IMAMAT 7:18 - Tanou Moonsoi Timugon

¹⁸ Amon ru sanganu pana intor ra suwo ru kual no akano' paat ra orou katalu, kalo apuon ri Aki Kapuuno' taak simbalui no. Kalo masauk taak simbalui no ra barakat ra ulun raginio, kaa' masauk ra kalo matulai. Osoi ayuk ondo' mangakan ra suwo ru kual no makasala am musiti' mansaan ra kinibit no.

IMAMAT 7:18 ပူးပေါင်းရင်းမြစ်များ

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

JISAYA 65:4

Bulintok ra rondom mongoi ilo ra luang ru batu am kalabangan koson makipinson ra ulun-ulun namagatoi no. Mangakan ilo ra kual ru bauwi am manginum ra ruu' ru kual ondo' pinataak ra sinungkalalaing.

JISAYA 66:3

Ulun raginio mambaal maya' ra kasagaan ru guang nilo. Pangkaraan nilo manimbalui ra sapi' gawayan nogondo' ayuk ra mampatoi ra ulun koson pataakon koson ra taak simbalui, mapataak ra anak domba kapoam mamandak ra liog ru uku', mapataak ra gandum kapoam raraa' ru bauwi; monolob ra kaminyan kapoam makiasi' ra sinungkalalaing. Masaga' ilo sumamba maya' ra ralan majamol kaga'.

JIRIMIA 14:10

Koon raginio noyo ragu ru Tuhan intor ra ulun raginio, “Masaga' ilo magiru' intor Raki' am marara' ilo magalung ra inan. Ginio ra kalo maansayan Aku risilo. Karaan ku kasalaan nilo, am mangukum risilo sabap ra tula nilo.”

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

YEHEZKIEL 18:20

Ulun ondo' makatula matoi. Sangulun anak kalo pana makinibitan ra tula ru ama' nano. Koon niayuk ra sangulun ama' kalo pana makinibitan ra tula ru anak nano. Sangulun ondo' moonsoi makapangapu ra balos moonsoi sabap ra kinoonsoi nano, am sangulun ondo' malaat makinibitan ru kalaatan nano.

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

IMAMAT 10:17

“Kua kia kalo inakan min taak simbalui koson mangampun ra tula no giu' ra intok ondo' matulai? Taak simbalui raginio matulai kaga' am nanaak noyo Tuhan raginio ramuyun maa' raginio ampunon tula ru ulun ru Israil no.

IMAMAT 10:19

Taam i Arun, “Amon ru inakan ku taak simbalui koson mangampun ra tula no ra orou raiti', mapabansuk kia ginio ra guang ru Tuhan? Napataak ulun ru Israil ra taak simbalui koson mangampun ra tula nilo ra Tuhan ra orou raiti', am niayuk nagibit ra taak simbalui koson mapabansuk ra guang ru Tuhan, kaa' baal ondo' makalalaa' ti nasauk raki'.”

IMAMAT 11:41

Kalo maakan mino bibiag mongoborok ondo' kaam-kaam ra tana',

IMAMAT 17:16

Amon ru kalo pupuin no bayang nano am kalo mariu', musiti' io mansaan ra sonor no.

IMAMAT 19:5

“Paat ra akau manimbalui ra bibiag tayar ru taak simbalui koson makibarakat ra Tuhan, gagayaa' noyo aturan ondo' tinaakan Kuno ramuyun, maa' raginio mangapu Aku ra taak mino.

IMAMAT 20:17

“Amon ru sangulun ungkuyon maguot ra pabukat ruandu' nano, ondo' kia pabukat ra rondo' ina' rondo' ama' kapoam pabukat ra pansukapu ondo' rondo' ama' suai ina' kapoam rondo' ina' suai ama', musiti' ilo karuruo no tauyuon ra saang ru ulun masuang am kalo boo karaan ra ulun ru Israil. Narulug noyo ungkuyon no ra pabukat ruandu' nano am musiti' magantung ra kinibit no.

IMAMAT 20:19

“Amon ru sangulun ungkuyon marulug ra kaminan nano, musiti' ilo ruo magantung ra kinibit no; baal raginio makauyuyu'.

IMAMAT 22:16

ra mangani' raginio ra ulun ondo' kalo maaya' mangakan no. Baal ragitio maparatong ra kasalaan am ukuman ra ulun ondo' mangakan raginio. Aku noyo Tuhan am Aku noyo napapasau ra taak simbalui no.”

IMAMAT 22:23

Akau makapapataak ra bibiag ondo' kalo matanda' baal no koson ra taak simbalui ondo' pataakon ra kalo kibayarin, kaa' taak simbalui ti kalo apuon koson ra taak simbalui manugut ra nazar.

IMAMAT 22:25

Pai' papataak ra atan ayuk bibiag tayar ru taak akanon, amon ru bibiag no noowot intor ra ulun bansa' ru bokon. Karaan bibiag no ra najamaran am kalo apuon.

IMAMAT 5:17

Amon ru osoi ayuk pana ra kalo singonon mambaal ra tula sabap ra manggal rondo' intor ra susuban ru Tuhan, makasala ulun no am musiti' io mansaan ra kinibit no.

IMAMAT 7:19

Kual ondo' nakatiu' ra atan ayuk ondo' majamol kalo maakan, kaa' musiti' solobon ngaangai' no. Ulun ondo' kalo majamol makaakan ra kual intor ra taak simbalui raginio.

AMOS 5:22

Paat ra akau mampataak ra taak simbalui koson mapabansuk ra guang ru Tuhan am taak simbalui koson ragu paringkuanangan Raki', kalo apuon Ku. Kalo apuon Ku bibiag tinambiag ondo' molomok, ondo' pataakon min koson ra taak simbalui koson makibarakat Raki'.

MALIAKI 1:10

Mindagu Tuhan Ondo' Maayo Kaga' Kuasa', “Moonsoi poyo sangulun intor ramuyun paangabin kulobon ru Baloi Kuno, sabap ra kolondo' onong min mampaang ra apui giu' ra rasawat ru altar Kuno. Kalo maansayan Aku ramuyun am marara' mangapu ra taak min.

MALIAKI 1:13

Kamin, ‘Nasuraan akai no ra ngaangai' ti’, am nagasab kau Raki'. Nagibit kau ra bibiag ondo' tinakou, ondo' kimpo', kapoam ondo' marualan koson pataakon raki'. Indoson min kia apuon Ku taak raginio?

UNTABAN 18:27

Indangan luntukon no karaan nogondo' ra taak ru gandum bagu am wain bagu ondo' pinataak ru ulun magitanom.

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

ROMA 4:11

Tauli i sinunatan io, am sunat ti tatandu' ra apuon io ri Aki Kapuuno' koson ra sangulun ondo' mobonsoi saguli' Riso sabap ra pangintapatan nali. Intor raginio io no koson ra ama' ru ngaangai' ulun ondo' mangintopot, am ondo' inapu koson ulun ondo' mobonsoi saguli' ri Aki Kapuuno', kabalu' pana kalo sinunatan ilo.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.