IMAMAT 5:12 - Tanou Moonsoi Timugon

¹² Musiti' ulun no magibit ra tapung no ra imam. Mangalap boo imam no sogonggom ra tapung no am solobon no ra rasawat ru altar koson ra taak ra akanon; gitio tatandu' no ra ngaangai' ru tapung no pinataak noyo ra Tuhan. Taak raginio noyo taak simbalui koson mangampun ra tula.

IMAMAT 5:12 ပူးပေါင်းရင်းမြစ်များ

IMAMAT 4:35

Musiti' io mapasuai boo ra ngaangai' lomok ru domba no, koson ra io napasuai ra lomok ru domba ondo' sinimbalui tayar ru taak simbalui koson makibarakat ra Tuhan. Musiti' io monolob ra lomok no ra rasawat ru altar pabayaan ra taak ra akanon ondo' pataakon ra Tuhan. Ginio noyo ralan ru imam mapataak ra taak simbalui koson mangampun ra tula ru ulun no, am ampunon boo ulun no ru Tuhan.

IMAMAT 2:9

Mangalap imam no ra santayaran ra ruti' no, am solobon no ra rasawat ru altar koson tatandu' ra pinataak noyo ngaangai' no ra Tuhan. Owou ru taak ra akanon no mapabansuk ra guang ru Tuhan.

IMAMAT 2:2

Ulun no musiti' magibit ra taak nano ra imam-imam papag ri Arun. Imam ondo' mapataak ra taak simbalui no musiti' mangalap ra sogonggom tapung am niayuk umau no am ngaangai' kaminyan no, am solobon ngaangai' no ra rasawat ru altar koson tatandu' ra kasalingai' no pinataak noyo ra Tuhan. Owou ru taak ra akanon no mapabansuk ra guang ru Tuhan.

IPISUS 5:2

Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.

RINALATAN 10:4

Nalaa' i Konilius am nonontong ra malaikat indagu io, “Kua guat, tuan?” Taam malaikat i, “Ngaangai' pakiasian am indangan muno ra ulun musikin i naapu noyo ri Aki Kapuuno' am tumaam io rirun.

UNTABAN 5:26

Mopongo raginio imam no musiti' mangalap ra sogonggom tapung no koson tatandu' ra ngaangai' no pataakon, am solobon ginio giu' rasawat ru altar. Pupus no, imam no musiti' manusub ra ruandu' no manginum ra timug no.

IMAMAT 6:15

Musiti' imam no mangalap ra sogonggom tapung mabaya' ra umau, am ngaangai' kaminyan no, am solobon boo ngaangai' no ra rasawat ru altar koson tatandu' ra ngaangai' no pinataak noyo ra Tuhan. Owou ru taak simbalui no mapabansuk ra guang ru Tuhan.

IMAMAT 3:11

Imam ondo' mangandoi monolob ra ngaangai' no ra rasawat ru altar koson taak ra akanon ra Tuhan.

IMAMAT 3:4

angkawa' pabayaan ra lomok no, am niayuk tayar moonsoi kaga' intor ra angkayau ru sapi' no.

IMAMAT 2:16

Solobon ru imam santayaran ra tapung am umau jaitun, am niayuk ngaangai' kaminyan no, koson tatandu' ra ngaangai' no pinataak noyo koson taak ra akanon ra Tuhan.

IMAMAT 1:17

Susuit no musiti' binsangon ra puun ru kawo, kaa' kalo pandakon kawo no. Musiti' boo solobon susuit no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 1:13

Musiti' ulun no mambagu' ra kalabuat am paa ru bibiag no. Musiti' imam-imam boo mapataak ra ngaangai' taak simbalui no ra Tuhan, am niayuk ngaangai' no solobon ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 1:9

Ulun no musiti' mambagu' ra kalabuat am paa ru sapi' no, am ngaangai' taak simbalui no musiti' solobon ru imam ondo' mangandoi no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 5:11

Amon ru ulun makatula no kalo makapanaak ra ruo ngainan susuit maningkuluuk kapoam ruo ngainan susuit asang, musiti' io mapataak ra sakilogram tapung koson ra taak simbalui koson mangampun ra tula. Kalo latakin tapung no ra umau jaitun kapoam kaminyan sabap taak simbalui no iono taak simbalui koson mangampun ra tula am sala' ka taak simbalui koson paringkuanangan.

IMAMAT 5:13

Koson raginio noyo imam no mapataak ra taak simbalui koson mangampun ra tula ru ulun no, am ampunon boo ulun no ru Tuhan. Suwo ru tapung no imam noyo tatangan, koson ra taak simbalui koson paringkuanangan ra Tuhan.