2 Amon ru kalo singonon ru sasangulun mangambong ra rorondo' ondo' majamol, koson ra baangkai ru bibiag, masauk io ra majamol am makasala ra natutunan no ayuk binaal nano.
Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.
Amon ru osoi ayuk pana ra kalo singonon mambaal ra tula sabap ra manggal rondo' intor ra susuban ru Tuhan, makasala ulun no am musiti' io mansaan ra kinibit no.
Paat ra mangambong sasangulun no ra ondo' majamol, am mangakan boo ulun no ra kual ru bibiag ondo' pinataak noyo, kalo boo karaan ulun no ra ulun ri Aki Kapuuno'.
Kopongo raginio pangkuot poyo i Agai, “Amon ru mokoondo' ulun ondo' majamol sabap ra nangambong io ra baangkai, kalupus raginio nangambong rondo' intor ra akanon no, majamol kia poyo akanon no?” Taam imam-imam no, “Iou.”
Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.