IMAMAT 6:13 - Tanou Moonsoi Timugon

¹³ Apui no musiti' mararayus mapaang ra rasawat ru altar am kalo malasa'.

IMAMAT 6:13 ပူးပေါင်းရင်းမြစ်များ

KAINGKUALAN 29:1

“Gitio noyo ondo' matanda' muno baalon koson patimpokon i Arun am anak-anak nano maa' raginio makapangandoi Raki' ayuk koson ra imam. Alap ra sanginan anak sapi' gawayan am ruo ngainan anak domba gawayan ondo' kalo najamaran.

KAINGKUALAN 29:2

Alap ra tapung ondo' moonsoi kaga', kaa' kolondo' ragi, pambaal noyo ra ruti'. Santayaran ra ruti' no baalon latakin ra umau jaitun, am santayaran poyo kolondo' ra umau jaitun, am santayaran poyo baalon ra ruti' malilis ondo' kupilin ra umau.

KAINGKUALAN 29:40

Pabayaan ra anak domba ondo' kasaa', pataakon sakilogram tapung gandum ra moonsoi kaga', ondo' linatakan ra salito umau jaitun kopoyo. Pasasaron salito wain koson ra taak.

JISAYA 31:9

Raja' nilono magiru' ra malaa', am nasuangan tingganai ru saujor nilono malaa' kaga' saboi bandira' ru pangayawan tinatang nilo.” Tuhan minindagu – Tuhan ondo' sambaan am urumaton am monolob ra taak simbalui giu' ra Jirusalim.

YEHEZKIEL 40:46

am lamin ondo' tumingkuang ra ralayo tinampos ra tayar ru imam-imam ondo' mangandoi giu' ra altar. Ngaangai' ru imam no papag ri Jadok. Intor ilo ra bansa' ru Liwi am ilo ayuk ondo' iowon muma' ra Tuhan koson mangandoi Riso.

IMAMAT 6:12

Apui giu' ra rasawat ru altar no musiti' mararayus mapaang am kalo malasa'. Moonong ra susuab ti imam musiti' mapatampak ra luton giu' ra rasawat ru altar, mapatampak ra taak simbalui koson mapabansuk ra guang ru Tuhan giu' ra rasawat ru altar, am monolob ra lomok intor ra taak simbalui koson makibarakat ra Tuhan.

IMAMAT 6:14

Gitio noyo aturan intor ra taak simbalui koson paringkuanangan ra Tuhan. Musiti' sangulun imam papag ri Arun no mapataak ra taak simbalui no giu' ra saang ru altar.

IMAMAT 6:9

maa' raginio manaak ri Arun am anak-anak nano ra aturan ragitio intor ra taak simbalui koson mapabansuk ra guang ru Tuhan. Taak raginio musiti' patatangon ra rasawat ru altar buoi sorondom, am apui no musiti' marayus ayuk mapaang.

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.