IMAMAT 4:3 - Tanou Moonsoi Timugon

³ Amon ru makatula Tingganai Maayo Imam, saboi mangkinibit ra ngaangai' ulun ru Israil makasala, musiti' io mapataak ra Tuhan ra sanginan sapi' gawayan mamulok ondo' kalo najamaran no, maa' raginio ampunon tula nano.

IMAMAT 4:3 ပူးပေါင်းရင်းမြစ်များ

2 TUNUNG RU BANSA' ISRAIL 29:21

Koson ra taak koson mamuso ra tula ru sasambaloi ru raja' am niayuk tula ru mamagun ru Jiuda, am koson mamasau ra Baloi ru Tuhan, nagibit ilo tulu' ngainan sapi' gawayan, tulu' ngainan domba gawayan, tulu' ngainan anak domba, am tulu' ngainan kambing gawayan. Nanusub raja' ra imam-imam papag ri Arun mampataak ra ngaangai' bibiag no koson ra taak simbalui giu' ra rasawat ru altar.

IJRA 8:35

Paat ra orou raginio niayuk, ngaangai' ulun ondo' minuli' intor ra pamatiran, nampataak ra taak simbalui koson mapabansuk ra guang ru Tuhan, i Aki Kapuuno' ru Israil. Nampataak ilo ra 12 ngainan sapi' gawayan ra tayar ru ngaangai' ulun ru Israil, 96 ngainan domba gawayan am 77 ngainan anak domba. Nampataak ilo niayuk ra 12 ngainan kambing ra tayar ru taak simbalui koson mangampun ra tula nilo galama'. Ngaangai' bibiag no sinolob koson ra taak simbalui koson ra Tuhan.

KAINGKUALAN 29:14

Kaa' kual, kungkung am tinai' ru sapi' gawayan no solobon ra liwar ru pangkiman. Ginio noyo taak ra sinimbalui koson pangampunan ra tula ru imam-imam.

KAINGKUALAN 29:21

Alapon koborok raraa' ondo' rasawat ru altar am koborok umau ru upacara, am patakison ngaangai' no ri Arun am bayang nano, am niayuk ra anak-anak nano am ra bayang nilo. Gitio ralan ra i Arun, anak-anak nano am bayang nilo patimpokon Raki'.

KAINGKUALAN 29:7

Mopongo ginio alapon umau ru upacara am pasasaron ra rasawat ru ulu nano ra koson patimpokon io.

KAINGKUALAN 30:10

Musiti' i Arun sambilor igondo' mambaal ra upacara pamasawan ra altar am kupilin ra raraa' ru bibiag ondo' pataakon koson taak simbalui koson mangampun ra tula, ra kaapat-apat sangau ru altar no. Baal ragitio musiti' baalon moonong bilor ra sabuoi-buoi no. Musiti' matulai ngai' altar ti am patimpokon Raki', Tuhan.”

YEHEZKIEL 40:39

Giu' ra tampilon ra tingganai no mokoondo' apat mija', ruo tampilon ra pamiris am ruo tampilon ra kait. Giu' ra rasawat ru mija'-mija' no panimbaluyan ru ulun ra bibiag ondo' pataakon koson ra taak simbalui koson mapabansuk ra guang ru Tuhan, kapoam taak simbalui koson mangampun ra tula, kapoam taak simbalui koson mambayar ra kalubatan.

YEHEZKIEL 43:19

Imam-imam papag ri Jadok intor ra bansa' ru Liwi ayuk iowon matong ra saang Kuno koson mangandoi Raki'. Aku, Tuhan Raja', nanusub ragitio. Mangani' kou risilo sanginan anak sapi' gawayan maa' raginio pataakon koson ra taak simbalui koson mangampun ra tula.

YEHEZKIEL 44:27

am sumubol ra liliut ralalom giu' ra Baloi Kuno, am mampataak ra taak simbalui koson mamasau ra inan maa' raginio iowon io mangandoi poyo giu' ra Baloi Kuno. Aku, Tuhan Raja' nakaindagu noyo.

IMAMAT 1:10

Amon ru mapataak ulun no ra sanginan intor ra domba kapoam kambing nano, bibiag no musiti' ungkuyon am kalo najamaran.

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 16:11

Makataak ri Arun sapi' gawayan no tayar ru taak simbalui koson mangampun ra tula nano galama' am sasambaloi nano,

IMAMAT 16:3

Makaumpos io ra ralalom ru Lamin Matulai Kaga' ra io mopongo ayuk magibit ra sanginan sapi' gawayan mamulok tayar ru taak simbalui koson mangampun ra tula am sanginan domba gawayan tayar ru taak simbalui koson mapabansuk ra guang ru Tuhan.”

IMAMAT 16:5

Musiti' ulun ru Israil manaak ri Arun ra ruo ngainan kambing gawayan tayar ru taak simbalui koson mangampun ra tula, am sanginan domba gawayan tayar ru taak simbalui koson mapabansuk ra guang ru Tuhan.

IMAMAT 16:6

Musiti' io mapataak ra sanginan sapi' gawayan tayar ru taak simbalui koson mamuso ra tula nano galama' am tula ru sasambaloi nano.

IMAMAT 4:14

paat ra mapandayan ayuk tula no, musiti' ngaangai' ulun ru Israil mapataak ra sanginan sapi' gawayan mamulok tayar ru taak simbalui koson mangampun ra tula. Sapi' no musiti' nilo ibiton ra saang ru Kim ru Tuhan.

IMAMAT 4:23

mapandayan no ayuk tula nano, musiti' io mapataak ra sanginan kambing gawayan ondo' kalo najamaran no.

IMAMAT 4:28

mapandayan no ayuk tula nano, musiti' mapataak io ra sanginan kambing ruandu' ondo' kalo najamaran no.

IMAMAT 4:5

Tingganai Maayo Imam musiti' mangalap ra santayaran intor ra raraa' ru sapi' gawayan no am ibiton no ra ralalom ru Kim.

IMAMAT 5:6

Koson ra ukuman ru tula nano, musiti' ulun no mapataak ra Tuhan ra sanginan domba ruandu' kapoam kambing ruandu'. Musiti' imam mapataak ra taak simbalui no koson mangampun ra tula ru ulun no.

IMAMAT 6:18

Koson kalo boo lalanggain, moonong ungkuyon ra papag ri Arun makaakan raginio koson ra tayar nilo intor ra akanon ondo' pataakon ra Tuhan. Ulun ra bokon ondo' mangambong ra taak ra akanon mausung sabap ra kaikangan ru kapasawan ru ginio.

IMAMAT 8:12

Patimpokon ri Musa i Arun ra umau upacara pasasaron no ra ulu ri Arun.

IMAMAT 9:2

Indagu i Musa ri Arun, “Alapo' sanginan sapi' gawayan ondo' mamulok am sanginan domba gawayan, am karuo-ruo no kalo najamaran no, pataako' boo karuo-ruo no koson taak simbalui ra Tuhan. Sapi' gawayan no tayar ru taak simbalui koson mangampun ra tula, am domba gawayan no tayar ru taak simbalui koson mapabansuk ra guang ru Tuhan.

IMAMAT 9:3

Susubo' boo ulun ru Israil mapataak sanginan kambing gawayan tayar ru taak simbalui koson mangampun ra tula, sanginan anak sapi' am sanginan anak domba ondo' umur ru karuruo no sambilor am kalo najamaran no, tayar ru taak simbalui koson mapabansuk ra guang ru Tuhan.

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

UNTABAN 8:8

Ulun ru Liwi pana musiti' mangalap ra sanginan sapi' gawayan mamulok am taak ondo' inaru', iono taak simbalui koson paringkuanangan, iono tapung ondo' linatakan ra umau jaitun. Okou musiti' mangalap ra sanginan sapi' gawayan poyo tayar ru taak simbalui koson mangampun ra tula.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IBRANI 5:3

Ginio ra paat ra io mampataak ra taak simbalui, pai' ru pakiampunan ra tula ru ulun bokon ayuk, kaa' koson ra tula nano galama' niayuk.

IBRANI 9:12

Igondo' ayuk i Kristus minumpos ra Intok Matulai Kaga' ti am ginio sama' ra sabuoi-buoi no. Kalo nagibit Io ra raraa' ru kambing am raraa' ru sapi' gawayan, kaa' inibit No raraa' Nano galama' ondo' nasauk ra puun ru pamayagan mantilayun takau.