangukum Aku riso am kalo boo karaan io ra ulun Kuno.

IMAMAT 22:3

Osoi ayuk intor ra papag mino, ondo' mapaat ra majamol, minggaar ra taak-taak simbalui ondo' pataakon ru ulun ru Israil palilion ayuk Raki', kalo boo pongondoyon io giu' ra altar. Aturan ragitio masauk ra sabuoi-buoi no. Aku noyo Tuhan.

IMAMAT 22:4

“Osoi ayuk intor ra papag ri Arun ondo' makamaruol ra kungkung ondo' maaja', kapoam makamaruol ra mologo saboi mingkual timug, kalo paakanon io ra atan pana intor ra taak simbalui ondo' palilion ayuk no, ra io kalo poyo potonowon ra mapasau. Sasangulun imam no majamol amon ru mangambong io ra ondo' majamol sabap ra natiu' ra baangkai, kapoam imam no mangingkual ra uwa',

IMAMAT 23:29

Osoi ayuk ondo' mangakan paat orou raginio kalo boo karaan ra ulun ri Aki Kapuuno'.

IMAMAT 7:20

Amon ru mangakan sasangulun ra kual no paat ra io majamol, kalo boo karaan io ra ulun ri Aki Kapuuno'.

IMAMAT 7:22

Nangani' Tuhan ri Musa ra aturan ragitio

IMAMAT 7:25

Ulun ondo' mangakan ra lomok intor ra bibiag ondo' pataakon koson taak akanon ra Tuhan, kalo boo karaan ra ulun ri Aki Kapuuno'.

IMAMAT 7:27

Osoi ayuk manggal ra aturan ti kalo boo karaan ra ulun ri Aki Kapuuno'.

UNTABAN 19:22

Atan ayuk ondo' kinambong ru sangulun ondo' majamol masauk ra majamol, am ulun bokon ondo' nangambong no niayuk masauk ra majamol saboi tumolop mato ru orou.

SAGULION 14:10

kaa' atan ayuk bibiag ondo' maayag ralalom timug am ondo' kolondo' kiwos am sisi', kalo maakan. Bibiag raginio majamol.

SAGULION 14:3

“Pai' pangakan ra atan-atan ondo' pinabala' ru Tuhan ra majamol.

1 SAMUIL 20:26

Paat ra orou raginio, kalo naguta' Raja' Saul ra baal raginio sabap ra nangkara' io, “Maaru' mokoondo' nasauk ri Daut, saboi nangkinibit riso majamol.”