IMAMAT 7:14 - Tanou Moonsoi Timugon

¹⁴ Musiti' io mapataak ra santayaran intor ra moonong salinut ru ruti' no koson ra taak lilion ra Tuhan; ngaangai' ti masauk ra longgom ru imam ondo' mangalap ra raraa' ru bibiag no, am pawason no boo ginio ra altar.

IMAMAT 7:14 ပူးပေါင်းရင်းမြစ်များ

UNTABAN 18:19

Ngaangai' indangan luntukon ondo' pataakon ru ulun ru Israil Raki', pataakon Ku rirun, anak-anak muno ra ungkuyon am ruandu' ra sabuoi-buoi no. Nabantuan ti kalo maalap kasulang; binaal Ku noyo ginio rirun am papag muno.”

UNTABAN 31:41

Ginio ra nangani' i Musa ra taak indangan luntukon no ri Iliajar koson ra taak ra Tuhan, koson ra nanusuban ru Tuhan.

UNTABAN 31:29

Pataako' noyo ngaangai' no ra Imam Iliajar koson ra taak indangan ra luntukon Raki' Tuhan.

IMAMAT 6:26

Imam ondo' mapataak ra bibiag no musiti' mangakan raginio giu' ra intok ondo' mapasau, iono giu' ra liliut ru Kim ru Tuhan.

1 KORINTUS 10:18

Ilai' min ulun ru Jaudi: Ilo ondo' mangakan ra santayaran ru akanon ondo' pinabandai ra rasawat ru altar, makapagagapu am sumamba niayuk ri Aki Kapuuno'.

SAGULION 18:8

Io musiti' aniin ra akanon koson ra suang ru maapu ru imam-imam ra bokon, am io iowon mambuli ra atan ayuk ondo' atarin ru sasambaloi nano.”