IMAMAT 7:12 - Tanou Moonsoi Timugon

¹² Amon ru mapataak sasangulun no koson ra taak paringkuanangan ri Aki Kapuuno', musiti' io mapataak ra ruti' ondo' kalo linatakan ra ragi pabayaan ra bibiag ondo' pataakon no. Ruti' no kakapalon ayuk pana, ondo' baalon intor ra tapung latakin ra umau jaitun, kapoam ruti' malilis ondo' luitin ra umau jaitun, kapoam kuui ondo' baalon intor ra tapung ondo' latakin ra umau jaitun.

IMAMAT 7:12 ပူးပေါင်းရင်းမြစ်များ

2 TUNUNG RU BANSA' ISRAIL 29:31

Indagu Raja' Gijkia ra mamagun, “Raino inan min patimpokon noyo ra Tuhan, ginio ra pampataak kano ra taak simbalui ra paringkuanangan min ra Tuhan.” Ginagaya' nilo susuban no, am mokoondo' poyo intor risilo ondo' masaga' magibit ra bibiag-bibiag koson pataakon koson ra taak simbalui koson mapabansuk ra guang ru Tuhan.

2 TUNUNG RU BANSA' ISRAIL 33:16

Pinuna' ru Raja' Manasi altar intok sambayangan ra Tuhan, am nampataak ra taak simbalui koson makibarakat ra Tuhan am taak simbalui koson paringkuanangan ra giu' no. Sinusub no ngaangai' mamagun ru Jiuda maa' raginio sumambayang ra Tuhan, i Aki Kapuuno' ru Israil.

NIGIMIA 12:43

Paat ra orou raginio masuang taak simbalui pinataak ri Aki Kapuuno'. Naansukan mamagun sabap ri Aki Kapuuno' nambaal risilo naansukan. Bala ru ruandu' am lalaing niayuk minaya' naansukan, am bolos nilo morongog saboi ra maalur.

MAZMUR 107:8

Musiti' no maringkuanang ilo ra Tuhan sabap ra togom Nano ra mantilayun, am niayuk binaal Nano ra makaimuag koson risilo.

MAZMUR 116:17

Pataakon kuno Rirun taak simbalui ru paringkuanangan, liliwa' makiasi' Rirun.

MAZMUR 50:23

Ulun ondo' mapataak ra ragu paringkuanangan koson ra taak simbalui no koson mangurumat Raki', am ulun ondo' gumagaya' Raki' no bayagon Kuno.”

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

GOSIA 14:2

Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'.

IMAMAT 2:4

Amon ru taak no ruti' ondo' inansak ralalom ru oven, kalo latakin ruti' no ra ragi. Kakapalon pana ruti' no, baalon intor ra tapung moonsoi kaga' ondo' latakin ra umau jaitun, am kalilison pana ruti' no, ondo' luitin ra umau jaitun.

IMAMAT 2:5

Amon ru taak no ruti' ondo' inandab ra intok panguuban, musiti' baalon intor ra tapung moonsoi kaga' ondo' latakin ra umau jaitun kaa' kalo latakin ra ragi.

IMAMAT 22:29

Paat ra akau mapataak ra taak simbalui koson paringkuanangan ra Tuhan, bayaa' noyo aturan no maa' raginio apuon taak simbalui mino.

IMAMAT 6:16

Suwo ru tapung no musiti' baalon ra ruti' kalo latakin ra ragi am akanon ru imam giu' ra intok mapasau, iono giu' ra liliut ru Kim ru Tuhan. Nanaak noyo Tuhan ra imam-imam ra ruti' no koson ra tayar nilo intor ra taak ra akanon. Taak simbalui ti matulai kaga', koson ra taak simbalui koson mangampun ra tula am taak simbalui koson mambayar ra kalubatan.

IMAMAT 7:15

Kual no musiti' akanon paat ra orou papataakan ra bibiag no; kalo patatangon sanganu pana saboi ra suabon no.

AMOS 4:5

Pampataak no ra ruti' koson ra taak paringkuanangan ri Aki Kapuuno', am ragu minsawat intor ra pataakon ra pinaruang ondo' ibiton min! Binaal koson raginio noyo ondo' masaga' min baalon.

UNTABAN 6:15

Musiti' io niayuk mapataak ra sambakul ruti' kalo linatakan ra ragi: Ruti' makapal ondo' linatakan ra umau jaitun, am ruti' malilis ondo' linuitan ra umau jaitun. Musiti' io niayuk mapataak ra taak simbalui koson paringkuanangan am taak simbalui wain, koson ra ondo' inaru' noyo.

LUKAS 17:16

Igulatur io ra tuma' ru kalayam ri Jisus am naringkuanang io. Ulun io ru Samaria.

LUKAS 17:18

Kua ulun bansa' ru bokon ti ayuk siminaguli' mongompor ri Aki Kapuuno'?”

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

IPISUS 5:20

Ra pasimpungan min ri Tuhan Jisus Kristus, kasalok kano maringkuanang ri Aki Kapuuno', Ama' takau, ra ngaangai' ru atan ayuk.

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.