IMAMAT 4:23 - Tanou Moonsoi Timugon

²³ mapandayan no ayuk tula nano, musiti' io mapataak ra sanginan kambing gawayan ondo' kalo najamaran no.

IMAMAT 4:23 ပူးပေါင်းရင်းမြစ်များ

MAZMUR 90:8

Giu' ra saang Muno pabalaan Mu tula maino, tula mai ra nakasibuni makito Muno.

YEHEZKIEL 43:22

Susuab no, musiti' kou mangalap sanginan kambing gawayan ondo' kalo najamaran, am pataakon ginio koson ra taak simbalui koson mangampun ra tula. Kapasawo' altar no ra raraa' ru kambing gawayan no koson ra ondo' binaal muno ra raraa' ru anak sapi' gawayan no.

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 23:19

Suai raginio pataako' noyo sanginan kambing gawayan tayar ru taak simbalui koson mangampun ra tula, am ruo ngainan anak domba gawayan ondo' sambilor umur no tayar ru taak simbalui koson makibarakat ra Tuhan.

IMAMAT 4:14

paat ra mapandayan ayuk tula no, musiti' ngaangai' ulun ru Israil mapataak ra sanginan sapi' gawayan mamulok tayar ru taak simbalui koson mangampun ra tula. Sapi' no musiti' nilo ibiton ra saang ru Kim ru Tuhan.

IMAMAT 4:24

Musiti' io mapabanta' ra kalindu' nano ra rasawat ru ulu ru kambing no, am simbaluyon boo ginio ra tampilon ralayo ru altar, giu' ra intok panimbaluyan ra bibiag tayar ru taak simbalui koson mapabansuk ra guang ru Tuhan. Gitio noyo taak simbalui koson mangampun ra tula.

IMAMAT 4:28

mapandayan no ayuk tula nano, musiti' mapataak io ra sanginan kambing ruandu' ondo' kalo najamaran no.

IMAMAT 4:3

Amon ru makatula Tingganai Maayo Imam, saboi mangkinibit ra ngaangai' ulun ru Israil makasala, musiti' io mapataak ra Tuhan ra sanginan sapi' gawayan mamulok ondo' kalo najamaran no, maa' raginio ampunon tula nano.

IMAMAT 5:4

Amon ru magibot sasangulun ra bonyowon koson mambaal ra atan ayuk, makasala io ra natutunan no ayuk binaal nano.

IMAMAT 9:3

Susubo' boo ulun ru Israil mapataak sanginan kambing gawayan tayar ru taak simbalui koson mangampun ra tula, sanginan anak sapi' am sanginan anak domba ondo' umur ru karuruo no sambilor am kalo najamaran no, tayar ru taak simbalui koson mapabansuk ra guang ru Tuhan.

UNTABAN 15:24

am amon ru kasalaan no binaal sabap ulun kalo nakapandai ra aturan, am ilo musiti' mapataak ra sanginan sapi' gawayan tayar ru taak simbalui koson mapabansuk ra guang ru Tuhan, ondo' owou ru lisun no mapabansuk ra guang Nano. Pabayaan ra taak simbalui no ilo musiti' mapataak niayuk ra taak simbalui koson paringkuanangan am taak simbalui wain koson ra ondo' inaru'. Suai raginio, musiti' ilo mapataak ra sanginan domba gawayan tayar ru taak simbalui koson mangampun ra tula.

UNTABAN 28:15

Liliwa' taak simbalui ra moonong orou pabayaan ra taak simbalui wain, pataako' niayuk sanginan kambing gawayan ra tayar ru taak simbalui mangampun ra tula.

UNTABAN 28:30

Papataak niayuk ra sanginan kambing ra tayar ru taak simbalui koson mangampun ra tula. Koon raginio noyo akau mambaal ra upacara pamasawan ra tayar ru ulun ru Israil.

UNTABAN 29:11

Papataak niayuk ra sanginan kambing gawayan ra tayar ru taak simbalui koson mangampun ra tula ru ulun, pabayaan ra kambing gawayan ondo' pataakon ra tayar ru upacara pamasawan ra tayar ru ulun, am taak simbalui moonong orou pabayaan ra taak simbalui koson paringkuanangan am taak simbalui wain ondo' pataakon paat ra orou raginio.

UNTABAN 29:16

Suai raginio pataako' noyo sanginan kambing gawayan ra tayar ru taak simbalui koson mangampun ra tula. Taak simbalui raginio am paruangon ra taak simbalui ra moonong orou pabayaan ra taak simbalui koson paringkuanangan am taak simbalui wain ondo' inaru'.

UNTABAN 29:5

Papataak noyo ra sanginan kambing gawayan ra tayar ru taak simbalui koson mangampun ra tula. Koon raginio noyo akau mambaal ra upacara pamasawan ra tayar ru ulun.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.