IMAMAT 6:22 - Tanou Moonsoi Timugon

²² Koson kalo boo lalanggain, taak simbalui ti musiti' pataakon ru moonong papag ri Arun ondo' masauk ra Tingganai Maayo Imam. Taak simbalui ti musiti' solobon ngaangai' koson taak ra Tuhan.

IMAMAT 6:22 ပူးပေါင်းရင်းမြစ်များ

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

GOSIA 4:8

Masauk kau ra langkaya' sabap ra tula ru ulun Kuno, am ginio ra akau masaga' risilo rumayus makatula.

IMAMAT 3:17

Lomok kapoam raraa' kalo noyo toojo maakan ru ulun ru Israil. Aturan ragitio musiti' suguton ru ngaangai' ulun ru Israil ra sabuoi-buoi no, ra ati ayuk ayanan nilo.

IMAMAT 4:24

Musiti' io mapabanta' ra kalindu' nano ra rasawat ru ulu ru kambing no, am simbaluyon boo ginio ra tampilon ralayo ru altar, giu' ra intok panimbaluyan ra bibiag tayar ru taak simbalui koson mapabansuk ra guang ru Tuhan. Gitio noyo taak simbalui koson mangampun ra tula.

IMAMAT 4:3

Amon ru makatula Tingganai Maayo Imam, saboi mangkinibit ra ngaangai' ulun ru Israil makasala, musiti' io mapataak ra Tuhan ra sanginan sapi' gawayan mamulok ondo' kalo najamaran no, maa' raginio ampunon tula nano.

IMAMAT 6:10

Musiti' boo imam ondo' nambayang ra sukub am nansaluar mariwa' intor ra linon no mangalap ra kaau mokolomok ondo' soroi giu' ra altar no, am pabantaan no ra kiing ru altar no.

IMAMAT 6:11

Kopongo raginio musiti' imam no mangalig ra binayang nano am magibit ra kaau mongoi ra liwar ru pangkiman, giu' ra intok ondo' timpok ru kaau no.

IMAMAT 6:21

Tapung no musiti' latakin ra umau am ansakon ra pamanggangan, pipilangon am pataakon tayar ra taak simbalui koson paringkuanangan ra Tuhan. Owou ru taak simbalui no mapabansuk ra guang ru Tuhan.

IMAMAT 6:23

Sanganu pana intor ra taak simbalui koson paringkuanangan ra Tuhan, ondo' pataakon ru imam kalo maakan; musiti' solobon ngaangai' no.

SAGULION 10:6

Iniruanan ru ulun ru Israil tulubong ru ulun longgom ru Jaakan, am ongoi ra Mosira. Giu' ra Mosira, pinatayan am nampalabangan ri Arun, am anak nano i Iliajar minalit riso ra Imam.

IBRANI 7:23

Mokoondo' rondo' baal poyo: ra galing i masuang noyo imam, kaa' kalo nakapanunggul ilo ra kandoi nilono sabap ra minatoi ilo ngai'.