IMAMAT 5:11 - Tanou Moonsoi Timugon

¹¹ Amon ru ulun makatula no kalo makapanaak ra ruo ngainan susuit maningkuluuk kapoam ruo ngainan susuit asang, musiti' io mapataak ra sakilogram tapung koson ra taak simbalui koson mangampun ra tula. Kalo latakin tapung no ra umau jaitun kapoam kaminyan sabap taak simbalui no iono taak simbalui koson mangampun ra tula am sala' ka taak simbalui koson paringkuanangan.

IMAMAT 5:11 ပူးပေါင်းရင်းမြစ်များ

KAINGKUALAN 16:18

Pakapaat ra ilo manuku', mapandayan ra ulun ondo' nanimung masuang kalo nasailan, am ulun ondo' nanimung koborok kalo tupo nairuruan. Moonong ulun nanimung ra kinasuang ru kaukapan nano.

KAINGKUALAN 16:36

Tukuan ru kuliamos mapua' ondo' kaindalaman pinakai ru ulun paat ragili, makasuang ruo ngoopor ngalito.)

IMAMAT 1:14

Amon ru mapataak ulun no ra sanginan susuit koson ra taak simbalui koson mapabansuk ra guang ru Tuhan, musiti' susuit maningkuluuk kapoam susuit asang ra mamulok.

IMAMAT 12:8

Amon ru kalo makabali ruandu' no ra sanginan anak domba, musiti' io magibit ruo ngainan susuit asang kapoam susuit maningkuluuk, sanginan tayar ra taak simbalui koson mapabansuk ra guang ru Tuhan, am sanginan poyo tayar ra taak simbalui koson mangampun ra tula. Paugaron boo ru imam upacara mamuso ra jamol nano. Mopongo raginio bagu no mapasau ruandu' no.

IMAMAT 14:21

Amon ru musikin ulun no am kalo makapanaak ra taak ondo' inaru', tayar ru pamasawan riso no makapapataak io ra sanginan ayuk anak domba gawayan tayar ru taak mambayar ra kalubatan, iono taak lilion ra Tuhan. Polosoon ulun no magibit ra sakilogram ayuk tapung moonsoi kaga' ondo' naratok ra umau jaitun, am sampitalu ngalito umau jaitun tayar ru taak paringkuanangan ra Tuhan.

IMAMAT 27:8

Amon ru ulun ra mokoondo' gogoton no kalo makabayar ra logo ondo' inaru', musiti' io magibit ra ulun ondo' pataakon ra Tuhan no ra imam, am imam no mapatuun ra logo maya' ra mabayaran ru ulun no.

IMAMAT 5:12

Musiti' ulun no magibit ra tapung no ra imam. Mangalap boo imam no sogonggom ra tapung no am solobon no ra rasawat ru altar koson ra taak ra akanon; gitio tatandu' no ra ngaangai' ru tapung no pinataak noyo ra Tuhan. Taak raginio noyo taak simbalui koson mangampun ra tula.

IMAMAT 5:6

Koson ra ukuman ru tula nano, musiti' ulun no mapataak ra Tuhan ra sanginan domba ruandu' kapoam kambing ruandu'. Musiti' imam mapataak ra taak simbalui no koson mangampun ra tula ru ulun no.

IMAMAT 5:9

Santayaran ra raraa' ru susuit no musiti' patakison boo ra sapapa' ru altar. Suwo ru raraa' no musiti' boo pawason ra ragana' ru altar. Taak simbalui ti iono taak simbalui koson mangampun ra tula.

IMAMAT 6:20

tayar ru patimpokon ra imam papag ri Arun. Paat ra orou ru sangulun imam patimpokon, musiti' io mapataak ra sakilogram tapung ondo' moonsoi kaga' (nogondo' suang no ra taak simbalui koson paringkuanangan, ondo' pataakon moonong orou) ra Tuhan, sampiruo no tampilon ra susuab ti am sampiruo no tampilon ra mai' ti.

UNTABAN 5:15

Ralalom ru karuo-ruo baal raginio, ralaki no musiti' magibit ra andu' nano ra imam. Ralaki no musiti' magibit ra taak ondo' inaru': Sakilogram tapung barli, kaa' kalo linatakan ra umau jaitun kapoam kaminyan sabap ra taak no intor ra ralaki ondo' manantam, am pataakon ra mambala' ra baal ondo' motopot.

LUKAS 2:24

Nangani' ilo niayuk ra taak simbalui koson inaru' ra Ukum ru Tuhan, ioginio santuop susuit maningkuluuk kapoam ruo ngainan susuit asang ondo' mamulok.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IBRANI 9:22

Sumugut ra Ukum ri Musa, maar ngaangai' no takisin ra raraa' koson impasawin; tula ru ulun kalo ampunon amon ru kolondo' raraa' pasasaron.