Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IMAMAT 4:35 - Tanou Moonsoi Timugon

35 Musiti' io mapasuai boo ra ngaangai' lomok ru domba no, koson ra io napasuai ra lomok ru domba ondo' sinimbalui tayar ru taak simbalui koson makibarakat ra Tuhan. Musiti' io monolob ra lomok no ra rasawat ru altar pabayaan ra taak ra akanon ondo' pataakon ra Tuhan. Ginio noyo ralan ru imam mapataak ra taak simbalui koson mangampun ra tula ru ulun no, am ampunon boo ulun no ru Tuhan.

အခန်းကိုကြည့်ပါ။ ကော်ပီ




IMAMAT 4:35
40 ပူးပေါင်းရင်းမြစ်များ  

Amon ru kalo makabali ruandu' no ra sanginan anak domba, musiti' io magibit ruo ngainan susuit asang kapoam susuit maningkuluuk, sanginan tayar ra taak simbalui koson mapabansuk ra guang ru Tuhan, am sanginan poyo tayar ra taak simbalui koson mangampun ra tula. Paugaron boo ru imam upacara mamuso ra jamol nano. Mopongo raginio bagu no mapasau ruandu' no.


Paluiton boo ru imam suwo ru umau ra palar ru kalindu' nano ra ulu ru ulun no. Kon raginii noyo imam no ra mapaugar ra upacara pamasawan.


Musiti' no palabuson boo susuit ondo' biag no giu' ra liwar ru bandar, giu' ra tana' malimparang. Kon ragitio noyo imam no nambaal ra upacara pamasawan ra baloi no, am mapasau boo baloi no.


Mapataak imam ra sanginan intor ra susuit no koson taak simbalui koson mangampun ra tula am sanginan poyo koson ra taak simbalui koson mapabansuk ra guang ru Tuhan. Kon ragitio noyo imam mambaal ra upacara pamasawan tayar ru ulun no ra saang ru Tuhan.


Mapataak imam ra domba no ralalom upacara pamasawan koson mamuso ra tula ru ulun no, am mangampun i Aki Kapuuno' riso.


Baal pinamakuan no ra sapi' no nogondo' koson ra pinamakuan no ra sapi' gawayan tayar ru taak simbalui koson mangampun ra tula. Koson ragitio noyo Tingganai Maayo Imam no mapataak ra taak simbalui tayar ru tula ru ngaangai' ulun, am ampunon ilo boo ru Tuhan.


Musiti' io monolob ra ngaangai' lomok ru kambing no giu' ra rasawat ru altar, koson ra io monolob ra lomok ru bibiag ondo' simbaluyon tayar ru taak simbalui koson makibarakat ra Tuhan. Koon raginio ralan ru imam mapataak ra taak simbalui koson mangampun ra tula ru sangulun tingganai, am ampunon boo tingganai no ru Tuhan.


Kopongo raginio mapataak boo imam no ra sanginan poyo ra susuit no koson taak simbalui koson mapabansuk ra guang ru Tuhan, sumugut ra aturan. Koon raginio noyo mapataak imam no ra taak simbalui koson mangampun ra tula ru ulun no, maa' raginio ampunon boo ulun no ru Tuhan.


Koson raginio noyo imam no mapataak ra taak simbalui koson mangampun ra tula ru ulun no, am ampunon boo ulun no ru Tuhan. Suwo ru tapung no imam noyo tatangan, koson ra taak simbalui koson paringkuanangan ra Tuhan.


Koson ra ukuman ru tula nano, musiti' ulun no mapataak ra Tuhan ra sanginan domba ruandu' kapoam kambing ruandu'. Musiti' imam mapataak ra taak simbalui no koson mangampun ra tula ru ulun no.


Musiti' imam no mapataak ra taak simbalui koson mangampun ra tula ru ulun no, am ampunon boo ulun no ru Tuhan.


Indagu i Musa ri Arun, “Ongoi no ra altar am papataak ra taak simbalui koson mangampun ra tula am taak simbalui koson mapabansuk ra guang ru Tuhan, maa' raginio ampunon tula muno am tula ru ngaangai' ulun ti ru Tuhan. Baalo' gitio koson ra nanusuban ru Tuhan.”


Mapaugar imam ra upacara pamasawan tayar ru ulun. Koson raginio noyo ilo ampunon sabap ra kasalaan raginio binaal ra kalo siningon, am taak simbalui koson mangampun ra tula tayar ru taak akanon pinataak noyo ra Tuhan.


Imam musiti' mapaugar ra upacara pamasawan giu' ra altar maa' raginio kapasawon ulun no intor ra tula nano am ampunon io.


Pinupusan noyo ri Kristus Ukum ri Musa, maa' raginio osoi ayuk mangintopot Riso, io no pobonsoyon saguli' ri Aki Kapuuno'.


Ginio ra i Jisus no pinataak ra potoyon sabap ra tula takau, am binayag Io saguli' koson itakau mobonsoi saguli' ri Aki Kapuuno'.


Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.


Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.


Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.


Ralalom ru Anak ti noyo itakau pinalabus; ioginio naampun noyo tula takau.


Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.


Ginio sabap ra pirot takau poyo gumuut ra pangintapatan ondo' pinatanou takau. Sabap ra mokoondo' takau sangulun Tingganai Maayo Imam ondo' makakuasa' am ondo' nakasuku' noyo ra intok ri Aki Kapuuno', io no i Jisus Kristus, Anak ri Aki Kapuuno'.


I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.


Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.


Kalo noyo igondo' Io makatula am kolondo' sangulun pana nakaili' nokorongog ra magabau Io.


I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.


Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.


Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.


I Jisus galama' pabansayan ra tula takau. Sala' ka tula takau ayuk, kaa' tula ru ngaangai' ulun.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ