IMAMAT 6:2 - Tanou Moonsoi Timugon

^2-3 Amon ru makatula sasangulun ra Tuhan sabap ra marara' mapasaguli' ra kuliamos ondo' pinabulian riso ru ulun gino ngai' ru Israil, kapoam sabap ra namparuung ra ulun, kapoam nantakou ra kuliamos ru ulun no, kapoam sabap ra nagibot ra kalo nakatuum ra kuliamos ondo' natatak, musiti' ulun no mapataak ra taak simbalui ra Tuhan.

IMAMAT 6:2 ပူးပေါင်းရင်းမြစ်များ

KASAUKAN 26:7

Paat ra mangkuot mamagun ru Girar riso intor ri Ribika, taamon ri Isak ra boborok ruandu' nano. Marara' io mambala' ra i Ribika andu' nano, sabap ra malaa' io potoyon ru ulun koson mangalap ri Ribika ondo' mantalur kaga' no.

MAZMUR 51:4

Bagui' aku no intor ra ngaangai' kalaatan kuno, am liungi' aku no intor ra tula kuno.

AMSAL 24:28

Pai' sauk mantalinono' ra sasangulun amon kolondo' panguyatan ra motopot, kapoam manimbaal riso.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JISAYA 24:16

Intor ra pagun-pagun maalur kaga' maining rimbai pangamparan ri Aki Kapuuno' Ondo' Matimpok Kaga'. Kaa' aku galama' kolondo' kalansanan! Maimbolo' aku! Ulun-ulun mangalaat no rayusin nilo lumaat raki'; kalaatan nilono najanjayan kaga'.

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

JIRIMIA 9:5

Ngaangai' ilo mamparuung ra rangan, kolondo' sangulun pana mindagu ra motopot. Maindalom ilo mindagu ra magabau, marara' ilo lumonggo' mambaal ra tula. Puka' rayusin ra puka', ruung rayusin ra ruung, rayusin baalon. Minindagu Tuhan ra ulun Nano marara' mulig Riso.

YEHEZKIEL 40:46

am lamin ondo' tumingkuang ra ralayo tinampos ra tayar ru imam-imam ondo' mangandoi giu' ra altar. Ngaangai' ru imam no papag ri Jadok. Intor ilo ra bansa' ru Liwi am ilo ayuk ondo' iowon muma' ra Tuhan koson mangandoi Riso.

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 19:11

“Pai' pantakou ra atan pana; pai' pamparuung ra osoi pana; pai' pagabau.

IMAMAT 5:15

Amon ru kalo singonon ru sasangulun mambaal ra tula sabap ra kalo nakasugut manaak ra tayar ra taak ondo' inaru' ra tayar ru Tuhan, musiti' ulun no magibit ra taak simbalui koson mambayar ra kalubatan ra Tuhan. Taak simbalui no musiti' sanginan domba gawayan kapoam sanginan kambing gawayan ondo' kalo najamaran. Logo no musiti' maya' ayuk ra logo ondo' inaru' giu' ra Kim ru Tuhan.

IMAMAT 5:19

Gitio noyo taak simbalui koson mambayar ra kalubatan ra tayar ru tula ondo' binaal nano ra Tuhan.

IMAMAT 6:1

Nangani' Tuhan ri Musa ra aturan ragitio.

AMOS 8:5

Kamin, “Sanggilan kia maampus orou pangiantakan maa' raginio makapantalan takau poyo ra gandum? Mabuoi kaga' pangiantakan ti. Sanggilan kia sailan ru orou Sabat maa' raginio makapantalan takapo? Itakau pana makitaak ra masawat toojo logo. Pakayon takau panuku' am timbangan ondo' kalo motopot koson mamparuung ra ulun mambali.

ABAKUK 1:13

Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

RINALATAN 5:4

Tana' i okou tatangan ra kalo poyo natalan. Katalan mu raiti, ruit i pana lakat ayuk poyo okou tatangan. Kua kasaga' kou mambaal raginio? Sala' ka ulun inabawan muni, kaa' i Aki Kapuuno'!”

IPISUS 4:25

Pai' kano boo pagabau! Musiti' kau mindagu ra motopot ra rondo' am bokon, sabap ra itakau ngaangai' ti makatayar noyo ra inan ri Kristus.

KOLOSI 3:9

Ginio boo ra pai' kau pagabau ra rondo' am bokon sabap ra kaayagan am paliso nakalair min i iniruanan min noyo.

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.