IMAMAT 6:26 - Tanou Moonsoi Timugon

²⁶ Imam ondo' mapataak ra bibiag no musiti' mangakan raginio giu' ra intok ondo' mapasau, iono giu' ra liliut ru Kim ru Tuhan.

IMAMAT 6:26 ပူးပေါင်းရင်းမြစ်များ

KAINGKUALAN 40:33

Patakino' ri Musa insor ra liput ru Kim ru Tuhan am altar no, am niayuk patairo' tabir ra kulobon ru insor. Koson raginio noyo pinongo ri Musa ngaangai' kandoi raginio.

YEHEZKIEL 42:13

Indagu ungkuyon no raki', “Karuruo baloi maayo no mapasau. Giti noyo intok ru imam-imam tumingkuang ra Tuhan mangakan ra taak ondo' matulai kaga'. Ginio sabap ra lamin-lamin no matulai, pabantaan ru imam-imam taak ondo' matulai kaga' ra giu' no: taak simbalui koson paringkuanangan ra Tuhan, taak simbalui koson makiampun ra tula, am taak simbalui koson mambayar ra kalubatan.

YEHEZKIEL 46:20

am indagu raki', “Gitio noyo intok tayar ru imam-imam no mantanok ra kual intor ra taak simbalui koson mamuso ra tula am taak simbalui koson mambayar ra kalubatan. Panggangon niayuk ru imam taak simbalui ra unor-unor ra rapuan-rapuan ragitio. Koson raginio noyo taak-taak simbalui ondo' mapasau no kalo ibiton ra liliut ra liwar saboi makajamar ra mamagun.”

GOSIA 4:8

Masauk kau ra langkaya' sabap ra tula ru ulun Kuno, am ginio ra akau masaga' risilo rumayus makatula.

IMAMAT 6:16

Suwo ru tapung no musiti' baalon ra ruti' kalo latakin ra ragi am akanon ru imam giu' ra intok mapasau, iono giu' ra liliut ru Kim ru Tuhan. Nanaak noyo Tuhan ra imam-imam ra ruti' no koson ra tayar nilo intor ra taak ra akanon. Taak simbalui ti matulai kaga', koson ra taak simbalui koson mangampun ra tula am taak simbalui koson mambayar ra kalubatan.

IMAMAT 6:29

Moonong ungkuyon intor ra sasambaloi ru imam paakanon ra taak simbalui ti; taak simbalui ti matulai kaga'.

IMAMAT 7:7

Aturan ondo' nogondo' masauk ra taak simbalui koson mangampun ra tula am taak simbalui koson mambayar ra kalubatan: Kual ru bibiag no masauk ra longgom ru imam ondo' mapataak ra taak simbalui no.

1 KORINTUS 9:13

Nakapandai kano ra ulun ondo' mangandoi ra Baloi Tuhan makaapu ra akanon intor ra pangandayan nano. Mogondo' niayuk ra ulun ondo' mapabandai ra taak simbalui ra altar, makasia' intor ra taak raginio.